اهل نيوزيلندا محتاج للوقوف بجانبي ز حول دراسة الدكتوراة تخصص الرياضيات - اللغة

هلا اخوي انا طالبة ماجستير رياضيات في اوكلاند

الدكتوراه بحث فقط ومطلوب منك 7 في الايلتس على ان لا تقل كل جزئيه عن 6.5 من مهارات الاختبار

بس سؤال : اخوي هل تجيد التعامل مع برامج الرياضيات : MATLAP , MAGNUM , MAPLE ؟؟؟؟؟

اذا ماتجيدها انصحك تغير الدوله لان الرياضيات عمليه بحته بالجامعه ويبي لها اساس قوي وانا شخصيا رجعوني اعيد آخر سنه بكالريوس مع طلابهم قبل قبولي لدراسة سنة الدبلوم العالي ثم سنة الماستر.

بالنسبة للجيمات والجي آر غير مطلوب.

للتقديم على الدكتوراه يشترط منك تحقيق شرط اللغه 7 من 9 ايلتس او مايعادله من التوفل + بروبوزر + والمؤهل الاخير لك

التقديم مجاني ، وتقريبا القبول مو معقد يعني قدم وتراسل مع مشرف وتوكل على الله.

ملاحظة: اذا حاصل على الماستر من بريطانيا ترى فيها وجهة نظر في الجامعه يعني موب شرط تقبل يعتمد على جامعتك موب كل الجامعات معتمده عندهم (حسب كلام رئيس قسم الرياضيات دكتور فيليب شارب).

اتمنى اكون افدتك يارب

مشكورة اختي عالمعلومات المفيدة وارتحت لدولة نيوزلندا صراحة من كلامك.

عندي خلفية ببرنامج الـــ MATHTAP وسهل جدا,

ابي اسئلك اختي وابي جاواب بكل صراحة: بالنسبة للايلتس 7 فيه نوع من الصعوبة فكيف واجهتي هذه الصعوبة وكيف تغلبتي على صعوبة الاختبار لاني سوف اسكن مع عائلة واذهب للمعهد مباشرة.

لم تذكري اختي اسم الجامعة التي سوف اقدم عليها, هل الجامعة مصنفة عالميا و معتمدة من قبل التعليم العالي.

كيف اراسل المشرف لو تكرمتي ما دليتيني على اي مشرف حاليا واريد منكي اختي ان تدليني على مشرف ممتاز ومتعاون وجيد.

مشكورة اختي نجمة البحر لانه لا يوجد احد غيرك يفيدني اكثر منك واكون شاكر ومقدر لك تعاونك.

هلا اخوي الجامعة اسمها اوكلاند auckland university

اللغه موب سهله ابدا وانا تقدمت لاختبار الايلتس ٥ مرات ودرست اللغه في نيوزلندا سنتين قبل بداية الجامعة حتى حققت شرط اللغه

الجامعة فيها طلاب دكتوراه رياضيات واحد منهم باكستاني (بيخلونك تعطي دروس التوتويال لطلاب البكالريوس في الجامعه) لان الباكستاني كان يدرسني التوتوريال ولما سألته ان كان استاذ بالجامعه قال انا طالب دكتوراه بس من شروط الجامعه ان طلاب الدكتوراه يشتغلون.

برنامج المات لاب MATLAB دقيق جدا جدا جدا خاصة لنظريات الاعداد والتطبيقات العدديه والتكاملات والتفاضلات هبل فيني حتى وجود المسافه يعطيني البرنامج نوت وجود خطأ هههه.

الجامعه تقبل تدخل 6.5 في الايلتس على ان لا تقل جزئيات الاختبار عن 6

حاول تختبر الايلتس هنا اسهل بكثير من برا لانه في نيوزلندا التصحيح دقيق ولا تنسى ان اللي بيختبرك الاسبيكنج نيوزلندا ولهجتهم سريعه جدا جدا

جامعه اوكلاند يا اخي كانت تصنف 46 عالميا من اقوى مئة جامعة وآخر تصنيف نزلت الى ٦٢ والسنه ذي ما ادري ماشفت التصنيف

طبعا مثل ماذكرت لك جامعات نيوزلندا ٨ كلها معتمده للدراسة من قبل وزارة التعليم العالي اما للدكتوراه معتمد منها ٤ وهي :

Auckland University.


Otago University


Massey University


Canterbury University


طبعا رتبتها لك حسب تصنيفها عالميا

مراسلة المشرف يبدأ بعد مراسلة الجامعة والتسجيل للمرحلة وهم من يطلبون منك البحث عن مشرف بعد ماتتقدم

عندك مكتب السادات ومكتب وهيب للتقديم مجاني على الجامعات ممكن تتراسل معاهم ابحث عن مواضيعي السابقه وتلقى ارقامهم ومواقعهم على الويب.

بالنسبه لي ارشح لك الدكتور اليستر اول واحد لانه انسان طيب جدا جدا ويحب المسلمين

ايضا رئيس القسم دكتور فيليب شارب وماعنده عنصريه ومشرف على صديقتي نيوزلنديه مسلمه محجبه من اصل عربي وانهت الاونر بتقدير ممتاز .

وهنا موقع الجامعة لقسم الرياضيات وبالتوفيق

http://www.math.auckland.ac.nz/uoa/

وهنا ايميل محمد طالب دكتوراه للرياضيات وهو من خريجين الجامعه نفسها ودرس فيها البكالريوس والماستر (وهو من الاوائل بالجامعه) وحاليا يدرس الدكتوراه تراسل معاه يمكن يفيدك اكثر واكثر

http://www.math.auckland.ac.nz/Direc...hp?upi=mqur005


اتمنى اكون افدتك وبالتوفيق يارب

هلا اختي

مشكورة عالمعلومات المفيدة وما قصرتي صراحة والي سويتيه تشكرين عليه,

بالنسبة للتقديم عالجامعة بعد الحصول على الايلتس او قبل اقدم واذا حصلت عالايلتس يجي قبولي.

الله يسعدك وينور عليك دنيا واخرة

قدم الحين واذا قبلوك يعطونك القبول مشروط بالايلتس واذا انت دارس الماستر بدوله لغتها الام انجلش يتجاوزون عنك هذا الشرط نهائيا

الجامعة تحتاج ضمان مالي؟

انا اقلك بكل شفايفة,
اول مرحلة اريدها الحصول عالايلتس وان اكون بروفيشنال فيها و اجيدها باتقان, والمرحلة الثانية ان اجلب قبول من الجامعة الي وصيتيني عليها واراسل الجامعة, علما اني سوف اقدم على برنامج خادم الحرمين الشريفين للمرحلة السابعة للابتعاث الخارجي.

مشكورة اختي عالمتابعة

الله يوفقك يارب واذا عندك ميزانيه ممكن تجي سياحة وتشوف الوضع وتدرس لغه

الايلتس في السعوديه اسهل (الاختبار واحد لكن التصحيح يختلف واللي يتكلم معاك)

ماليزيا تبتعث طلابها لدراسة الرياضيات في نيوزلندا فهناك فارق كبير جدا بمستوى التعليم حسب ماذكروا لي الماليزيات فلا تعتقد ان الوضع متقارب فهيء نفسك لجميع هذي الامور

الله يوفقك يارب

عفوا اخي بعد الرجوع لموقع الوزاره لم تعد جامعة ماسي معتمدة للدكتوراه واستبدلت بجامعة فكتوريا.

السلام عليكم

عندي كم من سؤال عن المعيشة في مدينة اوكلاند

كم يعادل الدولار النيوزيلندي بالريال السعودي ؟؟

وكم احتاج من مصاريف في الشهر ؟؟

هل يوجد معهد els بحيث يكون نسبة العرب فيه قليل بحيث يكون قريب من سكن العئلة الي انا فيه؟؟

اهلين اختي نجمة البحر والله يعطيك العافية واتعبتك معاي صراحة , كل المعلومات الي ابيها اجبتيني عليها الحمد لله وانا راح ادعيلك كل سجود ان ربي يحقق امنياك.

اخوك/ سلطان