فزعتكم ياخوان

معاهد اللغه : لن تجد شخصاً في طول هذا المنتدى وعرضه يقول لك ان هذا المعهد افضل , او ذاك اسوأ , لأن مايناسب مع غيرك , قد لايناسبك انت

ولكن ابحث في المواضيع المثبته في قسمي البوابه , وستحصل على معلومات اكثر مما ماتريد

وعليكم السلام ورحمة الله وبركاته

أخي الكريم بالنسبة لمعاهد اللغة في مدينة أوكلاتد فأفضل معهد يأهلك أكاديميا وبشهادة جميع الطلاب اللي درسوا فيه هو معهد ELA والتابع لجامعة أوكلاند

أما بخصوص المقارنة بين استراليا ونيوزيلندا فأنا أعبر عن رأيي الشخصي وأقولك ان استراليا أفضل بكثير

وشكرا

أنآ آفضل نيوزلندا من وجهة نظري !!


لآنهآ : جنة الله بالارض ~

مشكورين على مروركم بس الامان وش تقيمكم له في نيوزلندا

بالنسبة لي وعن رأيي الخاص

الحمد لله الامان موجود ولم نتعرض لاي مشاكل

ببساطة

انت من يستطيع توفير الامان لنفسك وذلك باتباعك التعليمات

او المخاطرة بمخالفتك الانظمة والتعليمات الخاصة بالامان

تحياتي

الأمان من الله سبحاته

ونيوزيلندا افضل من استراليا من ناحية الأمان

بيض الله وجيهكم ياخواني والله دخلتو الراحه لنفسي وحسيت وراي ناس

إن شاء الله قريب وانا في نيوزلندا حلم حياتي

اقول سم بالرحمن وتوكل على الله
انا عشت بولينقتون اكثر من اربع اشهر والحين بالسعودية ولي رجعة قريب ان شاء الله
ياحبيبي تحس انك بحي من احياء الرياض بالعكس اذا انت ومعك مجموعة شباب انا اقول تقدر تصير عصابة عليهم ههه
وسع صدرك وكل الامور تساهيل انا قضيت الاربع شهور بقمة المغامرة اطلع آخر الليل ومافيه حارة مادخلتها
حتى الى درجة انو انا وواحد من الشباب ذبحنا الحر مرة من المرات وطلعنا فرشنا برى السكن ونمنا يقالك نبي البر وبراده ههه
بسي لاتسوي مثلنا لان الله سهلها علينا والمرات الجاية ماتتكرر بإذن الله لان كذا معرضين انفسنا للمشاكل
المهم مثل ماقلت لك مثل اي ديرة عندك بالسعودية النهار مطمئن الليل موحش بس اماان بس مايصلح تطلع حتى في الرياض وغيره مايصلح تمشي بحارة آخر الليل كلها نفس الحكاية..
اخوك سلطان

بيض الله وجهك اخوي سلطان واكيد ماني طالع اخر الليل وماني فارش برى البيت ونايم مثلك هههههههههههههههههههههههه

بصير عاقل مره