استفسارات عن اوكلاند!

وعليكم السلام و رحمة الله و بركاته

أولا.. مرحبا بك بأوكلاند. إن شاء الله تعجبك المدينة و تستفيد من وجودك فيها سواء من ناحية الدراسة أو من ناحية الاستمتاع بالطبيعة الجميلة اللي تتميز فيها نيوزيلند بشكل عام و أوكلاند بشكل خاص.

البلاك بيري إن شاء الله يشتغل في نيوزيلند. ولكن الطريقة و الاشتراك ما عندي فكرة تفصيلية عنها. يمكن تلقى الجواب من أسئلة سابقة في نفس المنتدى.

البنوك: بنك نيوزيلند الوطني أفضل البنوك و يستقبل حوالات من بنك الراجحي ومن البنوك الأخرى ومن الصرافيين بعد. The National Bank- الحوالة تستغرق من يومين إلى سبع أيام عمل رسمي في الدولة.
تقدر تفتح حساب من أول يوم تجي فيه الدولة. يحتاج لك جواز السفر اللي عليه ختم الفيزا. و ان كان عندك ورقة من المعهد - إثبات طالب - فيكون أفضل. غير كذا ما يحتاج شي. وتعاملهم سلس جدا و سريع. و بطاقة الفيزا أو الكريديت كارد ترسل لك لعنوانك أو تجي تستلمها من البنك بنفسك. ما عندهم مشكلة.

الملابس: من الافضل تجيب معك . ونوع بالثياب. لأنك جاي على وقت فيه برد و بيدخل عليك الربيع. و خلال ذي الفترة ممكن تجي أيام حارة بالنهار، وممكن تجي أيام باردة وممطرة. خل احتياطك لكل شي.
الثياب متوفرة صحيح، ولكن ماهي بذيك الجودة اللي نعرفها و الأسعار مرتفعة. أكثر البضاعة من الصين و للأسف الجودة ماهي بذاك الزود والسعر اللي عليها مبالغ فيه.
حاول توفر الأساسيات من الثياب. كوت مناسب للمطر و البرد العادي. جاكيت للايام اللي فيها برد من غير مطر. كم بلوفر. بلايز للربيع (اللي يكون فيه هبات هوا باردة) و عدد معقول من الـ تي شيرت.
انصحك بكريم الحماية من أشعة الشمس لأن شمسهم قوية و نسبة الاصابة بسرطان الجلد كبيرة بذي الدولة - الله يكفيك و يكفينا شر الامراض.
بالإضافة إلى النظارة الشمسية وهي من الضروريات.

بالنسبة للدراسة والوقت المتبقي للتمشي. عندك إن شاء الله وقت كثير للتمشي. المغرب يجي الساعة ست. و المعهد عادة يكون قريب من أماكن التمشي (في حال المعهد قريب من الكوين أو بالكوين نفسه) .
ثم عندك السبت والأحد كامل تقدر تطلع فيهم و تتمشى و تاخذلك جولات سياحية عبر شركات خاصة تمشيك بأفضل الأماكن بأوكلاند سواء حدائق أو شواطيء أو حدائق مائية و مسارح و أماكن أثرية.

الوزن المسموح فيه على اكثر الطائرات من 20 لين 35 كحد أقصى. يلزم تشيك مع الخطوط و تستفسر منهم عن الضريبة اللي بيدفعوك هي إذا زاد عليك كيلو واحد. و تقتدر تستفر من أي مكتب حجوزات أو تشيك على الموقع عن طريق النت أو ترسل لهم إيميل. أحيان يدفعون على الوزن الزايد عشرة دولارات لكل كيلو. و أحيان توصل لـ 50 دولار للكيلو الواحد. و أحيان يرفضون رفض نهائي تشيل معك كيلو واحد زيادة.

احرص ما تجيب معك أكثر من ألف وخمس مية دولار في مخباتك.
و احرص انك تأكد على شركة الحجوزات ان الاكل اللي يقدم لك على متن الخطوط يكون حلال (وهذي من النقاط اللي الكثير يغفل عنها ثم يتوهق في الطائرة لا اكتشف ان اللحوم المقدمة عبر الخطوط غير حلال).
و احرص ان تجيب معك كل الامور الضرورية مثل شاحن الجوال و السماعات و أجهزة الاتصال بين الجوال واللاب توب و توصيلة تحول بين فيشتهم و بين أجهزتك.
الاسعار هنا غالية و ماله داعي تصرف مية ريال على شي ما يستاهل عشر ريالات في ديرتنا.

الله يوفقك في سفرك و إقامتك و إن شاء الله نكون أفدناك من خلال إجابتنا.

ما اقدر ازيد كلام عن كلام بشت اوكلاند الا بحاجه وحده ونا خوك وهي وقت الدراسه ...

انت تقول ماخذ فل تايم حلو لأنك راح تستفيد اكثر ونت اكيد مقصدك للحضور هنا هو الدراسه لكن بعطيك معلومه وحده وهي من خلال خبرتي البسيطه بالدراسه هنا وهي انك اذا انت من النوع اللي جاي نيتك دراسه دراسه خذ من 9 الى اربع اوك لكن ابيك تعرف ان اغلب الطلاب من بعد الساعه وحده يبتدي الملل فيهم ويحضرون الفصول اللي بعدها بطفش وانتضار انتها الوقت الا من قل وهم اللي جايين يبون الدراسه انت صنف نفسك بين هذولا واستخر ربك والله ييسر امرك

بالتوفيق يالغالي تحيآآآآتي

مشاء الله الاختي بشت اكولاند ماقصرت


بالنسبه للبلاك بيري اخوي مارح يشتغل معاك هنى الى معك فيزا طالب مدتها سنه كامله

ويعطونك شريحه فاتوره اما غير كذا ماراح تشتغل

وبالنسبه للملابس اخوي حاول تجيب معك من السعوديه كل للبسك وشتري للبس شتوي لان الجو مره بارد للدرجه ماينوصف البرد

وبالنسبه للذي الايام الاجواء متقلبه نوعا مما

وبعطيك نصيحه اخوي

نتهبه تتعامل مع ايش شخص عن طريق النت مهما كان لاتثق باي احد

بخصوص المعاهد والقبولات

تعال بنفسك وشوف المعاهد الي تبيها وتدفع للهم فوري بنفس الحظه

بالنسبه للحواله انا جتني حواله من السعوديه من الاهل جلست 3 الايام رابع يوم الصباح كانت بحسابي

والله يوفقك يارب بدراستك

بشت اوكلاند: ماشاء الله عليكي كفيتي ووفيتي وانا اشكرك على هذه المعلومات اللي من جد فادتني كثير..مشكوره والله يوفقنا وياك

Lovely Angel: لا الحمدلله انا اقدر اصبر وماني من النوع اللي يمل .. مشكور والله يعطيك العافيه

شخصيه مستهدفه:مشكور على النصيحه والله يجزاك خير ماقصرت

لما توصل بالسلامه فى المطار تاخد فيزه السائح لو معك قبول وتم سوالك هل ناوى تدرس قول ايوه ووريهم القبول ما فيش اى مشكله

لازم يكون فى استقبال فى المطار تاكد من كده

الافضل والانسب ان يكون فى حجز سكن برضه جاهز لك من يوم وصولك علشان انت تبقى تعبان من الرحله ومحتاج ترتاح ونصيحتى دايما ان تحجز السكن لمده شهر فقط علشان تشوف راحتك مع العائله

انت جاى على ربيع - صح يبقى برضه برد بالنسبه لك - لكن لا تحضر ملابس كثير لانك اكيد تشترى من هنا وما فيش داعى يبقى معك وزن زياده


لا تحضر اى اكل لو معك اك اكل يبقى لازم يكون مغلف بتغليف المصنع


البلاك برى يشتغل هنا بس انا مش فاكره التفاصيل

من اول يوم تفتح حساب وترسل تفاصيله والسويفت كود للاهل علشان التحويل التحويل يصلك فى 3 ايام عمل

ما شاء الله الكل رد عليك بالتفصيل الله يرضى عليهم

لى تحفظ واحد على شخصيه مستهدفه واقول له ان مش مفروض ان السيئه تعم والحسنه تخص - فى ناس كثير هنا كويسه وتقدر تساعد

توصل بالسلامه ان شاء الله