رجاااا الاجابه عن الاسئله فد حان موعد سفري

بساعدك باللي أعرفه لأني مثلك يالحبيب ،،

هذا موقع يفيدك بحالة الطقس بالعربية " لأوكلاند و كرايستشيرش و هاميلتون "

هـــنــا


- بالنسبة للحقائب و الشنط
تعتمد على الخطوط اللي بتسافر عليها يعني مثلا الإمارات تسمح إلى 30 كيلو فأنت حاول تكيف نفسك عليها

أتمنى إن كنت مفيد

يعطكيم العافية والله لا يحرمكم الاجر ..

! اللي اقصد بنك حوالات يعني اذا احتجت شي يحلون لي اهلي ..

! للدراسه بالمعهد احتاج لشنطه ؟؟ يعني من باب التجره احتجتو شنط ؟

! ويا ريت اذا في انظمة بالمطار او شي نبهوني عليها


اااااادري طوولت بس اعذروني تراي اااخذ هم وقلقان

شوف الافضل خل معك صرافه سعوديه لانك وقت الزنقه تكلم ا احد يحول بنفس الوقت تجيك

ولما توصل لنيوزلندا في بنوك كثير
bnz + anz

اي تحتاج شنطه صغيره زي حقات الصغار والله مدري صح اهم حاجه خذ حبوب منووووووم معاك

بسم الله الرحمن الرحيم

أولا.. مرحبا بك في أوكلاند

ثانيا.. نجاوبك على اللي نعرفه.. واللي ما نعرفه سامحنا فيه:
1 - (( الطـقس )) الان والاشهر القادمه .. لاجل شراء الملابس شتويه او صيفيه ؟
الطقس متقلب جدا، الأجواء ربيعية و لكن فيها أيام باردة و درجة الحرارة تصل إلى عشرة في الليل.
خذ معك احتياطياتك.
المطر عندهم في الصيف و الشتا. جيب معك كوت مطر خفيف أو تشتري من هنا مظلة.
جيب معك أشياء متنوعة حاليا درجة الحرارة مابين 18 و 21 ولكن أحيان تجي رياح قوية يشعر الواحد ان درجة الحرارة 12
و أحيان شمس قوية و يشعر الواحد ان درجة الحرارة قريبة من الثلاثينيات.
خذ احتياطك لكل التقلبات.
و لا تنس النظارة الشمسية و كريم ضد أشعة الشمس لأن شمسهم هنا ضارة بسبب ثقب الأوزون.

2 - (( الحوالات)) ماهو البنك المناسب للحولات ؟
افضل بنك هو ناشيونال بنك بسبب سهولة التعامل و سرعة فتح الحساب (خلال عشر دقائق) و انتشاره في كل مكان.
يوجد محلات للصرافة تقدر تستلم منها في حال تم إرسال أموال عن طريق الووسترن يونيون أو حتى عن طريق الحوالة الاعتيادية.
التعامل هنا، أقصد الدفع للمقاهي و المطاعم و المحلات التجارية، عادة يكون عن طريق البطاقة و نادرة ما يحمل الأشخاص نقود كاش، لأن البطاقة أضمن و من ناحية ثانية أدق في الحساب، أي لو طلع عليك الحساب عشرين دولار و ستين سنت المحل بيدفعك واحد و عشرين ، ولكن البطاقة تسحب منك عشرين دولار و ستين سنت فقط، و لو استمريت تجبر الكسور في الدفع بتكون عاطي المحل فوق حقه

3 - (( الاسعار)) هل اسعار الملابس والاجولات رخيصه مقارنه بالسعوديه .. والادوات المدرسيه ( اقلام , دفاتر) يعني تنصحوني اشتري من هنا او من هناك ؟
حاول تنس أمر شراء الملابس من هنا. بضاعتهم جودتها منخفضة و أسعارها مرتفعة و البضائع غير متنوعة و الماركات محدودة سواء ماركات عالمية مشهورة أو عادية. محلات مثل جيوردانو و نكست و ديزيل وما إلى ذلك من الماركات المتخصصة بالملابس العادية، كل ذي ماهي متوفرة هنا. جيب معك أكثر ما يمكن من الثياب اللي تتوقع انها بتفيدك هنا بالطلعات الخاصة والرحلات و المناسبات و المعهد.
الأدوات الدراسية متوفرة، ولكنها غالية - على الأقل مقارنة مع عملتنا- . فمثلا لو تشتري من السعودية كرتون اقلام بعشرين ريال، بتشوفها هنا نفس الاقلام لكن بعشرين دولار.
وانت شوف وش اللي تقدر تجيبه معك و وش هو الأكثر اهمية، أهم شي ما يتعدى الوزن المسموح فيه بالطائرة.

4 - ((الحقائب والشنط)) لاني بصراحه اول مرره اسافر ولا اعرف وش اسوي ^ ^ ؟
الوزن المسموح فيه ما بين 20 كيلو وبعض الخطوط تسمح بزيادة سبعة كيلو بالإضافة إلى خمس كيلو أو سبع كيلو تشيلهم بيدك في الطائرة. وكل خطوط لها سياستها. شيك مع مكتب الحجوزات عن الوزن المسموح فيه.

5- ((الاشياء الاساسييه)) للابتعاث وما احتاجه خلال مده غربتي ودراستي ؟
جيب معك عطورك، أدواتك الخاصة (أدوات الحلاقة مثلا، الكاب، حذاء رياضي - الله يعزك- لأنك بتمشي هنا كثير، الكاب، النظارات الشمسية، ساعات اليد اللي تعجبك، الأدوية الضرورية إذا كان لك دواء معين بسبب مرض معين لا سمح الله و جيب معك ما يثبت انك تاخذ الدوا تحت إشراف طبي لاجل يسمحون يدخلونه لك، اللاب توب و كل ما يتعلق فيه من هارد ديسك خارجي و فلاش و سماعات .. لأنك هنا بتعيش حياة كاملة و تشوف الناس لابسة و متكشخة و مبسوطة أحيانا، و أحيان اخرى لابسة كاجيوال و منطلقة في الحياة من غير ما تقيدها نظرات الناس = كلن يلبس على هواه ولا احدن يطالع في أحد هنا لدرجة شفت ناس لابسة الثوب والشماغ ولا همها باحد ((وخصوصا وقت صلاة الجمعة)) وناس لابسة الثوب الهندي والعمامة و ناس مابينها وبين فصخ الحيا غير شبر.. وعسى الله يستر على الجميع)

6 - الاشياء اللي تساعد بدراسة اللغه وتحسينها يعني (( كتب او طرق دراسيه )) ؟؟
إن كان بالامكان تجيب معك قاموس مترجم ناطق، هو أفضل و أسهل بالحمل و أخف بالطائرة لأن الكتب بتزيد عليك وزن.
أو نزل من عندك برامج تعليمية على اللاب توب، أو جيب معك سي دي مترجم، و لا تأجل أو تعتمد على تنزيل البرامج من هنا لأن العوائل عادة ما تسمح للطالب باستخدام الإنترنت لفترات طويلة أو تنزيل برامج كثيرة لانه يستهلك وحدات إنترنت عليها وبالتالي بيخلص الانترنت قبل نهاية الشهر و بيدخل الطالب في مشاكل مع اصحاب السكن. لذا الشي من الافضل تنزل كل البرامج والافلام قبل ما تجي نيوزيلند.
الكمبيوتر في المطار ماعليه تشييك إن شاء الله. يدخل بكل سهولة ولافي تفتيش على البرامج. المكتبة العاملة توفر للطلبة كل الكتب اللي تساعدهم على التعلم، ولكن الشي الوحيد اللي لاحظته فيها ان ينقصها قاموس عربي انجليزي. ومع كذا يوجد قسم خاص لاستعارة الأفلام و بمبلغ زهيد ما يتجاوز ثلاث دولارات إلى خمس دولارات لمدة ثلاث اسابيع للفيلم الواحد (في حال حبيت تستعير افلام لتقوية اللغة)


نصائح من باب الخبره والمساعده ...

رجاء المساااااعده بأدق التفاصيل واضافه اي شي غاب عني ولم اذكره

رتب أمورك مع المعهد على اساس يوفر لك استقبال من و إلى المطار، و يوفر لك سكن مع معائلة كيوي لأنك بتستفيد من ناحية السماع و النطق (حيث اللهجة الكيوية سريعة جدا و تختلف عن البريطانية و الامريكية) و ان العائلة توفر لك وجبتين في اليوم و تكون حلال و تحترم خصوصيتك و دينك و عاداتك و توفرلك إنترنت و ان السكن يكون اقرب ما يمكن لمكان دراستك.
بعض الناس تشيل معها قهوة و هيل وشاهي ورق بالمطار. ذي الامور مسموح فيها في حال كانت مغلفة و مختومة من المصنع.
الادوية البسيطة مثل باندول و ادوية الحساسية مسموح فيها من غير ورقة طبية. صحيح هي متوفرة هنا ولكن مثل ما خبرتك، اللي سعره في السعودية عشر ريالات سعره هنا عشر دولارات.
المطاعم الحلال متوفرة، والمأكولات العربية مثل جبن الكاسات و الخبز العربي و الحمص و الفول و الشابورة .. إلخ متوفرة بعد في محلات كثيرة و اسعارها مرتفعة نوعا ما ((ولكن هذي هي الحياة في نيوزيلند على ما يقولون))

فيشة الكهربا عندهم مختلفة عن فيشتنا. البعض يجيب معه محول من ديرته، والبعض يشتريها من هنا .
الشي اللي ماهو متوفر هنا هو توصيلة كاملة راسها على نفس فيشتهم و نهايتها فيه ثلاث أو اربع مداخل للأجهزة و على نفس رؤوس فيشتنا بحيث توفر عليك تشتري كذا محول لاجل توصل عليه كذا جهاز.
إن حبيت أدرج لك الصورة لاجل تشوف الشكل و ان حبيت تبحث في ملتقى نيوزيلند للأسئلة العامة و بتشوف اني منزلة الصورة في أكثر من مكان.
أي استفسارات عندك لا تتردد في طرحها و ان شاء الله الاخوة والأخوات ماهم بمقصرين معك.
تمنياتي لك بالتوفيق.

شكرا بيشت ،، نصائح قيمة نسختها و حفظتها على الكمبيوتر

1 - (( الطـقس )) الان والاشهر القادمه .. لاجل شراء الملابس شتويه او صيفيه ؟

انا رحت لها في الصيف وجمدت هههههههههههههه .. خذ شتويه احتياطاً .. لأن الصيف عندهم شتاء عندنا ..

بنك انجاز ..


لا اشتر من هنا ..


-------


القران , السجادة .. هذي الثنتين لاتنساها .. ( احفظ الله يحفظ ..)

اقرأ كل شيء تشوفه .. ترجم .. حادث نفسك وتخيل قصص و تكلم كثير ..
لاتستحي .. لو استحيت بتروح الرحلة والفلوس هباء منثورا ..

يعطيكم العاااافيه واسال الله ان يفرررج همكم ويشرح صدوركم ويسهل امووركم


واللخ يا جماعه انكم ما قصرتوووو

كفيتو ووفيتوو

يا جماااعه ابي صورة المحوول اللي تقولون عنه بنزله بشتريه من هنااا وبنزله للدفعه كامله لان عجززت القاه يااااااارت تخدمووني