كرشوني الملحقية..

اخوي مانيب من مبتعثين نيوزلندا لكن شدني عنوان موضوعك
وبأنصحك نصيحتين
1- لاتخلي الدعاء
2- انشب لهم بحياتهم
تردد عليهم بشكل دائم ترى الزنة تجيب نتيجة قطعت كل هالمشوار وإن شاء الله ربي مايضيع تعبك وبتلقى في الملحقية من يقدر ظروفك
عسى الله يزينها ويوفقك ويوفق كل المبتعثين

ياخي حرام عليك ,,
انت عارف انه مقفلة نيوزيلاندا ليه تروح

انا مثلك كنت بروح لها والله بس شفت انه اللالحاق فيها شبه مستحيييل

عموما لو تسمع شوري رح امرريكا وحول مسار الرحلة قبل ماتخسر واجد عندك بالفاضي


اسال الله ان يوفقنا واياك لكل خير وان يعجل علينا بالالحاق ,,

اذا تعرف احد فالرياض خله يروح للتعليم العالي وينشب لهم مررره واذا ما نفع خلاص استسلم وحول على امريكا او كندا

ياشيخ الله يسعدك
هههههههههههههههههه وربي العنوان جذبني عشان كذا دخلت ولا انا ما اعرف شي عن موضوعك
اتمنى لك التوفيق وان شاء الله الشباب مايقصرون معك
تقبل مروري...

اخوي احنا عندنا اثنين نفس وضعك بالضبط تدري ايش قال لهم موظف الالحاق بالملحقيه ؟

Game over

الظاهر الاخ مدمن بلاي ستيشن

عموما انا مع اللي قال روح امريكا يكفي ان شعارهم النجاح للجميع والتميز لمن يريد.

وانت شفت وضع طلاب الجامعه هنا يا متميز يا اقضب الباب ، تعليمهم معقد ونظامهم مايسمح لك تستجم شوي طول الترم واجبات من غير الواجب الاسبوعي اللي نحله قدام المدرس ويقيمنا عليه من غير اختبار منتصف الترم والاختبار النهائي وش ذا ام التعقيد وربي كرهت الدراسه من كل قلبي. حسبي الله عليهم.

غير كذا حتى الوزير لما جاء قابلناه وطلبنا منه مساعدتنا في ضم اقاربنا للبعثه وهم وصلوا بعد القرار بايام، قال لنا بالفم المليان : نيوزلندا مافي امل وانسوا الموضوع ، قالو له انت الوزير واحنا متعزوين فيك ، قال روحوا امريكا وتعالو عندي واعتبروا موضوعكم منتهي اما نيوزلندا فمستحيل.

يا جماعة الخير

عدد جامعات نيوزيلندا المعترف بها قليل جدا مقارنة بعدد جامعات امريكا او كندا

وبالتالي التكدس واضح .. كما هو الوضع في كثير من جامعات بريطانيا

والوزارة وضعت ضوابط للتقليل من الالحاق في نيوزيلندا .. ورد الوزير أكبر دليل على كذا

فلا تلومون الملحق ولا موظفين الملحقية على هذه الشروط لأنها بعلم الوزارة وبرغبتها

أسأل الله لكم التوفيق

حقيقة ليس الموضوع بهذا الشكل تماما .

لاني بقولها بصراحة اذا ضموا من اتوا بعد القرار فعلي الملحقية ان تضم جميع الطلاب الذين رفعت ملفاتهم لااستراليا وغادروا البلد من شهر 2 الي شهر خمسه ولكن هالحاله تحديدا ما ضموا الا من يملك الواو فقط.

وبالنسبة للملحقية ولكي اكون اكثر صراحة ما زالوا يحتاجون مع احترامي الشديد الي 5 سنوات حتى تسير امورهم علي خير اذا ما استمروا علي الوضع الراهن

ناهيكم عن انه اكثر من 300 طالب قيد انتظار قرار الابتعاث بسبب نواقص التأشيرات اللي الملحقية مو فاضيه تساعد طلابها انهم يستخرجوها لو ما رحمهم الله بالقنصيله انها صارت تتابع الموضوع الا ما كان فيهم احد اخذ فيزاء

اخيراً مع الاسف اذا المبتعثين نفسهم ما اخذوا حقوقهم من الملحقيه فبالابداء ان لا يتعب احد معهم الا اذا كان ذا لسان وسلطة فحينها بقول وبكل صراحة اضمن قرارك لو انك جاي بعد سنه

يمكن خيره لك ماتدري
الله يوفقك ويرزقك ماتتمناه

الله يعطيكم الف عافية على هالردود المثلجة للصدر..
بس انا ضيعت سنة وماني مستعد اضيع اكثر من كذا عشان الابتعاث...
ولا أوصيكم بأردود الزينة بعد..