استفسار سريع سريع

ياشباب بالله افزعوا الله يوفقكم !!!!!

مرحبا السويطي وحياك الله

بالنسبه للاب توب << مافيه مشكله بأذن الله ولم اصادف احد تمشكل من هذه الناحيه

الدله والقهوه والهيل وعلوم العرب لابد منها .. بس لازم تكون مغلفه وبتاريخ صلاحيه مثل القهوه والهيل واي مواد غذائيه ..!!

بالنسبه للعطور مادري بس ماتصير كميه واجده او مايتجاوز لتر مدري المهم لاتكثر .. مادري بهذي النقطه بالضبط ..!!

خدمه البلاك بيري لازم تاخذ شريحه مفوتره .. من نيوزلاند وهذي مادري كم سعرها .. على العموم الاتصال عندهم غالي

وبالتوفيق اخوي

الله يوفقك يابدر وماقصرت

بس عندي سؤال ثاني بخصوص افياش الكهرباء بنيوزلاندا اوكلاند نفس افياش كهرباء السعودية ولا لازم محول ؟؟

وبعدين بخصوص الحمامات وانتوا بكرامة بخصوص شطاف الماء مافية بنيوزلاندا مايستخدمونة بالحمامات
وين احصل على الرشاشات الموياء اللي اللي تشبك بالمغسلة احصلها بمطار الرياض ؟؟

تختلف الافياش والمحولات تلاقيها في البقالات من ثلاثه دولار وانت طالع بالنسبه للموحولات والله ناسي كم اسعارها ..!!

نعم لايستخدمون الشطافات اعزك الله وهذي اسوء نقطه لديهم .. هناك ما تحصلها لاكن دور في السعوديه يمكن تلاقي والمطار ماضني بتلقى فيه شي ..!! هو اصلن المفروض يقفلونه هع
\
بالتوفيق انشاء الله واي خدمه انا حاظر وانا اخوك تحيتي لك

السلام عليكم و رحمة الله و بركاته

بالنسبة لفيشة الكهرباء. الصورة التالية توضح شكل الفيشة المستخدمة بنيوزيلند:



ولكن، حن فضلنا بدل ما نجيب محول فيشة وحدة ومن ثم نشبك عليه توصيلة و من التوصيلة نوصل محول ثاني لاجل نشبك عليه أكثر من جهاز، وفرنا على حالنا و جبنا تحويلة راسها الرئيسي نفس شكل فيشتهم و باقي التوصيلة فيها نفس رؤوس أجهزتنا الاعتيادية.
و إليك الصورة:

و موصلين عليها شاحن الجوال العادي و جنبها صورت شكل المحول بين فيشتهم و فيشتنا مع ان ذي التوصيل ما تحتاج لراس محول لأن راسها بالأصل يناسب فيشتهم.
(اضغط الصورة للتكبير).

وذي صورة ثانية لها للتوضيح:



طبعا ذي ما اعتقدر بتلاقها في نيوزيلند، ويحتاج تبحث عنها في المحلات الكهربائية المتخصصة في السعودة. أما الفيشة الصغيرة المحولة بين فيشتهم و اجهزتنا فهي متوفرة بنيوزيلند وسعرها حوالي 5 $

بالنسبة لشطاف الماء - الله يعزك وكل من يقرا الموضوع- ما هو متوفر عندهم. و صورت لك و للاخوة جميع الاشيا الثلاث الضرورية اللي جبناها معنا وماهي متوفرة عندهم ، واعذروني على الصورة مقدما ولكن للضرورة أحكام:


الصورة توضح :

الشطاف و كيف شبكناه مع مصدر الماء الرئيسي. تحتاج تجيب معك الرابط اللي يشبك بين الشطاف من ناحية وبين الجزء اليمين و اليسار من أنبوب الماء الرئيسي (اللي لونه ذهبي) و هو socket من نوع T يعني على شكل حرف (تي) الانجليزي، و لو شرحت لأي محل يبيع مثل ذي المعدات بيعرفها على طول. للأسف ما جبناها معنا، و اضطرينا نشتريها من هنا بسعر 30$

ابريق الوضوء : واللي كان له الاستخدام الرئيسي قبل ما نشبك الشطاف و نلقى الرابط الذهبي و اللي بعد كان له استخدام ضروري فصل الشتا حيث الماء الباردة جدا. ولكن، بما إنك جاي على فصل صيف فماهو بالشي الضروري إلا لو حبيت تبدله بالشطاف. (ما اعتقد بتقدر تلقاه في نيوزيلند )
و احب هنا اضيف ملاحظة مهمة جدا و طبية : حيث حذر الأطباء من استخدام الماء البارد جدا في الشتاء لأن استخدامه ممكن يسبب البواسير و يوصل الوضع لمرحة متقدمة جدا و ممكن يتحول إلى مرض مزمن لا سمح الله.

مساحة الارض- الله يعزك والقراء- واللي ماهي موجودة إلا في أماكن قليلة جدا و سعر راسها 70$ و اضطرينا نطلبها من ديرتنا وماكلفتنا 15 ريال ومن ثم اشترينا عصا و شبكناها عليها لأنا وجدنا صعوبة جدا في استخدام ماسحة الارض الاسفنج واللي لاهي تمسح الارض تمام و تزيل عنها الموية ولا هي بالنظيفة بسبب تكاثر الجراثيم عليها كونها دائما رطبة خاصة -وذي نقطة مهمة- حمامتهم مافي أي درايش ويعتمدون على فتحة تهوية بالسقف و بالأغلب مافيها شفاط هوا.

إن شاء الله أفدتك و أفدت جميع من يقرا موضوعك و سامحونا على التقصير.