استفسار أرغب في السفر لـ نيوزلندا لكن لدي استفسارات < ارجوا المساعدة >

يعافيك ربي ويبارك فيك.

الله يعطيك الف الف عافيه على التوضيح .. والله بريطانيا حلوة بس غالية وراح تكلف الكثير

نيوزلندا على وصف لها وخصوصاً انا ابي مدينة ما يكون فيها عرب الا قليل .. مثل مدنية الي تقولين عنها كوينزتاون

انا رجال عندي لغة من قبل ورايح امريكا .. لكن ابي اطورها اكثر واكثر يعني المعهد انا اعتبره مجرد مكان للتواصل ومع الأشخاص والتعارف وتطوير السبيكنج وخصوصاً سبيكنج الحياة اليومية ..

انا فكرت اني ما ادخل معهد .. بس المشكلة بدون المعهد راح يقل تواصلي مع الناس خصوصاً ان المعهد يسوي رحلات لمناطق سياحية وهذي برضوا تفيدني كثير .. وغير كذا تعارف على اصدقاء اجانب وكل هذا ممكن يخليني اخذ كم كبير من اللغة خصوصاً ان اللغة نصها عندي بس ابي اتطور .. وانتي عارفه ان الوقت الي عندي قصير مدة شهرين تقريباً يعني لازم استقله بأكمل وجهه

فـ وش رايك ادخل معهد ولا اروحها سياحة واتمشى واسكن مع عائلة وبس ؟

لا طبعا لابد من المعهد برأيي الشعب النيوزلندي مبتسم لكن ما يتكبم مع الغرباء فلا يوجد احتكاك بيننا وبينهم الا نادرا

حتى على مستوى الجامعه حاليا والكلاسات عندي يتراوح فيها عدد الطلاب من 79 طالب الى 18 طالب لا يحبذون الاحتكاك معنا فاصبحنا الجاليه المسلمه حزب (انا والماليزيات والفيجيات) لكن النيوزلنديين قليل احتكاكهم وتعاملهم معنا.

لذلك اصبح لابد لك من معهد للممارسه اليوميه حتى الهوم ستاي البعض يشتكي من عدم احتكاكهم مع الطالب.

وبالتوفيق.

والله ذي مشكلة صراحة .. لازم الأحتكاك في كل مكان .. على العموم والله احس صرفيتي في بريطانيا بتكون نفس صرفيتي في نيوزلندا .. انا محتار صراحة

السلام عليكم ورحمه الله وبركاته

حبيبي انا افضل اوكلند بصراحه فيها كل شي تبغا يكفي انو فيه مطاعم عربيه لانو انا من كرايست شيرش وخاطري احول اوكلند بس ماني قادر لانو تخصصي بس في جامعه اوكلند للتكنولوجيا ومقفله يعني ماني قادر

واذا تبغا البعثه انصحك انو ما تجي هنا لانو العالم هنا لهم تقريبا سنه يستنوا البعثه وما فيه عشان كذا افضل لك امريكا او كندا

اما اذا جاي دراسه لغه لا هنا افضل مكان رخيصه والشعب كويس بس افضل اوكلند

والله يوفقك يارب ويسهل لك امورك وكل المسلمين يارب

شكراً على تعليقك

وانا لو بجي راح اجي بس ابي اتمشى وارجع .. فقط لا غير

حاب استفسر .. كم المسافة من السعودية الا نيوزلندا ؟

ههههههه والله عاد سألت السؤال المحطم بصراحه

اذا انت ماتحب الطائرة والسفر في الطائرة فاعمل حسابك على 19 ساعه في الجو من غير محطات الوقوف .

اذا كنت تفكر ببريطانيا بهدف الاحتكاك بالمجتمع البريطاني فهم تماما كنيوزلندا شعب لا يحبذ الاحتكاك بالغرباء اختي لها 4 سنوات في بريطانيا ومازالت لم تتكيف وتشتكي من الملل.

اذا هدفك سياحه قبل اي شي تعال نيوزلندا وحاول تقضي معظم وقتك بالاسواق بجد افضل مكان للممارسه اليوميه وعلى فكره ممكن تستأجر لك نيوزلندي يمشي معاك بس يسولف عليك (ولد شيوخ)
انا قبل سنه استاجرت نيوزلنديه تسولف معاي وتصحح لي اخطائي كانت رخيصه بصراحه الساعه ب 10 دولار ، لكن اغلبهم صارو الساعه ب 25 دولار حاليا لكن بجد افضل وسيله تعلم من اي شي اخر.

صدق نجمة الفجر الكلام الى تقويلنه مستاجره واحده بس تسولف معك

انا اقلقت العالم مافيه مكان الا واوقف اسولف فيه اذا شفت نيوزليندي اقعد اسئله واعلمه انا ليه جاي ومن هالكلام

من ناحيه السوالف لاتشيل هم اخوي

بس مسئاله ان الواحد يتمشي معك وين مارحت هذا اشك فيها

حتى اذا جيت تكلم النيوزيلندي اول مايقابلك منهم الابتسامه والله شي يحير

هذا اخلاق الاسلام وهم قاعدين يطبقونها

اي وربي مستاجرتها ب 10 دولار الساعه لا وابشرك لما انهيت اللغه نصحت صديقتي فيها وصارت تجي صديقتي تسولف معاها
بس بجد كانت جدا مفيده لانها تعطيني فرصه اتكلم وتوقفني عند كل غلطه وتصححها معاي

اخوي الكلام العام مايعطيك محصلة كلمات كافيه انا وياها تعمقنا للاكاديمي البحت.
انت تتكلم عن المحادثه العامه لكن انا اتكلم عن البيرفكت انجلش لا يمكن تتعلمه من خلال محادثه كم دقيقه بالشارع، لازم يكون لك صديق ملازم لك كل يوم يتغير الموضوع مساله انك تشرح لهم ليش انت جاي نيوزلندا (يوميا نفس الحكايه) طيب وبعدين ؟!
انت تحتاج التنوع بالحديث وتطلع من موضوع تدخل بموضوع وهذا الشي لايمكن يحصل الا اذا كان لك صديق دائم ، انا من ثلاث سنوات هنا واتكلم عن اقامه طويله ، الشعب النيوزلندي يبتسم لك لكن مايخدمك ولا يضيع وقته معاك.