تكفون ياخواني محتاج فزعتكم

والله يآخوك ودي آسآعدك .. بس انا بتورنقآ
والله يعينك على اوكلاند
وششد حيلك

ابشر..
باذن الله نفزعلك.
لكن العوائل اللي نعرفها بالنورث شور.
و الاسعار مابين 200 إلى 220 بالاسبوع.
كان يناسبك بدينا ندور لك من الحين.
كان ودك بالسنتر، فاسمحلي.. حقيقة ما نعرف.
تقبل تحياتي
بشت أوكلاند.

ههههههه بشت حلوه نورث شور الرجال مايعرف ولا شي هنا
اهم شي عائله وبالتوفيق اختي بشت والله يعطيك على قد نيتك الطيبه

ههههههههههههه حرام عليك صدق ولله اني ماعرف النورث شور بس تكفون محتاج في اسرع وقت انا سفرتي في 20 يناير بليييييييز ياختي بشت اوكلاند تراني حجزت طيااااارة الله يخليكم لي يانشامى ابي الرد السريع

انا صراحه مدري وين منطقتي بالزبط لاكن انا الي اعرفه في اوكلاند والمعهد الي انا سجلت فيه مبدأياً الي هو كراون بالله ردو علي محتاج فزعتكم ضروري مادري هي نورث ولا وين...

بالنسبه للي ارسلوا خاص ماقدر افتحها لازم مشاركات ...
الله لايهينكم على العام ...
او على الايميل اذا تسمح الاداره ؟؟؟

أخوي،
متى ناوي تجي. لاجل نسألك سكن عن الفترة اللي ناوي تجي فيها.
معهدك بيكون في السنتر- الكوين- تجمع المعاهد و الجامعات و المكان الحيوي حيث الأنشطة والفعاليات بشكل عام.
و العوائل اللي تأجر سكن للطلبة والطالبات تكون في النورث شور و هي القسم الآخر من مدينة أوكلاند يبعد بينها وبين السنتر حوالي نصف ساعة .
حي سكني هاديء، كله بيوت ومافيه شقق - عكس السنتر اللي يتميز بالشقق
وسائل المواصلات متوفرة (الباصات).
العوائل اللي فيه عادة تستقبل الطلبة و لها معرفة بعادات و تقاليد العرب من حيث صلاتهم و أكلهم و أمورهم الشخصية.
عيبه، إنه بعيد شوي.
أتمنى تكون اوضحت المعلومة عن النورث والستي سنتر
مجرد اقتراح:
تسكن أول ما تجي بالنورث، لين ما تلقى لك شي أفضل باذن الله و تصبح أقرب شوي للسنتر.
كان عجبتك الفكرة و موافق، بدينا نبحث لك و نسألك.
فقط لو ممكن تاريخ الوصول.

تقبل تحياتي.

السكن في النورث شور افضل من السيتي, هناك اهدى واريح لك وتختلط بالكييوين اكثر وهذا بيساعدك تعلم اللغة اسرع بس لابد من تنظيم الوقت وتعرف وش باص تاخذ للستي

اختي الله يجزاك خيير ولله اني كنت مأيس توقعت محد راح يرد علي ، ولله انا جاي انشالله في 21 يناير وبالنسبه للمعهد اسمه كراون ’ وماعندي مشكله يكون السكن قريب ولا بعيد شوي اهم شي اني استطيع اصل له ويكون رخيص السكن ’ وبالنسبه ان اخوي يقول في النورث شور ماعندي اشكال بس احب انوه انو انا ماعندي وقت مدتي الي انا راح اجلس فيها هناك قصيرة جداً وودي استغلها بالتعلم اللغه في اسرع وقت علماً بأني راح اجلس هناك مدة ثلاث اشهر فقط ,, والأنجليزي عندي يعني ماهو كويس ’ فا الأنسب عندكم بالرأي ’ وولله انك ياأختي ماقصرتي ونشميه وباين عليك انك تحبين تساعدين الناس من خلال المواضيع الأخرى الي قريتها لأنك من جد تكتبين بأخلاص الله يوفقك وييسر لك امرك’ معليش عندي استفتسار بسيط واعتذر على الأطاله انا عندي ادويه مهمه جداً يعني ضروري ضروري اخذها معي ولا ما اقدر اسافر بدونها لأنو انا عندي قولون ومن اشد واصعب حالات القولون اذا تعرفين اسمه (كرونز) هذا الكرونز مزمن وادويتها (ابررر) هل اني استطيع اخذها معي او لا علماً بأني معي شهادة او راح يعطوني اياها المستشفى قريب انشالله ’تثبت المرض الي فيني او انها تثبت ضرورية اخذ الأبر هاذي ’ وعلماً بأنها على كلام الدكتور لازم تحفظ في الثلاجه لكي لاتخرب يعني هل ان المطار راح يركبونها في ثلاجة الطيارة او انهم راح يركبونها برمز معين (فلوس) او كيف الطريقه افيدوني جزاكم الله خير لمن كان يملك الأجابــه.