مساعدة فزعتكم تكفون ابي بعض المعلومات يالغالين

افتكر انت راسلتنى على ايميلى ولو عاوز اى تفاصيل تانى اتصل بى

افيدونااا ياخوان....

بسم الله .. والصلاة والسلام على رسول الله ..

بالنسبة إن نيوزيلندا أسهل من امريكا فهي أسهل بسبب الفيزا والأمور الثانية اللي الكل عارفها من ناحية التشديد الأمني على بعض الجنسيات الخليجية في أمريكا.
بالنسبة أفضل، فكل واحد و همته. الدولتين لغتها و حروفها وحدة. بس وحدة الآكسنت أمريكين و الثانية الآكسنت انجليزي.
المعهد اللي بيعطيك اللغة مهم. لأنه لو كان ضعيف فبيضيع و قتك و معها فلوسك و بالاخير بتطلع تاخذلك كورسين في الجامعة اللي بتلتحق فيها. يعني بتكون متأخر عن باقي زملائك.
وان كان قوي فبتختصر عليك المشوار. و أفضل شي - من وجهة نظري- إنك تاخذلك معهد تابع لجامعة قوية ومعترف فيها. لانك بتختصر عليك المشوار.
نيوزيلندا أمان، و هذا الشي اللي يميزها عن باقي الدول الأوروبية. حتى انها صنفت من ضمن الدول الأولى على قائمة الدول اللي يمكن يعيش فيها الانسان بأمان. وهذا كله من فضل الله.
أسعارها مرتفعة بالنسبة لنا. لكن الواحد يقدر يمشي حاله بشكل جيد جدا.
مناخها مافيه ثلوج (أوكلاند) لاهو بارد برد الرياض اللي يقبص الواحد من عظمه، و لا هو حار يلزمك مكيف ولا هو رطب رطوبة جده، مع ان فيها شواطيء ولكن نسبة الرطوبة فيها معتدلة جدا.
مافيها عنصرية مثل بريطانيا و فرنسا . الشعب كله خليط و يحترم الجنسيات الأخرى.
الدراسة فيها قوية
وبالنهاية موضوع التعلم و تقبله للدولة تعتمد على الشخص نفسه و مدى جديته بالدراسة و على المعهد اللي يسجل فيه.
والتوفيق من الله سبحانه و تعالى.
و إن شاء الله باقي الشباب يفيدونك. و مدام علا بعد فيها الخير والبركة.

بيض الله وجهك يالغالي
افيدنا افضل مدينة تنصحنا فيها للدرسة؟
وهل اقدر اسافر بدون ماطلع فيزء واذ وصلت نيوزلند اطلع فيزة طالب؟

لما توصل هنا تاخد فيزه سائح ل 3 شهور وممكن تحولها لطالب المهم تسدد المصاريف بالكامل للمعهد

المدن الضغيره افضل من اوكلاند الان لن اوكلاند غليه - والسكن مع عائله تابعه للمعهد بقى صعب لزحمه الطلبه - انا بشوف ان وجود عرب فى اى مكان ميزه مش عيب - لكن الطلبه تقول عاوزين مكان فيه عرب قليل
فيه مدن صغيره فى اللشمال هاديه وجوها دافى وارخص فى المعيشه - عموما دى نصيحه لكن اى مدينه انت عاوز تدرس فيها مش مشكله


المهم تحدد المدينه - وتحدد مده الدراسه - ورغباتك فى السكن - وترسل صوره الطيران علشان استقبال المطار
بالتوفيق
مدام علا كامل

وجهك أبيض إن شاء الله...
أضيف على اللي اكتبته مدام علا مع انها كفت ووفت ماشاء الله عليها..
أوكلاند غالية بالنسبة للخليجيين إلا في حال إنك حددت ميزانيتك الاسبوعية وعرفت توازن ما بين السكن و الدراسة والترفيه.
لأنه المغريات فيها من ناحية التسوق ماهي كثيرة مثل بريطانيا و تركيا و غيرها من الدول المشهورة.
ثم انك جاي دراسة ماهو سياحة، فبإذن الله تقدر تسو كنترول على صرفياتك.
مدينة أوكلاند الاكثر شهرة حاليا، غير انها من المدن الكبرى وفيها مطار ، فيها بعد معاهد و جامعات قوية و العرب اللي درسوا فيها اول مرة عطوها إسم و شهرة بين الطلبة اللي ناويين يدرسون لغة فقط أو جامعة أو الاثنين .
بتشوف كل واحد في المنتدى بيكتب عن المدينة اللي هو فيها.
الاكثرية انزلوا بمدينة و حدة و ما غادروها لذا السبب ما يقدرون يجزمون إن مدينتهم الأفضل أو المدن الأخرى الافضل.
يحتاج تشوف واحد انتقل لأكثر من مدينة و عاش في أكثر من مدينة و درس في أكثر من مدينة و تسأله عن تجربته الشخصية و رايه و عن ميزات و سلبيات كل مكان راح بوه. و ذا الشي تقريبا ماهو متوفر، و ان وجد فهو نادر. لأن الواحد فينا نزل في مدينة و صلح أموره ولا بغى يضيع وقته بالتنقل هنا و هناك.

بالمدن الصغيرة تشوف عرب أقل -مثل ما قالت مدام علا- و بتكون المدن هادية و أسعارها رخيصة وتقدر باللي عندك توفر من ناحية أو تاخذلك سكن أوسع و أكبر و اقرب للكلية بسعر أقل من اللي كنت بتصرفه لو كنت بمدينة كبيرة.
البعض من الطلاب ما وده العرب لانه يعرف ان العربي فيه من طبع التلقف (اسمحولنا على التعبير) وحب التدخل بخصوصياتك و شكلك و روحتك و جيتك و اسلوبك و نمط حياتك.
والبعض ما همه شي. يطلع الجامعة و يرجع من الجامعة يعيش مثل ماهو وده و يعيش في مدينة كبيرة لانه وده بالإضافة إلى الدراسة جانب الترفيه اللي يكثر في المدن الكبيرة (مهرجانات - احتفالات- أسواق- عالم غريبة- جنسيات مختلفة يقدر الواحد يتعرف على ثقافتها و يسولف معها و يقوي لغته و اطلاعه و معرفته)
وبالنهاية .. مصير العرب يتعرفون على بعض ولو بشكل سطحي سواء الواحد كان في مدينة صغيرة والا كبيرة، لأن ودك تعرف مكان المسجد يوم الجمعة (بما إنه يوم الجمعة ). لأن ودك تعرف من وين تشتري الاشياء المكتبية بسعر مناسب.لأن ودك تمشي مع واحد من نفس طبايعك و ثقافتك يدلك على الاسواق المناسبة و أماكن الترفيه المناسبة - المطاعم- المنتزهات- الشواطيء.. إلخ
و تعتمد أولا و آخرا على شخصية الانسان و هدفه و التوفيق دايم من رب العالمين.
وياليت اللي يسكن في مدينة غير اوكلاند يخبرنا عن مدينته و المعاهد اللي فيها و الحياة والأسعار و تجربته كطالب لاجل الكل يستفيد.

الله يوفقك و يوفق الجميع.

طيب أختي من خلال خبرتك وش تنصحنا بأي مدينة حلوة والمعيشة فيها كويسه والترفيه فيها كويس بالويكند

جزاك الله الف خير

لو عندي معلومات عن مدن اخرى كان بنفيدك ولا انا مقصرين معك .
للأسف من يوم نزلنا مطار اوكلاند وحن ما فارقناها.
المدينة ماشاء الله - ما عليها كلام. كان ودنا السنتر و أماكن التجمع و الاسواق و شوفة الخلايق فهي متواجدة و قريبة.
و كان ودنا الدوائر الحكومية والسفارات و الدراسة فهي موجودة.
كان ودنا الكورنيش فهو موجود. و كان ودنا البحر و شواطيء هادية فهي موجودة. بالسيارة ونعبر الجسر على الطرف الثاني التابع لأوكلاند (كنه جسر اسطنبول )
بالطرف الثاني شواطيء جميلة جدا و حدائق و اشيا مازالت في طور الاكتشاف.
وكاس العالم الشهر الجاي، و مكانه بأوكلاند، يعني الفعاليات والمهرجانات موجودة عندنا.
ارتفاع الاسعار في ذي المدينة وارد، بالمقابل الترفيه و الواحد يعيش جو دراسة و ممارسة لغة و ترفيه بنفس الوقت.
و انخفاض الاسعار بعد الكاس وارد بعد.
و وجود بضائع و مطاعم و فعاليات تناسب كل الجنسيات، عرب و غير عرب، وارد بعد.
فيها سكن على نظام الاستيديو. و قريب من كل شي، وذا له سعره، و في بعيد شوي.
وفي سكن مع عوائل (ما جربناه) وياليت تسأل فيه خبير.
و في سكن شقق غرفتين و صالة و أسعارها تجي 350 بالاسبوع بعضها شامل الموية والكهربا وبعضها غير شامل.
البعض نزل سكن مع عوائل لمدة اسبوع وبعدها غير العائلة.
و في اللي اجلسوا اسبوع ثم شافوا ربعهم و اتفقوا ياخذون سكن بعيد شوي لكن سعره أرخص و خذوا لهم سيارة لفترة معينة والا واحد منهم يكون معه سيارة و وفروا على حالهم و مبسوطين.
وفي اللي من الاول شلة و لهم معارف اسبقوهم من اول ، انزلوا عندهم كم اسبوع ثم غيروا لشقق غير مفروشة (متوفر فيها ثلاجة و غسالة و مجففة ملابس و فرن و طباخ و مايكرويف و غسالة صحون + الارض كلها مفروشة) و كل واحد فيهم دفع 200 بالاسبوع شامل الكهربا و الماء و الإنترنت.
مع اني انصح اللي وده يجلس فترة قصيرة أو طويلة انه ينزل بالاول مع عائلة على ضمان الكلية أو المعهد أو الجامعة اللي بيدرس معها، على اساس المعهد بياخذه من المطار و يتكفل بكل شي، وذا شي مهم للمغترب . و بعد ما يعرف الوضع و نظام المدينة يبدا يحول كان ما عجبه الوضع.

أوكلاند فيها اماكن إنترنت والكوفي شوب والمطاعم مافي اكثر منها. مطاعم تناسب جميع الاذواق و الديانات. فيها أماكن لبيع اللحوم الحلال و الرز البسمتي (للي ودهم يطبخون بحالهم ) و أماكن تبيع البهارات العربية والآسيوية (تحتاج لسيارة كان السكن بوسط المدينة) وعادة ذي الاشيا يكون راعينها باكستانيين والا هنود لكن شغلهم نظيف ماشاء الله.
و أتوقع إن ذي الاشيا متواجدة بكل المدن. لكن ما أجزم بهالشي لأن مافينا اللي راح و شيك على الوضع.
وعليك انك تفكر و تقارن ما بين الاسعار و المعاهد والسكن و تسأل اللي انزلوا بمدن أخرى و القرار الاخير لك.

الله يوفقكم.

Besht Aucland اشكرك ابنى على كرم اخلاقك وذوقك ربنا يفتحها عليك ماشاء الله

بالنسبه للمدن الاخرى صاحب الطلب ممكن يتواصل معى لما ينوى ان شاء الله

جزاك الله كل خير
مدام علا كامل