الرجاء المساعد ....4أشهر لغه

سلام عليكم

عليكم السلام


ياشباب انا عقب العيد بكم يوم طالع لنيوزيلندا لمدة4شهور لغه قالوا لي حليوه ولاهيب غاليه مره

وابي معاهد يكون السعودين والعرب قليلين فيها تقريباً عارف ان كلش فيه سعودين وعرب.. لكن تقريباً يكون العرب فيه قليلين شوي ....ونفس المعهد يأمن لي سكن مع عايله....وكم راح يكلف المعهد +سكن عايله لمدة4شهور....عطوني اسامي معاهد في مدن جميله ....قالو لي مدن الجنوب جميله والعرب لايتوجدون بكثره...فالرجاء ذكر اسامي المعاهد لي لكي اتراسل معهم قبل العيد لان على العيد طالع لنيوزيلندا

اهلا اخوي .. مافيه معاهد مافيها سعوديين حط الشي بالك بس ممكن تبحث عن الاقل يعني مايكون فيه سعوديين وعلى فكره ماعتقد بعد تضمن.. انا اول ماخذيت المعهد قالوا لي مافيه ولا سعودي فيه وهذه الكلام صحيح كان .. لكن بعد بداية دراستي بعدها ب 3 ايام سجلوا عندنا 3 سعوديين واحد عماني فلاتتوقع مارح تحصل وان وجد لاتهتم اهتم بدراسنك ولاتعطي موضوع العرب اكثر من حجمه

والمعاهد كثيره محد يقدر يختار لان يمكن اللي تناسبني ماينسابك .. فاذا انت راح لمده ثلاث اشهربدون فيزه تقدر تروح بنفسك وتجرب المعهد يوم كامل راح يعطونك مجاني تقدر تجرب المعهد وراح تختار بعدها اذا ماعجبك تجرب اخر
وراح تشوف الاسعار متفاوته طبعا

وانا عني بكرايست شيرش ممتازه وفيه مدن كثيره وفعلا انا نظرتي انه المنطقه الجنوبيه افضل .. عموما المعاهد متفاوته الاسعار وفيها الغالي والرخيص وعموما هي تبدا من 250 وتصل الى 450 بالاسبوع طبعا كل مازاد السعر زادت الافضليه وقوة المعهد الهوم ستي طبعا اكثر العوايل تاخذ 200 دولار بالاسبوع الا اذا راح تاخذ العايله من معهد او ايجنت راح ياخذون منك اكثر لانهم سماسره يعني لو تخلي المعهد يجيب لك العايلة راح ياخذون منك 224دولار هذه حسب ماحدث لي

الي انا خابره ان نيوزيلندا اول3شهور تطلع لها بدون فيزه ...وانا راح اطلع لها بدون فيزه والشهر الرابع راح اكلم المعهد اقولهم اني بكمل معكم شهر زياده هل المعهد يأمن لي الفيزه كطالب لمدة شهر؟

وارجو ان مايكون المعهد بـ قريه لاني رايح اخذلي لغه واوسع صدري

اخي نعم تقدر تجي بفيزة سائح بس بشرط تكون معك ذهاب وعوده لاتنسى لان راح يرجعونك لو ماجيت بتذكره عوده
واما من ناحية شهر زايد هذه يتحدد من قبل المعهد ولا اعلم اذا فيه امكانيه تاخذ الفيزه ولالا

اذا حاب المدن فعندك كرايست شيرش وفيه ولينغتون العاصمه


سؤال شاطح * *

تقريبا كم توقعون راح اصرف لمدة 4شهور للعائله والسكن ومصروف يومي مع التذاكر ...منيب مصرف مره بس بوسع صدري شوي :d

احسب للعائلة بالاسبوع 200 دولار يعني بالشهر 800 دولار واحسب مصاريف الموصلات 80 دولار بالشهر

واحسب مصاريف المعهد بالاسبوع وعلى حسب كم ياخذ منك المعهد والمصاريف الشخصيه اعتقد ماتاخذ اكثر من 400 دولار واذا على التمشيه فهذه يعتمد على صرفيتك لان السياحه شوي غاليه من وجهة نظري


والله لايهينكم علموني كل شي بالتفاصيل لأني منكب ولاعرف أي شي بنيوزيلندا وشكراً .....