بخصوص دراسة اللغة ،،، اتمنى الدخول للضرورة ...

وش دعووووة ياشباب ولا واحد فيكم رد على الأسئلة ،، تكفون يارجال ابي المساعدة ..

سلام
رايح اجاوبك على حسب ما عندي
الدراسة رايح تكلفك في الاسبوع من 250دولار الى 450 حسب المعهد
السكن مع عايلة من دولار200 الى 230 في الاسبوع طبعا مع وجبتين فطور وعشاء
التذكرة من 6200 ريال الى 7500 ريال حسب الخطوط
بالنسة لموصلات تكلف 170 دولار شهري
مصاريفك شهريا على حسب صرفك بس خلينا نقول انت واحد اقتصادي تحتاج وجبة غداء 10 دولار و10 قهو وشاي وعصير يوميا
اما الدراسة مدة سنة اذا انت جاد اعتقد تاخذ الدكتورا في اللغة
الدولة امن من السعودية على حسب علمي

انشاء الله تكون المعلومات مفيده

يعطيك العافية أخوي محمد ،، بس ياليت تقولي كم مصروف الدراسة بالكامل لمدة سنة بالريال السعودي شاملة كل شي ،، على سبيل المثال 50 الف او 60 الف وهكذا ،، ونسيت اقولك ترى انا مااعرف انجليزي وفية كثير يقولون لازم تعرف الأساسيات قبل ماتروح ،، وش رايك ياخوي ....؟

اخوي خلينا نقول
المعهد دولار265 *50 اسبوع =13250 دولار *2.6(سعر العملة) =34450 ريال
السكن 210 دولار * 52 اسبوع (مع عائلة)=10920 ______________28938 ريال
الرسوم المعهد 135 دولار __________________________________351 ريال
رسوم الفيزا 145 دولار اميركي (على ما اعتقد بس ما تعدي هذا المبلغ)____________560 ريال
التامين الطبي سنة 600 دولار ________________1560 ريال
رسوم البحث عن عائلة 250 دولار_______________650
التذكرة 7000 ريال ذهاب وعودة
الموصلات 170 دولار شهريا 170 * 12 = 2040 ---------------------5304 ريال
مصروفك خلينا نقول2000 ريال شهريا(على حسب مزاجك) هذا بس وجبة غذاء وقهوى اما اذا تبي تمشية زودها شوي = 24000
وش باقي
احسب المجموع والله يعينك
من وحهة نظري اذا تقدر تاخذ مستوى واحذ لابس يعني تقدر تقول ماي ني از .........
كم عمرك
وش تحب تاكل
من هذه الامور يكون احسن
بس هذا ما يمنع انك تروح صفر

اتمنى افدك

ماقصرت أخوي محمد ،،

أتمنى من الأخوان الي يدخلون على الموضوع يقولون الي يعرفون علشان أتأكد من كل شي ويعطيكم العافية ،،،

ياحبيبي انا اقولك شوف المعهد الي راح تدرس فيه وشوف اسعاره قبل كل شي يعني اي معهد اكيد راح يكون له موقع على الانترنت وانت قرر بنفسك كيف سعره وانت روح من هنا عن طريق مكتب وقوله لمدة شهر اذا عجبك كمل فيه واذا ماعجبك غيره
انا رايح بعد اسبوع او اسبوع ونص لدراسه باوكلاند انشاءالله باذن الله . المهم انا حجزت معهد من هنا يكلف المعهد 6700 شامل السكن والاستقبال بالمطار ووجبتين يوميا يعني تقدر تقول شامل كل شي ماعدا المواصلات وانشاءالله يكون السكن قريب من المعهد والتذكرهـ 7000 ريال تقريبا على الخطوط الماليزيه رايح جاي يعني انت احسبها لو بتروح لمدة سنه صدقني اذا المنطقه مافيها عرب راح تكون عبقري وعالم باللغه الانجليزيه انشاءالله اذا اجتهدت المهم شد حيلك وتوكل على الله ونشوفك بنيوزلندا ...

هلا أخوي انت كم راح تجلس وهل بتدرس انجليزي والا بتدرس تخصص معين ...

انا شهر ونص تقريبا انا رايح ادرس لغة بس وارجع