تكفون يالربع ردؤؤؤؤؤؤؤؤؤؤ

12 مشاهده ولا رد يالربع لاتبخلؤؤؤن علي

بسم الله .. و الصلاة و السلام على رسول الله..

بالنسبة للمبلغ اللي تجيبه معك. على ايامنا .. ماهو أكثر من ألفين دولار. ولازم تفصح عن المبلغ اللي معك .
ومن الأفضل تفتح حساب عندك و تاخذ معك البطاقة و تطلب من البنك أو المصرف اللي فيه حسابك إنهم يسوون لك خدمة أون لاين لاجل تحول المبالغ اللي تدخل حسابك من السعودية إلى حساب نيوزيلندا (بعد ما تفتح حساب في المدينة اللي ناوي تنزل فيها ) و كله عن طريق الإنترنت . الطريقة إن شاء الله مأمونة وعليها سكيورتي . بذي الطريقة منت محتاج توصي أحد يرسل لك فلوسك من السعودية لين نيوزيلندا.
بالنسبة للدخان.. الله يعينك و يهديك و يبعده عنك. دخان والا شيشة؟ لاجل نجيب لك العلم الصحيح.
بالنسبة للحقوق الفكرية، "للأسف" أصبح قانون دولي- عالمي. و الدول بدت تطبقه. وانت وحظك والتساهيل من الله، و الا ترا جايين مع 3 لاب توب و حن شخصين، و برامج و سي دي- ماشاء الله لا إله إلا الله - بعضها نسخ و بعضها ما يندرى عنها .. ولا فيه اللي سألنا ولا فيه اللي شيك على اللاب توب. أكثر اهتمامهم بالأكل والأدوية..
وعلى سيرة الأدوية.. تنبيه لكل من وده يجي نيوزيلندا والا استراليا.. إن كان عندك مرض لا سمح الله و تحتاج له دوا معين لفترة طويلة والا قصيرة، وناوي تشيل الدوا معك في السفر، أنصحك تجيب معك ورقة من أي مستشفى في ديرتك ((بإسمك - و باللغة الانجليزية )) مكتوب فيها وصف الدوا و مدة استخدامه و الحالة اللي تستدعي استخدامه. والا ترا بيصادرونه.
الادوية البسيطة مثل بنادول و اسبرين و الحبوب اللي يستخدمها المسافرين اللي يعانون من دوار الطائرة والا البحر. مثل ذي الاشياء البسيطة مسموح فيها ، و ما غيرها ممكن يصادرونه منك، و ممكن الواحد يطيح في مشاكل كبيرة من قبل أمن المطار في حال ما افصح عنها.

الله يسهل عليك.

أخوي بالنسبة للمبلغ جيب معاك ألف دولار أمريكي تحوله أول ما توصل يمشيك أول الايام لمونا تفتح الحساب

لما تفتح لك حساب أرسل رقم حسابك للأهل ويحولون لك عليه والتحويل يأخذ من 24 إلى 72 ساعة

ثانياً بالنسبة للدخان الله يبعدك عنه مسموح لك كرز واحد بس وأكثر من كرز يصادر أو تدفع جمرك والجمرك قيمته عالية يعني تطلع عليك كأنك شارية من نيوزيلندا

ثالثاً بالنسبة للحقوق الفكرية قليل التفيش على الأجهزة وبس ما ادري عن النظام عندهم بالظبط بالنسبة للشي هذاء

ولا تنسى ( المصحف والسجادة ) وأذا أنك ناوي تسكن مع عائلة حلو لو تجيب لك علبة صغيرة فيها تمر وتقدمها لهم لما تسكن معهم لانهم يقدرون الاشياء هذي وكأنك عامل لهم شيء كبير

توصل بالسلامة

بالتوفيق

#3
Besht Auckland مشكور الله لايهينك والدخان سجائر ماهو شيشه

انتظرك

الله يسر امرك ويوفقك ماقصرت