استفسار لمن لديهم الخبرة في المعاهد

اخي كل المناطق فيها سعوديين

وتقدر تقرر على حسب المدينه اللي راح تكون وجهتك لها

ولااحد يقدر يقولك مافيه سعوديين بكل مكان لكن هذي مومشكله

وعموما اللي تعتبر اقل اتوقع هاملتون, ودنيدان, وكونز تاون, نيلسون

بس على فكره المعاهد قليله تكون على عكس المدن الكبيره مثل اوكلاند وكرايست شيرش

كرايست شيرش صارت الوجهه الاولى لدراسة اللغه للسعوديين. يعني فيها زحمة سعوديين الله لا يوريك

اذا مصر على نيوزلندا لا تروح كرايست شيرش و اوكلند

او غير وجهتك لبريطانيا او استراليا

888

اخي ممكن حكمت عليها بالاجازه وانا معك الاجازه شي يفوق الخيال كل الشوارع سعوديين

لكن الان بالوقت الحالي اغلبهم رجعوا ومافيه الكثره اللي تتوقعها

ولاتنسى المعاهد كثييره ايش رايك طيب اني بمعهد مافيه الا 2 سعوديين ومتفاوته مستواياتهم ماكانا مع بعض بالكلاسات

وصدقني اللي بيتعلم راح يتعلم مدري ليه حنا مشددين مره ماتوقع فيه سعودي راح يجبرك تتكلم معه بالغصب

حتى لو ماحبيت تتكلم معه لاتكلمه واذا كلمك قله تكلم معي انجليزي.. هذه افضل حل

وملاحظه بريطانيا ... هههههه مو فيها سعوديين الا امم من العرب يارجل رحت سفارة بريطانيا في الخبر ههههههههه طوابير اقسم بايات الله

يعني صدقني الزحمه بكل مكان لكن بنيوزلندا اعتقد افضل وكل المناطق ممتازة الا اوكلاند هي فعلا بكثره عرب

اخوي بحسب نظري فيه مدينتين حلوه سياحيه (( يعني راح تفلها اذا طفشت )) و كويسه دراسيا
١) روتروا
٢) كوينز تاون

كل التوفيق لك

بالنسبة اللى انت فيه اخوي عبدالعزيز

وين واي مدينة وايش اسم المعهد اللى انت فيه

يعطيكم العافية على المرور

وش رايكم في هذا المعهد

Garden City English School


في مدينة

Christchurch

هلا اخوي ...

اخباركـ ان شااء الله تمام ..

انا الحين ادرس بنيوزيلاند لي شهر وشوي بمدينة هاملتون بمعهد ويكاتو

المدينه هذي نسبة السعوديين فيها قليله اقل من اي مدينه موجود في نيوزيلاند بس نصيحتي وانا اخووكـ انتبه تجي هنااا ما ودي تغلط مثل ما غطلت صح ان الدوله حلوه بس مو حقت درااسه صراااحه يعني فييه دول احلى منها امريكا وبريطانيا واستراليا افضل منها 1000 مرره لان السعوديين معاناة هنا كلن رجع للسعوديه اللي باع سيارته واللي حول امريكا من المبتعثين واللي رجع وما كمل دوله تجيب ضيقه الصدر والاجواء ما تصلح لنا كسعوديين انا السنه اللي راحت واللي قبلها رايح بريطانيا احسسسن من بمليون مرره مع كامل احتراماتي للدوله فاشله بمعى الكلمه .. هذ1 رايي انا لاني جربت وما ودي تجرب ويصير لك مثل ما صاار لي هذ1 رقمي اي شي تبغااه دق علي (064211583384) هذ1 رقمي مع مفتاح الدوله اللي هو ( 064 ) تقبل مروري .. والله يوفقكـ

في مره واحد نصحني بمنطقه بالجزيره الجنوبية اسمها
الكوين تاون

او الكوينزتاون

هيك اشي

هلا اخوي خيارك لدراسة اللغه في نيوزلندا ممتاز جدا. وخاصة الفتره الللي انت حددتها من بعد عيد الفطر.

الربيع بكره اول يوم باذن الله والاجواء بدت تدفى والعيب الوحيد هو كثرة الامطار هذي الايام.

انصحك بقوة في مدينة اوكلاند لعده اسباب :

انها العاصمة الاقتصاديه وسائل الترفيه فيها متوفره اكثر بكثير من غيرها.

كثره المعاهد وتعدد الخيارات وتفاوت الاسعار

فهناك عروض لبعض المعاهد ومنها معهد يدرس فيه اخوان زوجي حاليا : 3 شهور شامل الفيزه الدراسيه مقابل 1500 دولار ، المدرسات للمستوى المتوسط والمتقدم خليط من البريطانيات والنيوزلنديات الكيويات.

بالنسبه للعرب يا اخي لا تجعلهم عقبه في طريقه فلا يوجد عربي يقحم نفسه في حياتك او يفرض نفسه عليك وانا لي الآن 3 سنوات في نيوزلندا تنقلت فيها بين اغلب مدنها وقراها للسياحه وعشت في كرايست شرش واوكلاند للدراسه ، يوجد لي صديقه سعوديه واحده فقط والجاليه الخليجيه بيني وبينهم السلام والسؤال فقط عندما نلتقي صدفه في الشارع.

ولكن نقطه هامه احب اوضحها لك : من افضل الجنسيات الناطقه باللغه الانجليزيه هم العرب لان شرق آسيا لاينقطون الكلمات بشكل صحيح فالاعتماد عليهم يعلمهم و لا يقدمك.

الشيء الآخر: شرق آسيا يريدون ان ياخذوا منا ولكن لا يريدون ان يعطونا وسيلاحظ هذا الشيء طلاب الجامعات اكثر من طلاب اللغه.