مساعدة انا ابي اسافر ومحتار ابيكم تنصحوني تكفون ..؟؟؟

بجاوبك على اللي اعرفه .

اذا انت حاط براسك بتتعلم بتتعلم لو فين ماكنت بس اهم شي الجديه وممارسه اللغه
والافضل انك تجي عند عائله وتستفيد منهم واي شي تتعلمه ف المعهد تطبقه مع العايله
وهكذا الين تتعلم ان شاء الله

مافي فيضانات لكن كان فيه زلازل في مدينه وحده اللي هي كرايستشيرش ويقولون لسبب الارضيه خفيفه عندهم والله اعلم
بالنسبه للالتحاق بالبعثه لازم يكون عندك قبول جامعه وحتى لو عندك ماتدري متى يقبلوك ويظموك انت وحظك

مابغا الا دعواتك بس

السلام عليكم و رحمة الله و بركاته .

إذا كانت لغتك ضعيفة جدا جدا جدا ، فتحتاج ست أشهر لاجل تعدل لغتك و تصبح جيدة جدا و بعدها تبدأ انت تتعب على حالك و تسلك كل الوسائل المشروعة من أجل الوصول إلى مستوى ممتاز في اللغة.
ثلاثة أشهر ما اعتقد تكفي. ثلاثة أشهر للي لغته جيدة فقط ووده يحسنها و يرتفع فيها إلى مستوى جيد جدا.
إن كنت عازم على السفر لتحسين لغتك، فالفكرة ممتازة وعسى الله يقويك و يوفقك.
و لكن عليك إنك تشد حيلك كثير في دراسة اللغة و تستفيد من كل وقتك في الخارج لاجل تحسن لغتك .
غير المعهد اللي باذن الله بيفيدك كثير، عندك السينما و عندك المكتبة و عندك بعد مدرسين خصوصيين تقدر تجيبلك واحد يعطيك ولو ساعتين بالاسبوع لاجل يتابع معك .
الكثير من الطلبة اللي جايين يدرسون لغة، ينظمون للمستويات الأولى في الدراسة، في القراءة يتهجون، في المحادثة يستحون، و في الكتابة ما يعرفون. و ماهو غير شهر والا هم ماشاء الله، يسابقون بعض بالكلام . و ان سألتهم كيف قالوا تعلمنا من الشارع!
وذا الشي ماهو بصحيح. إلا هم يجيبون لهم مدرس خصوصي على الاقل ساعتين بالاسبوع يتبع معهم و يحضر معهم المادة الجديدة و يعطيهم دعم و ثقة قوية بانفسهم بحيث يوم يجون الدرس يكونون عارفين كل شي.
و انا هنا أقول البعض وليس الكل. و ذول "البعض" ما تحب تقول ان عندنا مدرس خصوصي لغرض في أنفسهم.
هذي نصيحتي لك و لكل الاخوة والاخوات اللي يشكون من من تأخرهم عن زملاءهم في دراسة اللغة الانجليزية رغم انهم أول ما ادخلوا الكلاس كانوا جميع بنفس المستوى، ولكن ناس ارتفعت بسرعة عجيبة و ناس مشت على مهل و محدن عارف وش السالفة. المدرس الخصوصي يفيد كثير و يساعد على فهم الدرس و تقوية اللغة و زيادة الثقة في النفس.

تمنياتي لك بالتوفيق.

جزاكم الله الف الف خير

وجعلها الله في ميزان حسناتكم حنا وياكم يارب ورحم الله والدينا ووالديكم يارب ..


وعزالله ماقصرتوا ولكن ما جاوبتوني على قبول الجامعه ابغاء بالتفصيل وكيف وهل تنصحوني بنيوزلندا ولا كندا ؟؟


الله يعطيكم الف عافيه

ننتظر البقيه !!!!!!!!!

الي ردوا علي جزاكم الله الف الف الف خير وجعلها الله في ميزان حسناتكم يارب العالمين ..


ولكن انتم الى الان مافهمتوني وما جاوبتوا على اسالتي ..


تكفووووووووووووووووووووووووون يشباب وبنات وياطالب جاوبوا علي يعلم الله اني في وضع لايعلم فيه الا الله سبحانه وتعالى ..


جزاكم الهل الف خير وجعلها الله في ميزان حسناتكم يارب العالمين ..


انتظركم على احر من الجمر ...

تكفووووووووووووووووووووووووووووووووووووووووووووووو وون

اخوي
تبغي نصيحتي روح امريكا امريكا فيها جامعات سهلة ومتساهلين مع الطلاب بس جامعات نيوزلندا صعبة جدا مثلا من ناحية انك لازم تختبر الايلس وتجيب الدرجة المطلوبة عشان تدخل الجامعة
وبالنسبة للتحويل في امريكا يحولونك للبعثة خلال شهرين بس هنا لا انت وحظك يعني مثلا جيت وعلى حظك طلعت مكرمة راح تتحول على طول
بالنسبة لكندا ما عندي اي خلفية عنها
وقبول الجامعة في نيوزلندا سهل جدا يعني انت مخلص ثانوي يعطونك قبول ودايما ياخذ من اسبوعين لشهر انت الحين اذا قررت تجي نيولندا اهم شي تطلع قبول معهد وعادة يوم لاسبوع واذا جيت انت بنفسك تقدر تقدم على الجامعات وتختار الي تفضل
اتمنى اني جاوبت على اسالتك واي سؤال انا حاضرة

الف شكر اختي ام عبدالله

والله يجعلها في موازين حسناتك يارب العالمين قولي امين ..

طيب انا لغتي ضعيفة .. هل اتحسن هناك ام لا ؟؟؟

ياشمـآلي اعقلهاا وتوكل بس

انت جاي عشان الدراسه راح تدرس لو جاي حق صياعه وسهر لاتجي اطلع جاكرتـآ
نيوزلندا جداا بلد مناسبه للدراسه وهاديه
والمعيشه حلوه فيها انصحك افضلها عن كندا

إن شاء الله تتحسن لغتك سواء في ثلاث أشهر أو ست أشهر. لكن انت شد حيلك شوي.
بالنسبة للقبول في الجامعة و / أو البعثة فافضل من يجاوب على السؤال اللي كان لهم مثل حالاتك.
بالنسبة لكندا، فمن الافضل تطرح سؤالك في ملتقى كندا. اللي عاش في الدولتين و كان له تجربة في الدولتين هو اللي يقدر يحدد لك وش المساويء و وين الحسنات.
لكن يتكلم بثقة عن المكان اللي هو فيه واللي درس أو مازال يدرس فيه.
أقدر أفيدك بنقطتين عن نيوزيلند وهو الأمان الكبير اللي فيها و عدم العنصرية. ان كانت ذي النقطتين متوفرة في كندا و شفت ان كندا من ناحية الغلاء المعيشي أقل من نيوزيلند فتوكل على الله و اتجه لكندا.
أما أفضل مدينة في نيوزيلند، بعد يفيدك فيها اللي تنقل بأكثر من مدينة.
و رايي الشخصي، اشوف أوكلاند جيدة جدا، لأن فيها أماكن ترفيه و فيها معاهد كثيرة للدراسة و أكثرية العرب اللي فيها هم سعوديين طلبة و طالبات، و غيرهم من الجنسيات العربية نادرا ما تشوف. و الجالية الكبيرة هي الجالية الآسيوية (صينية، يابانية، كورية ) واللي بتضطر تتحدث معها في الانجليزي (يعني بتقوي لغتك إن شاء الله) لأنها ماسكة المطاعم والمحلات و و و
البعض يقول ان أوكلاند غالية، و هي بالفعل إن كنت معزم تستأجر في وسط المدينة و جميع الوجبات من المطاعم.
البعض يقول ان الواحد ما يتعلم فيها انجليزي بسبب السعوديين المتواجدين في كل مكان، و ذا يعتمد بالنهاية على الشخص نفسه إن حب يتحدث مع الجميع بالانجليزي سواء سعوديين أو لا، او انه يشوفها فرصة له للتحدث بالعربي و حصر الانجليزي على المعهد فقط.