اين الافضل

انا مثلك بطلع على حسابي مدينه اوكلاند كويسه وفيها معاهد كثير اسم معهدى كابلان على مستوى العالم والجامعات يفيدوك الاعضاء

الدراسة في نيوزيلندا قوية بشكل عام. و تعتمد على المعهد و الجامعة اللي يلتحق فيها الواحد.
عليك تختار نوع الدراسة اللي ناوي تدرسها، ومن ثم تبحث عن توفرها في الجامعات النيوزيلندية بشكل عام
إذا كانت الدراسة اللي ناوي عليها متوفرة بأكثر من مدينة، فهنا، تقتدر تختار بينها على حسب موقع المدينة والطقس اللي فيها و التكلفة و أمور أخرى.
البعض ما عنده مشكلة يسكن في مدينة باردة جدا، و البعض يبحث عن شي اقتصادي نوعا ما، و البعض الآخر يبحث عن مدينة فيها حركة وناس وما وده في المدن الصغيرة اللي عادة يكون فيها هدوء شبيه بهدوء القرية.
بالنسبة للالتحاق بالمعهد أو الجامعة في نيوزيلندا، فبإذن الله سهل ومافيه تعقيد.
يكفي إنك تراسل الجامعة و تطلب منهم قبول و كشف الأسعار و إن كانوا يوفرون لك معهد لدراسة اللغة تابع للجامعة، كمرحلة أولى، ويوفرون لك السكن و التأمين الطبي و توصيل من و إلى المطار.
إذا عجبك العرض، توافق، و يجيك القبول بعد دفع مبلغ مقدم لهم .
في المطار يختمون على جوازك فيزة طالب. يعني يوفرون عليك تدخل الدولة بفيزة سياحة و بعدها تبدأ إجراءات فيزة الدراسة.
في المطار، في حال طلبت من المعهد أو الجامعة توفر لك سكن، بيكون في أحد من طرفهم ينتظر قدومك و يوصلك للعائلة اللي بتكسن معها.
التكاليف هنا يتم حسابها بالاسبوع.
دراسة في معهد لغة انجليزي تتراوح بالاسبوع من 280 إلى 340 دولار نيوزيلندي بالاسبوع.
أحيان المعهد يسوي لك عرض خاص، مثلا يعطيك اسبوع مجاني، أو يخفض لك السعر. حسب المعهد وحسب مدة الدراسة.
السكن، ياخذ حوالي 200 دولار نيوزيلندي بالاسبوع.
ممكن بعض المدن تكون فيها الدراسة والسكن أرخص. لكن الاسعار اللي كتبتها هي في أوكلاند.
بالنسبة لأمور البعثة و الالتحاق فيها، للأسف ما عندي معلومات كافية ولكن الشباب و مدام علا فيهم البركة و إن شاء الله يساعدون في المعلومات.
تحياتي.

ما شاء الله على الشرح والافاده جزاكم الله كل خير

انا فى الخدمه لو عاوز حاجه

وهذا العشم فيك مدام علا.
جزاك الله خير .