مساعدة في اختيار العائلة اللي أبيها ( نصايح ) ؟

- أن تكون الأسرة تتحدث الإنجليزية كلغة أساسية و يفضل أن تكون أمريكية ( إن وجد )
صعب تحصل عائلة أمريكية لكن من الأفضل أنها تكون عائلة كيوية لأنهم أفضل من الماورية بلا شك

- عدم التدخين في المنزل خصوصا أمامي
والله أشوف أنك أنت الضيف يعني صعب تشرط زي كذا لكن 99% التدخين يكون خارج المنزل لأنه ممنوع التدخين داخل المباني في نيوزلندا

- عدم وجود شخص مدمن للخمر في المنزل
ايضا هالشرط صعب لأن أكثر من 90% منهم يشربون لكن الأفضل لك أنك تسكن مع كبار السن بيكون شرابهم على خفيف من دون سكره هههه

- يفضل عدم وجود حيوان في البيت۔
ايضا نادر لكن أهم شي عدم وجود كلب لأن القطط تهون عندها

- عدم إقامة حفلات صاخبة في البيت
ايضا صعب تشرط مثل هالشرط لأن ممكن يكون عندهم مناسبات مثل عيد ميلاد أو غيره وأنت في الأخير الضيف وهم راعين البيت, لكن في الغالب كبار السن ما عندهم حفلات

باقي الشروط منطقية, ولازم تحط في بالك بأنه مافيه عائلة كاملة زي ما تبي بالضبط لازم يكون فيه عيوب معينة بس الأفضل لك أنك تحاول تتكيف مع قوانين المنزل خصوصا اذا كانت العائلة جيدة في التعامل وتساعدك في اللغة, والأهم أنك تعطيهم صورة حسنة عن الاسلام بالتعامل والالتزام بالمواعيد وارسال رسالة في حال عدم رغبتك بالعشاء في المنزل, ايضا من الجميل بأنك تغسل صحن الاكل بعد ما تنتهي منه وتحافظ على نظافة الغرفة, كل هالاشياء تحسب لك

بالتوفيق

شكرا اخ علي إضافة جميلة

اللي كتبت عليه " يفضل " يعني معناته انه اذا صار خير و نعمه و إذا ما صار عسى الله يعوض

اما اللي مافيه يفضل هذي تقريبا ما اتنازل عنها

بالنسبة للحفلات الصاخبة زين ذكرتني كنت أقصد بوقت النوم

بالنسبة لمدمن الخمر أهم شي يكون شربه ما يأثر علي اقصد ما يفصل علي يتهاوش أو يصرخ ،..الــخ...يعني انتو خابرين

لو في كرايست شيرش اعرفلك عائله روووعه وعلى تفصيل طلبك

ماشاء الله ما تبي فتحه وجناح بعد

شروطك اغلبها شبه مستحيله

الشمالي

لا والله أنا بروح الى أوكلاند شكرًا للمحاولة


عز السعودية
ترى قاعد اسأل عن مواصفات سكن مو سيارة

على العموم شكرًا ردك تمنيتك ايجابي

ادري انك تبي سكن بس مثل هالمواضفات ما رح تحصل

اذا تبي كذا احسن لك بشقه لحالك احسن

يا عز السعودية هل سبق وان عشت او تعرف واحد عاش في أوكلاند وأعطاك خبرته ؟

لأني أشوفك ما شاء الله كأنك تعرف فافيدنا بكم اسعار الشقق وبعدها عن المعاهد

ابو احمد انا عارف ان الشقق غاليه بس على ذا الشروط ما رح تحصل الا ان تسكن لحالك وتحمل هههه

مواصفات خياليه اخ ابو احمد يابخت من يلقى هالعائله هع

المهم مثل ماقال اخ ali - inter حاول تبحث عن شيبان لأنهم بالغالب ما راح تتأذى منهم ولن يتم استغلالك لأن بعض العوائل تتعب معهم .. وصدقني راح تنبسط عند الكبار وراح اطقطق عليهم ويطقطقون عليك وبحكم انهم يدعون الخبره الطويله في الحياه فهذا من صالحك .. وسوالفهم لا تمل وايضا اذا كانو دائمي الجلوس في البيت ليس لديهم دوامات بحيث تستفيد منهم اكثر ..

اهم شي لاتنسى شرط غسيل الملابس .. ووجبات الاكل مهمه ايضا لأنه لو ماتطب وجبتك يمكن ينسونك هع