طلبتكم ياناس الفزعه قبل لا يقرب موعد السفر

7 مشاهدات ولا رد واحد

السلام عليكم و رحمة الله و بركاته ..

بفيدك باللي عندي خبرة فيه.

أولا : ما اعرف غير أوكلاند. العاصمة : ويلنيجتون.. ما سمعتهم يمدحون فيها، حتى نفسهم النيوزيلنديين ما امدحوا فيها. يقولون حولها جبال و مدري كيف صوروها لي، كأنها فيلم رعب من افلام والت ديزني. لكن ما سألتهم عن الدراسة. ولو ودك اسألك عن الدراسة بالعاصمة بأسألك. لكن انت ودك مدينة محددة و الا اللي يجي؟

ثانيا: أوكلاند جميلة، صغيرة نوعا ما، نظيفة، جوها جميل جدا. لا هو حار جدا ولا بارد جدا. في الاسبوع تجيك كل الفصول الأربع. فيها امطار لكن كأنها شاور خفيف، و أحيان تجيها هبوب تخلي البيرق يهفهف بكل الاتجاهات.
لكن الحال ماشي عموما و أهلها طيبين و فيها اللي تبيه (ماهو كل شي طبعا.. ويوم تعزم على السفر بزودك إن شاء الله بأهم الاشياء اللي نحتاجها كشعب عربي و خليجي وماهي بمتوفرة عندهم)

المعاهد مدري عنها. لكن بشوفلك بإذن الله على بكره (إن ما شفت إن في اللي رادلك جواب).
المهم عندهم هنا هو الآيليتس . لو تجيب 7 بإذن الله تتسهل أمورك.
الحياة عموما في أوكلاند سهلة و جميلة و ما يحتاج لها سيارة (لو تاخذ قريب من السنتر ) .
مالي تجربة مع سكن العوائل، لكن يفضل يكون لك سكن لحالك من نايحة النظافة والعادات و التقاليد .. إلخ لأني شفت اشياء.. يالله سترك.
والتعليم معترف فيه بأوكلاند. بل أوكلاند فيها مبتعثين من السعودية ماشاء الله لا قوة إلا بالله. و الدراسة فيها قوية (راجع قائمة الجامعة المعترف فيها بالوزارة).
وش اقدر أفيدك فيه اكثر ؟ غير المعاهد طبعا؟

الله يوفقك و يسهل أمورك.

تحياتي.

يارب يارب انك تنور دربه وتيسر امره وتفرج عنه الف كربه الله يكثر من امثالك يالغلاء وهذا الجواب اللي ابيه منكم هو ترشيح مدينه
ومن ناحية اوكلاند بالعكس افضل لي لانه ما راح احتاج اني اسافر مره ثانيه بعد ما اوصل المطار الدولي ومن ناحية كثرة العرب ما يهمني لانه عندي قناعة ان هذا الشي راجع لي انا كشخص يعني لو فيه الف سعودي حولي في اوكلاند ونا مو حاب اختلط فيهم ما راح اختلط ولو فيه سعودي واحد في مدينه صغيره كنايبير وجا براسي اني اختلط فيه راخ اختلط فيه هذي هي .
كلامك عن اوكلاند خش راسي وبصراحه توني اعرف انه في شواطئ هناك وانتظر ردك يالغلا من ناحية المعاهد اما السكن فأعتقد راح اكون مع عائلة .

بأنتظار ردود اخرى بخصوص مدن اخرى عطوني رايكم يا ناس

السلام عليكم ورحمه الله وبركاته
انا دخلت مبتعث لشراء سياره وشوفه موضوعك وقلت افا وانا ابو عبدالله ياطويل العمر انا لي في نيوزلندا 4 سنوات ياعني مايحتاج عارف البلد صح انا الان في السعوديه ومسافر خلال يومين ورقم جوالي 00966553033141
انا انصح اخواني المبتعثين او المسافرين على حسابهم الخاص للدراسه ان لايعتمدوا الاعتماد الكلي او بمعنى اصح ان لايقوموا بالتسجيل في المكاتب السياحيه والدراسيه بالعربي (يصلخوك) لان معظم المكاتب تعتمد على معاهد رخيصه وغير نافعه لك للدراسه ولا ابشرك انك مايمديك تغيره لان خلاص اندفعت فلوسك ياعني راحت عليك اذا ودك تجي تعال عن طريق واحد زيك زيه ياعني طالب عارف البلد انا انصحك بمدينه اوكلاند بالنسبه للخطوط روح خطوط برونايل قيمتها 5700 ريال ذهاب وعوده واذا لم تحصل على حجز قدم في خطوط كاثي باسفيك او الامارتيه بس انها غاليه شوي انت دق علي وابشر باللي يرضيك وسلامتك ابو عبدالله

الف شكر اخوي ابو عبدالله ع وقفتك الكبيره معي بس بخصوص الطيران :
الحين خطوط برونايل هذه بحثت عنه وتعبت الين حصلته بالروح التاسعه وبعدين ما هي عند نفس المكتب يقول مو عندي بس انها تطلع من دبي وقيمتها بالخمسه وي طيب لو بطلع عليها يعني راح احتاج اطلع طيران لدبي ب 1200 او 1000 على الاقل وبعدين اطلع من هناك طلعت قيمتها نفس قيمة الطيران السنغفوري وهو الافضل انا الصراحه تحمست لها لما عرفت انها ب 5400 بس لما شفت اني لو اخذتها من دبي بتطلع علي ب 7 وي
الطيران الصيني الصراحه خفت منه لاني سمعت كثير ناس يقولون انه مو حلو والاكل عندهم تكرم النعمه هذا الكاثي سيفيك
والاماراتي مثل منتم عارفين لا هو ولا الاتحاد كلهم لازم يمرون على استراليا واللي ما معه فيزا ما يمشي حاله
يعني مالك الا السنغفوريه

السنغافورية بعد ممتازة. أكد عليهم وقت الحجز إن الأكل يكون حلال والا بتتوهق معهم وهم بيقولون مالنا دخل وراك ما علمتنا من الاول.
احتمال توقف بدبي ثم توقف بسنغافورة.
لكن الاكيد انها بتوقف بسنغافورة. ما تحتاج فيزا . والمدة كلها حوالي ساعة ونص بالكثير. ما يمديه الواحد يغسل و جهه و يجلس يتريح فيه شوي الا وهم منادين على الطيارة.
المطار نظيف جدا ومرافقه نظيفة و تعاملهم محترم.
الرحلة إلى أوكلاند. مدري إن كان لهم رحلات إلى مدن أخرى.
في كل مرة توقف بالمطار أكد على رقم العفش لانه مرات ينزل العفش بالدولة اللي اوقفت فيها الطائرة كمحطة أولى و ما يردون يرجعونه بالطيارة (سهوا أكيد ماهو بالعمد)
وبعد أكد عند مكتب الأنفورميشن بمطار سنغافورة على الأكل وعلى العفش (احتفظ برقم العفش اللي يعطوك هو في المطار اللي بتسافر منه لانهم بمطار أوكلاند يسالونك عن الورقة اللي مسجل فيها رقم العفش لاجل يتأكدون أن اللي في يدك هي لك والا لغيرك > حرصا منهم على استتباب الامن لأن الناس أحيان تتوهق و تاخذ شنط غيرها)
والله الموفق.