ساعدوووني ضروري محتار وضايع :(

بسم الله .. و الصلاة والسلام على رسول الله..

بالنسبة لاستخراج الفيزا.. راجع في نفس الملتقى ( ملتقى نيوزيلندا للاستفسارات والأسئلة) طريقة استخراج الفيزا.
اللي كاتبها - الله يجزاه خير - شارح الوضع بالتفصيل .
أهم شي الحصول على قبول من الجامعة و من بعدها مراجعة السفارة النيوزيلندية مع كامل الأوراق و البيانات اللي مكتوبة في تحت عنوان : استخراج الفيزا
و للمعلومية، تعامل السفارة النيوزيلندية أسهل بكثير من السفارة الكندية و الأمريكية.
ان كنت ناوي تدرس لغة فقط فالمعاهد موجودة إن شاء الله و كل واحد له تجربة شخصية و راي شخصي بالمعهد اللي درس فيه. يمكن أكثر معهد مشهور هو معهد إيلا ela التابع لجامعة أوكلاند.
تقدر تدخل على موقعهم و تشوف أسعارهم و دراستهم و تراسلهم و بإذن الله يتم قبولك .
تقدر بعد تسألهم عن السكن و المواصلات من المطار و ذي الطريقة غالبا معتمدة في المعاهد والكليات والجامعات في نيوزيلندا بشكل عام (ممكن يوفرون لك كل ذي الأمور و يجهزونها لك قبل مجيئك للدولة).
اللغة تقدر تتعلمها بإذن الله بسهولة لأنك مضطر تمارسها مع العالم اللي حولك. بتشوف جنسيات كثيرة من غير الناطقين باللغة الانجليزية و مالك غير تسولف معهم بالانجليزي
بالنسبة للدراسة في أندونسيا..
كان ودك الصحيح.. الفترة الاخيرة مشددين على السعوديين.
واحد من جماعتنا بغى يدرس طيران هناك.. سووا له ألف سالفة و سالفة.
والا من ناحية دراسة ،فيها الجامعات القوية و فيها الجامعات اللي أي كلام.
الأغلبية يفضل يدرس في دولة تكون لغتها الأساسية هي الانجليزي، لأنه بيتعود على اللفظ (الآكسنت = طريقة نطق الكلمات) و بتعلم كلمات كثيرة باللغة الانجليزية فقط.
بعض الدول اللي لغتها الأصلية ماهي انجليزي، مثل ماليزيا و أندنوسيا و .. إلخ.. تشوف الشعب متعلم عربي، ولا شافوك ، بدل ما يسولفون معك انجليزي ويشجعوك، يصير العكس.. يسولفون معك عربي و يسألوك عن بعض الكلمات العربية..
يعني بدل ما تروح تتعلم منهم، تصير انت اللي تعلمهم :؛{

الله يوفقك و يسهل عليك .

هلا أخوي

لا موضوع نيوزيلندا أسهل بكثير من كندا

ونيوزيلندا أفضل من ماليزيا باللغة لان نيوزيلندا لغتها الاول الانجليزي بس ماليزيا اللغة الأنجليزية مهي أساسية بس من ناحية المعيشة ماليزيا أرخص


نيوزيلندا ما تحتاج فيزاء أول ثلاث شهور يعني تحجز وتجي على طول ويختمون على جوازك فيزاء ثلاث شهور أذا تبغى تجلس أكثر بعد أسبوعين تخلي المعهد يقدمون لك على فيزاء 6 شهور

يعني بس شف لك قبول في معهد وأختر المدينة وأحجز تذكرة وتعال أدرس

والله ييسر لك أمرك

وأي سؤال بالخدمة وأنا أخوك

شوف بالنسبه للفيزاء مايبغالك فيزاء تحجز التذكره وتجي وفي ال
مطار يعطونك فيزاء 3 شهور فيزا سياحيه ثم لا دخلت البلد تقدم على فيزه طالب ب 220 دولار وسعر الدولار 3 ريال سعودي قبول المعهد امره سهل

اي احد عنده معلومات مفيده لا يبخل علينا