جاي اوكلاند ولا ادري وين الله حاطني...؟؟ كم سؤال يارب القى اجابتهم؟؟

اصبر علي اسبةع واصير من اهل اوكلاند ان شاء الله

واذا عن المبلغ اذا كان السكن مجهز جي معك ( 5000 ريال) وحولها دولار امريكي من بنك الراجحي
واذا ماعندك سكن جب 8000 وحولها دولار امريكي > واذا وصلت اوكلاند حولها للنيوزلندي

ولا تشيل هم الدعوة تساهيل باذن الله
واذا عن الاجواء الصيف جاي ( آآآآآآه يا صيف اوكلاند ) <<< يمدحونه ما قد جربته

بس ترى والله غلطان تجي على الزيرو المفروض اللغة تكون حلوة وتفهم الناس
كذا صدقني راح تمل بسرررررررررعه عشان كذا خذها نصيحة مني ( لاتفكر بالرجعه قبل 3 شهور ) لانها اصعب شي
والباقي تساهيل


واتمنى والله اخدمك بشي لكن ماني من اهل اوكلاند

من وين مشالله حصلت على دبلوم الكترونيات ؟؟

وجامعه ايش جاتك الابتعاث وكم ساعه حسبولك ؟

ومشكور يا فورلان ,,

على قدر أهل العزم تأتي العزائمُ

بالنسبة لدراسة اللغة ما أحد خلق متعلم وأن شاء الله الامور سهلة بأذن الله

الأجواء حلوة أن شاء الله بس هل الايام باردة نهاية الشتاء

وبالنسبة للمبلغ

السكن بالشهر تقريباً 800 دولار * 2.7 = 2160 ريال

وبالنسبة للمصروف كل يوم تقريباَ 25دولار بالكثير يعني بالشهر =750 * 2.7 =2025 ريال

والباص بالشهر تقريباً 90 * 2.7 = 243 ريال

المجموع 4428 ريال مصروف شهر كامل أحتياطاً 5000 عشان المعهد يأخذ رسوم التسجيل ورسوم الكتاب

وبالنسبة لمكافأة المبتعث 3700 دولار * 2.7 = 9990

توصل بالسلامة أن شاء الله

بالتوفيق أن شاء الله

أخي الكريم تفضل بزيارة موقع نادي الطلبة السعوديين بأوكلاند وتجد فيه جميع طلاب أوكلاند

وبالتوفيق

www.ssca.org.nz

تجي بالسلامه
كلنا بالهوا سوا لاتقلق
انا واصل مالي كم يوم استقبلوني بالمطار والان انا بالفندق لين يحصلوني لنا علي شقه او سكن مع عائله اهم شي تاكد علي المنسق الي من الموسسه انك جاي بالتاريخ الفلاني الي نيوزلندا واموررررررررك طبيه وترا الديره برد ومطر وغااااااااااااليه حيل والله المستعان ولا تشيل هم السعوديين والعرب موجودين بكل مكان ولاتنسي تسجل بالملحقيه وتروح للمعهد تخبرهم انك وصلت علي شان يحددون لك موعد للاخنبار (تحديد مستوي ) واي خدمه انا حاااااااضر اقولها من قلبي لاني مريت بالي راح تمر فيه نست اقولك اذا انت مسافر علي خطوط الكاثي اكيد راح تمر علي هونج كونج لاتتركهم لين يأمنون لك فندق اذا كان الاتتظار بالمطار اكثر من 8 ساعات والله يوفقك ان شاء الله وترا الرحله طويـــــــــــــــــــــــــــــــــله بالطيران راح تنام يومين من التعب لين توصل

السلام عليكم واهلا وسهلا فيك اخي الكريم

بالنسبه للفلوس اللي تجيبها معاك : اولا نصيحه لاتحولها للدولار الامريكي لانه نازل كثير فراح تخسر كثير ، ونصيحتي لك كالتالي:

جيب معاك مصروف الطريق واودع المبلغ في حسابك السعودي واسحب من مكائن الصرف الآلي لان صرفهم افضل مليون مره من الصرلفين واشرح لك تجربتي:

صرافين نيوزلندا : يصرفون الدولار ب ٣ ريال واحيانا يزيد شوي على ال٣ بعد واحسن واحد صرف لي هندي ب ٢.٩ ايضا كثير غالي فلما سالتهم عن سبب غلاء الدولار واني لما ادخل اسعار العملات الاقيه ب ٢.٥ بريالين ونصف واقل احيانا قالو لي محلين مو واحد : انه مافي تعامل مع الريال السعودي في نيوزلندا وانهم يصرفون ويرسلونها لاستراليا للتبديل فلذلك اسعارها غاليه وان البنوك كلها ماتصرف الريال وهذا الكلام صحيح ١٠٠٪ من خلال تجربتي.

طيب الدولار الامريكي كثير نازل فتخسر كثير لما تحول الريال دولار امريكي وبعدها تحول الدولار الامريكي نيوزلندي.

الحل : انا عندي حساب في بنك الراجحي (طبعا مااعتقد ان البنك له علاقه ممكن باي بنك سعودي) لما احتاج احيانا اضطر اسحب من رصيدي السعودي الراجحي يحسب لي الدولار غالبا ٢.٧ واحيانا ٢.٥ يعني احسن بكثير من صرف نيوزلندا ، لكن تأكد منهم ان بطاقتك تعمل في الصرافات الدوليه.

كان الراجحي سابقا ياخذ على عمليات الصرف ٢٤ ريال لكن من سنه تقريبا ما اخذ مني ولا ريال على الصرف الدولي.

بالنسبه لدراسة الهندسة في جامعة اوكلاند : للاسف جدا جدا صعبه ومعقده وقليل اللي يجتاز فيها لكن مع المذاكره مافي شيء مستحيل وانا قد قابلت شاب سعودي مهاجر يدرس في الجامعه كان هندسه وحسب قوله كان يذاكر اكثر من ١٠ ساعات في اليوم وبالاخير مانجح وحول كمبيوتر والحين بسنه ثاني.

جامعة اوكلاند من افضل مئه جامعه عالميا لذلك مناهجها صعبه جدا وااكد لي رئيس القسم اللي انا ادرس فيه انه مافي جامعه في بريطانيا تقارن بجامعه وكلاند الا (كامبردج واكسفورد) من حيث نوعية المناهج ونظام التعليم.

لذلك شد الهمه.

الاستقبال بالمطار : لاتخاف ماراح تضيع ابد ان مالقيت احد قدامك اركب اي باص وقله يوصلك شارع الكوين ستريت وهناك تلاقي الشارع مكتظ بالعرب ممكن يساعدونك.

بالنسبه لدراسة اللغه : شوي صعبه في نيوزلندا وذلك بسبب سرعتهم في لفظ الكلمات لكن مع الوقت تعتاد عليهم والاهم ان المعهد يتقبل الطلاب الدوليين واعتادوا على التعامل معنا فلن تواجهك هذه المشكله في المعهد ولكن تلاحظها في الشارع،واولا واخيرا اللغه تعتمد على اجتهادك.

وبالتوفيق