سؤال لاخونا 3Ms ولاصحاب الخبره في الفيزا

وعليك السلام
اخوي انا رايح اجاوبك على قد خبرتي
اولا المعهد انا شايفوا غالي مررررررررررره
هل انت مجبور عليه .............
اذا كان لا ادخل هذا الموقع تحصل كل المعاهد
مدارس اللغة الانجليزية في نيوزيلاند
بالنسبة للفيزا ما تقدر تطلعها الا من دبي طبعا عن طريق dhl اوغيرو
وهذا رقهم :0097143327031
ايميلهم
WF-.DubaiBranch(at)dol.govt.nz

بامكانك تطلع الفيزا بعد ما توصل بس فيها مخاطرة انا انصحك انك تطلعها من هنا وترتاح

واخير
تصحتي غير اوكلاند لانها مليان عرب شوف قرية من الموقع اعلاه

حسب معلوماتي اي نعم الفيزه الدراسيه لازم تكون دراستك فل تايم لكن ترى كلاس مابعد الظهر غير مفيد لانه اغلبه اكتفتي مع الطلاب يعني يعطونكم العاب ومسابقات وهكذا فيما بينكم او يكون قراءه.

بس بالنسبه للفيزه الدراسيه لازم الفل تايم ومو بس كذا اذا غبت ورفعوا فيك المعهد للجوازات يتم استدعاءك والتحقيق معك ويتم ترحيلك.

اوكلاند خيار ممتاز والعرب ماحد يفرض نفسه عليك انا لي هنا ٣ سنوات مالي الا كم صديقه سعوديه نادرا مانلتقي فالكل مشغول بدراسته.

انت ابتعد عن العرب اذا لم تكن ترغب بصحبة عربي ولكن لا تضعهم عقبه في طريقك فلا احد يفرض نفسه عليك.

المعهد نفسه يستخرج لك الفيزه اذا حاب تدخل البلد سائح وتطور فيزتك اول ماتباشر بالمعهد.

مشكوره يا نجمه البحر على الرد والمعلومات

انا بالنسبه حاط هدف فعلا استفيد بكل لحظه وعشان كدا ما ابغى اقلل المده وان المعهد يجبرني على الفل التايم عشان اطلع الفيزا

وبعدين جيتي والله جابك ،،بما انك لك ثلاث سنوات في اوكلاند هل فعلا تشوفين المدينه افضل خيار للدراسه او في القرى او كرايست شيرش ،، وكيف الوضع الامنى في الليل ،، وقصدى في الليل يعنى الى الساعه 9 او 10 هل هو امان او زي ما سمعت انه مشاكل مع السكارى وفيه تحرشات من البنات وممكن يتبلوا عليك ،، واتوقع ان الكلام هدا في اخر الليل ،، وانا ما توقع اني ممكن اكون برا السكن بعد الساعه 10 ،،، وهل فعلا المحلات تقفل الساعه 7 ؟؟ واذا فعلا تقفل في الوقت هذا شكله الدنيا تصير كئيبه والشوارع فاضيه..

معليش طولت عليك بالاسئله

مشكووور يا الغالي

انا العمل معطيني الحريه اني اختار المعهد اللى بدرس فيه ولكن يشرط اني ما اتعدى ميزانيه محدده ، يعنى لو اجلس سنه او شهر او شهرين او عشر بس اهم شي ما تعدى مبلغ معين .

يا اخوى والله جاني احباط على حكايه الفل تايم ،، لاني بدل ما راح اجلس من ثمان الى تسع شهور اذا سجلت بارت تايم ..الحين راح اضطر انى اجلس من خمس الى ست شهور كله بسبب الفيزا واني لازم اسجل فل تايم ،، وانا بصراحه زي ما قلت انت ونصحتني ودي احصل الفيزا قبل لا اسافر واريح راسي ،، وغير اللى اعرفه زي ما قالت الاخت نجمه البحر ان الفل تايم بعد الظهر يكون العاب وماني عارف ايش وانا مالي بالسوالف هاذي ،، انا الحمد لله لغتي جدا كويسه ولكني ضعيف بالقرامر والرايتنج ...

ياريت تنصحنى بمعهد يكون تدريسه كويس وسعره مناسب ،، لاني بصراحه شفت اسعار معاهد كثيره وكلها تقريبا متقاربه ( اتكلم عن معاهد لها سمعتها) وكل اسعاره مثل بعض تفرق بين 20-30 دولار بالاسبوع زياده اونقص ..

فيه مكتب عندنا هنا حاط عرض على معهد كابلن اسبكت لمده ثمان اشهر مع السكن بالعائله بقيمه 49 الف ولمن دخلت على موقعهم وحبيت اني اراسلهم بنفسي طلع فيه فرق كبير وان المكتب عرضه افضل وبصراحه استغربت من الناس اللي يقولون لو تراسل المعاهد يكون ارخص لك....

حقيقة من واقع تجربتي وتنقلي بين القرى والمدن للسياحه ودراستي في (اوكلاند اولا ثم الانتقال لكرايست شرش ثم العوده الى اوكلاند)

انا فضلت اوكلاند لانها تجمع الحضاره مع الطبيعه والبحر ، ثلث سكان نيوزلندا يعيش في اوكلاند

فيها الخيارات الترفيهيه والسياحيه والمطاعم لاعد لها ولا حصر.

خيارات المعاهد لا عد لها ولا حصر.

فيها 3 جامعات بالاضافه لكلية اليونيتك ومعهد فيتري للبكالريوس.

بالنسبه للامان الساعه 9 او 10 ليلا : الحمد لله الذي اعز عقولنا بالاسلام فعلا الناس تتحول لحيوانات بشريه ليلا ولكن حقيقة لا يؤذونك ولكن انزعج لاصواتهم وجريهم وصراخهم (يركضون او يصرخون او يتجردون من الملابس) يعني كأنك داخل مستشفى مجانين.

هذا العيب في كل دول العالم التي تسمح بشرب الخمر موجود.

من ناحية الامان تجنب الاماكن المشبوهه فقط مثل شارع الكاي رود لان اغلب مدمني المخدرات يجتمعون فيه ليلا وتوكل على الله.