استفسار الى خبراء نيوزلند فزعتكم

وعليكم السلام

اسأل الله لنا ولك التوفيق وان يعيدنا الى بلاد المسلمين غير خزايا ولا محرومين

بالنسبه لاسئلتك

القنصليه السعوديه تتواجد في اوكلاند فقط

بالنسبه للمبلغ 20 الف باذن الله تكفيك من شهر ونصف الى شهرين اذا اقتصدتي بالصرف

لكن انت ماذكرتي ايش نوع دراستك بعد اللغه ؟ ماستر او بكالريوس

اذا ماستر لاتجين نيوزلندا روحي امريكا او بريطانيا او استراليا كلها افضل بالخطه الدراسيه لان خطة نيوزلندا طويله جدا (الماستر 3 سنوات وبشروط للاجتياز مقسمه على دبلوم ودبلوم عالي وماستر وكل سنه 8 مواد ولازم تنجحين بمعدل B-)
اذا لغه او بكالريوس حياك الله

الاسعار بصفه عامه متقاربه كثير الحقيقه لكن اوكلاند اغلى من غيرها بس مو ذات الفرق اللي يسوا انك تعيشين في مدينه صغيره ممله.

المعاهد انصحك بالمعاهد المعتمده من الوزاره افضل وافضلها : ELA و ACG و UNETIC من معاهد مدينة اوكلاند

اما ان اردتي مدينه اخرى حددي المدينه ونحدد لك المعاهد المتوفره فيها.

وبالتوفيق يارب

اختك

نجمة الفجر

يسلم راسك وعسى الله يوفقك دنيا واخرة ويسهل لك امورك يارب

يالغلا انا ودي بأوكلند الصراحه كثيرين مادحينها توني ابي بعد اللغه ادرس بكالريوس وحبذا بأوكلند بس قصدي

بالسؤال عن المدينة يعني ااذا في مدينه تكون ارخص من ناحية مصاريف المعهد بس اذا مافي ذاك الفرق فأوكلند افضلها وبما ان القنصلية هناك


يعطيك الللللللللللللللللللفف الف الف الف عافيه يارب وياليت لو عندك معاهد اخرى بعد بأوكلند تنوريني فيها .. احد الاخوة ذكر

بموضوع له انه في معاهد بالاسبوع31 دولار تقريبا وغير معروفة مره لانه مادرو عنها الطلاب السعودين بنيوزيلندا

سؤالي هو هل هذه المعاهد اللي ذكرها احد الاخوة الكرام من نيوزيلندا معتمده بالسعودية !!! وهل اقدر احول منها بعد ماخلص فرضا

الى جامعة اوكلند لأكمال البكالريوس ^^ شاكره لك ولبقيه الاخوة ..

شوفي يالغاليه

معهد بهذي القيمه مستحيل يا شيخه ولا قيمة الاوراق هذي ؟!!! مو معقول ابدا يمكن 310 مو 31

شوفي ارخص معهد قابلني الى الآن في اوكلاند في شارع الكوين موقعه والمدرسة كيويه ست شهور 2400 دولار بس بجد ماجربته ولا قابلت شخص مجربه لكن بالصدفه اعطوني اعلان المعهد وانا ماشيه متخيله ايش معنى هذا الكلام ؟

يعني 6 شهور مقابل 6000 ريال.

المعاهد المعتمده كلها اسعارها تبدا من 350 دولار وانت طالعه مافي ارخص من كذا.

بالنسبه للجامعه ماعندهم مشكله تدخلين اي وقت اهم شي تجيبين 5.5 بالايلتس وحقيقة هذي درجة مي كبيره يعني يجيبها اللي لغته متوسطه ومتدرب زين على نظام الاختبار.

الأخت نجمة الفجر ما قصرت معك بالمعلومات ..

بس حبيت أنبهك.. هل عندك خبر بأن الالحاق في نيوزلندا مغلق من فترة طويلة؟ فقط للتوضيح عشان ما تنصدمين اذا كان هدفك الأساسي هو الالحاق فالأفضل التوجه الى أمريكا أو كندا ..

زين انك نبهتيني اختي .. والله وماتقصري انا باذن الله بحاول اعيد الحسابات قبل الذهاب هناك ..


اخوي ماكان عندي علم بس من ناحيه البعثه متطمنه لان المسؤل اللي هنا تكفل من هالناحية فالقلق الوحيد عندي هو اول شهرين او 3 شهور

^^ ولكن مع ذلك شكرا .. بالنسبة لامريكا وكندا غسلت يدي منهم ..