ارجوو المساعده رحلتي بالعد التنازلي الي اوكلاند

انت من بعثة الحكمومه ام لا على حاسبك الخاص

على حسابي يا غالي

المدنيه الي انت بتروح فيه كان والد خالي فيه وخلص دراسته يقول المدنيه متوسطة الاسعار ونشالله اكلمه اليوم وارد لك خبر يالطيب

رحم الله والديك يا غالي

تصل بالسلامه اخوي واوكلاند طيبة رغم ان العرب فيها كثير يعني لاتشيل هم ابدا.... الشئ الثاني ياخوك انت تقول اللغة ضعيفة عندك لو تستغل مابقي لك من وقت هنا وتطور اللغة بكورس مكثف عشان تبدأ صح هناك.. واوكلاند بنظري اعتبرها مدينة سياحيه ولكن الطالب الجاد بيخليها سياحية ودراسية في وقت واحد يعني الامر يرجع لهمتك انت... وصدقت المكاتب هنا اسعراهم خيالية بعض الشي والبعض الاخر نصاب همه الفلوس اللي ياخذها من وراك.... افضل انك انت تراسل معهد بنفسك والشغلة بسيطة قوقل على الذمة لابغيت الترجمة او احد من اهلك لغته كويسة او عندك مدام علا كامل تساعدك بالقبول والسكن ايضا... وافضل افضل خذلك كورس مكثف قبل تطلع هناك ترى ماحد بيترجم لك بالمعهد عربي وبتعاني وتجد صعوبة بالبداية وياما شفنا ناس مثل كذا ........ومن الامور اللي بتحتاجها لاتنسى القران وسجادة صلاتك واذا بتشيل معاك اكل مثل التمر لابد يكون له تاريخ انتاج وانتهاء صلاحية ومغلف... هذا مايحضرني الان والله يوفقك يارب

بسم الله
أوكلاند مافيها غير كل خير إن شاء الله.
فيها نسبة طلبة سعوديين بشكل كبير و أكثر من غيرهم من الجنسيات العربية. ويجي بعدهم الآسيويين.
أسعارها، مقارنة بالمدن الصغيرة، تعتبر مرتفعة نوعا ما و لكن الواحد إن قدر يمسك يده بيقدر يدبر أموره بإذن الله.
الإيجارات و تكلفة الدراسة يتم حسابها بالاسبوع.
المعاهد اسعارها ما بين 300 لين 380 بالاسبوع. و في أغلى . و ان قدرت تحصل خصم خير و بركة.
السكن مع عائلة يجي ما بين 200 لين 300 بالاسبوع.
حاول تراسل معهد قبل ما تجي أو اطلب من اي شخص تثق فيه انه يساعدك في مراسلتهم و حاول تضمن لك السكن و ان يجيك اللي يستقبلك من المطار و ياخذك للسكن أول يوم (عن طريق المعهد) ومن ثم المعهد يرسل شخص يتواصل معك يكون له معرفة باللغة العربية .
المواصلات عندهم غالية، حوالي 55 دولار من المطار لين المكان اللي بتنزل فيه . و يفترض ان المعهد هو اللي يوفر لك هالخدمة (في حال سجلت في معهد قبل مجيئك).
الشباب باذن الله ماهم بمقصرين، و عندك مدام علا - جزاها الله خير- بتفيدك أكثر إن شاء الله.
إن كان لك رحلة عن طريق خطوط توقف في أستراليا ترانزيت، تحتاج فيزا مسبقة.
إذا كان عندك أدوية تستخدمها تحت إرشاد طبي، خذ بيدك التقرير اللي يدل على انك تحتاج لذا الدوا، لان احتمال كبير يصادرونه منك - الله يكفيك شر الامراض.
المأكولات غير المغلفة تغليف المصنع عادة يتلفونها من المطار.
حاول ما تجيب معك شي فيه خشب. أو افصح عن كل اللي معك حين يعطونك ورقة في الطائرة قبل وصولك نيوزيلندا- للاشخاص اللي يجيبون معهم عود/ دخون- (ورقة بيانات شخصية وفيها أسئلة عن العفش توزع على ركاب الطائرة القادمين إلى نيوزيلندا)
الدخان ممنوع تجيب منه كمية كبيرة (200 حبة دخان فقط ) - الله يكفيك شره.
أي نوع من أنواع الأرجيلة، سواء الأرجيلة نفسها أو المواد اللي تستخدم معها، يتم مصادرتها فورا و يتم تعريض صاحبها للمساءلة ( حاله حال اللي مهرب ممنوعات)
عموما، التعامل في المطار راقي، وما عندهم عنصرية مثل اللي نسمع عنها في دول أخرى، والشعب ودود إلى حد ما.
عندهم محلات تبيع التموينات العربية، و عندهم مطاعم أكلها حلال، و عندهم مصليات للجمعة والأعياد.
إن شاء الله أكون أفدتك ولو بشي بسيط.

ما شاء الله الطلبه ما قصروا كلها معلومات مفيده الله يرضى عليكم
لو عاوز اى خدمه اتصل بى والله كريم توصل بالسلامه

الله يسعدك ويجزاك الف خير
ابشرك انشاءالله مدام علا بتتواصل معاي الله يجزاه بألف خير
وشكرا لك ورحم الله والديك يا غالي

ما شاءالله عليك ما خليت شي الله يديك الصحه والعافية يا رب
دخان بس 200 سيجارة <<<<<<< شايل همه اكثر من الدراسة هههههه
الله يسعد ايامك والله تعبتك معاي
بس يا غالي تنصحني بو اكولاند

ورحم والديك يا عسل