وعليكم السلام و رحمة الله..
أجاوبك باللي أعرفه:
الفيزا:
ما يحتاج للسعودي فيزا مسبقة من السفارة.
إما انك تدخل نيوزيلندا بفيزة سائح ومن ثم تحولها لطالب
أو من الاول تجيب لك قبول من الجامعة أوالمعهد و هم يرسلون لك الموافقة والإثبات على انك جاي طالب، ومن ثم، بمطار نيوزيلندا تبرز الموافقة ويختمون على جواز سفرك فيزة طالب . ذي الطريقة أفضل و أريح .
وبكل الأحوال، السعودي ياخذ فيزته من مطار نيوزيلندا.
بالنسبة للمدينة اللي فيها جو دراسي و ترفيهي.. فاللي لي علم فيه هو "أوكلاند". فيها جامعات و معاهد و فيها أماكن متفرقة (مزدحمة و هادية ، نظام عماير و اسواق و نظام بيوت و هدوء )تقدر تدرس فيها بهدوء (بأطراف أوكلاند)، و تتمشى بالسنتر حيث الحياة و الحركة. وفيها حدائق و منتزهات و شواطيء جميلة جدا. لكن البعض ما يمدحها كثير بسبب نسبة الطلبة المرتفع نوعا ما فيها بالإضافة لارتفاع أسعارها مقارنة بالمدن الأخرى.
الالتحاق بالبعثة اللي سمعناه ان التوقيف تم بعد ما وصل أعداد المبتعثين إلى نسبة معينة. و خطة الوزارة هو توجيه المبتعثين إلى عدة دول وعدم التركيز على دولة واحدة.
من الأفضل تاخذ العلم الأكيد من موقع الوزارة نفسها لأن وضعك مختلف عن غيرك. عندك بعد صفحتهم على الفيس بوك ممكن تتواصل معهم.
بالنسبة للآيليتس، إن ما جاك جواب من الأخوة والاخوات في المنتدى فرايي إنك تحدد لك جامعة بنيوزيلندا عندها التخصص اللي تبحث عنه و تراسلهم و تسألهم عن نسبة الآيليتس المطلوبة.
حاول تبحث عن بعض الأشياء بنفسك، و علينا واجب ان نمدلك طرف الخيط و نزودك بالمعلومات الأساسية، و ان ما جت منا -ياللي مشاركين في المنتدى- فلا تنتظر كثير، ابحث في الويب سايت وعسى الله يوفقك ويسهل أمورك و يوقف لك الناس الطيبة.
ومثل ما قلت أنت.. الوقت يمشي و كله محسوب من عمر الانسان.
هذا اللي عندي علم فيه، واعذرني عن اللي ماعندي علم فيه.
تحياتي.
7 " أجاوبك باللي أعرفه:
الفيزا:
ما يحتاج للسعودي فيزا مسبقة من السفارة.
إما انك تدخل نيوزيلندا بفيزة سائح ومن ثم تحولها لطالب
أو من الاول تجيب لك قبول من الجامعة أوالمعهد و هم يرسلون لك الموافقة والإثبات على انك جاي طالب، ومن ثم، بمطار نيوزيلندا تبرز الموافقة ويختمون على جواز سفرك فيزة طالب . ذي الطريقة أفضل و أريح .
وبكل الأحوال، السعودي ياخذ فيزته من مطار نيوزيلندا.
بالنسبة للمدينة اللي فيها جو دراسي و ترفيهي.. فاللي لي علم فيه هو "أوكلاند". فيها جامعات و معاهد و فيها أماكن متفرقة (مزدحمة و هادية ، نظام عماير و اسواق و نظام بيوت و هدوء )تقدر تدرس فيها بهدوء (بأطراف أوكلاند)، و تتمشى بالسنتر حيث الحياة و الحركة. وفيها حدائق و منتزهات و شواطيء جميلة جدا. لكن البعض ما يمدحها كثير بسبب نسبة الطلبة المرتفع نوعا ما فيها بالإضافة لارتفاع أسعارها مقارنة بالمدن الأخرى.
الالتحاق بالبعثة اللي سمعناه ان التوقيف تم بعد ما وصل أعداد المبتعثين إلى نسبة معينة. و خطة الوزارة هو توجيه المبتعثين إلى عدة دول وعدم التركيز على دولة واحدة.
من الأفضل تاخذ العلم الأكيد من موقع الوزارة نفسها لأن وضعك مختلف عن غيرك. عندك بعد صفحتهم على الفيس بوك ممكن تتواصل معهم.
بالنسبة للآيليتس، إن ما جاك جواب من الأخوة والاخوات في المنتدى فرايي إنك تحدد لك جامعة بنيوزيلندا عندها التخصص اللي تبحث عنه و تراسلهم و تسألهم عن نسبة الآيليتس المطلوبة.
حاول تبحث عن بعض الأشياء بنفسك، و علينا واجب ان نمدلك طرف الخيط و نزودك بالمعلومات الأساسية، و ان ما جت منا -ياللي مشاركين في المنتدى- فلا تنتظر كثير، ابحث في الويب سايت وعسى الله يوفقك ويسهل أمورك و يوقف لك الناس الطيبة.
ومثل ما قلت أنت.. الوقت يمشي و كله محسوب من عمر الانسان.
هذا اللي عندي علم فيه، واعذرني عن اللي ماعندي علم فيه.
تحياتي.
September 5th, 2011, 07:34 PM
سلام عليكم,,اخواني بصير مختصر معكم علشان ماطيل عليكم,, سالفتي إني طالب مبتعث في كندا سابقاً ورجعت السعودية على أساس انتقل لأمريكا.. الوزارة وافقت لكن للأسف الشديد السفارة رفضت طلبي مرتين وآخرتها اليوم!
انا بصراحه تعبت نفسياً ومعنوياً, مو علشان رفض السفارة,, لأنا راضين باللي كاتبه الله سبحانه. اللي متعبني انه صارلي فتره من دون دراسه.. فا أخيراً التفت على نيوزيلندا وعندي كم سؤال بخصوص الدولة الله يخليكم..
السؤال الأول: إيش أفضل الجامعات هناك وتنصحوني فيها ((واللي عندهـ خلفية في نظام الدراسة في الجامعات الكندية, هل نظام جامعات نيوزيلندا مشابه لكندا أو يختلف؟؟؟)) وكم تاخذ جامعات نيوزيلندا في الآيلتس, علماً اني جايب ٥,٥ وتخصصي بكالوريوس إدارة أعمال..
الثاني: هل فعلاً مايحتاج فيزا للسعودي؟
الثالث: ايش هي أحلى المدن فيها اللي جامعه بين جو دراسي وترفيهي؟
وأخيراً والأهم: سمعت أن الالتحاق في نيوزيلندا أوقف من فترة!!؟ وإن صح هذا الكلام,, هل يشمل القرار هذا حتى على الطالب المبتعث اللي بيغير دولته او فقط على المبتعث الجديد؟؟
أرجوووووكم,, ساعدوني والله محتاجكم, تعبنا صارلنا ثمان شهور هنا من دون دراسه والوقت يمشي علينا.. الله يجزاكم ألف خير ويوفقكم وفي انتظار ردودكم