مســـــــــــــــــاعدة لله

و عليكم السلام و رحمة الله و بركاته ...
بما إنك جاي لمدة شهرين، فانت بتدخل بفيزة سائح لمدة ثلاثة أشهر.
مافي أحد يجبرك على التسجيل في معهد . تقدر تسكن عند عائلة من غير أي مشاكل. وتقدر تسجل لمدة أسبوع أو أسبوعين في معهد، و تقدر تجيب لك مدرس خصوصي.
المهم في الموضوع إنك تلقى عائلة فيها اللي يتحدث معك، و تقبل انك تكون عندهم طوال فترة النهار.
عادة العوائل تستقبل الطلبة وهي في بالها إن الطالب بيطلع أول النهار وما يرجع لها غير المسا أو على الأقل الساعة 1 الظهر.
منها العائلة تاخذ راحتها بالتنظيف والترتيب و تجهيز الأكل للطالب، ومنها تستقبل ضيوفها و تخرج و تتمشى وهي مطمنة إن البيت مافيه أحد.
عليك ان تبحث عن عائلة فيها أحد يتحدث معك (يكون عندهم ولد مثلا يطلع معك و ياخذ و يعطي بالكلام)،
والشي الثاني إنها تتقبل جلوس الزائر في المنزل وليس عليه المغادرة أول النهار لحين المساء.
جلوسك مع العائلة فيه فائدة إذا وجدت من يتحدث معك.
بعض المعاهد تركز على المحادثة فقط.

أي استفسار لا تتردد في طرحه. الجميع هنا بيفيدك -باذن الله-.

تمنياتي لك بالتوفيق.
بشت أوكلاند.

يعطيك الف الف الف عافيه على المعلومات
لكن عندي سوال المعاهد الي للمحادثة فقط نفس اسعار المعاهد الاعتيادية او تختلف
وهل فيه امكانيه ان اختار العائله واشوف اسعار عن طريق النت او لازم اتواجد هناك
وشكراا مرة اخرى على المعلومات

باذن الله أسألك عن المعاهد اللي تركز فقط على المحادثة و أزودك باسماءها
وانت من عندك قارن بين أسعارها وبين أسعار المعاهد اللي فيها تعليم متكامل.
بالنسبة للعائلة:
الوضع المتعارف عليه هو إن الطالب يسجل في المعهد قبل ما يجي و يطلب من المعهد انه يوفر له العائلة.
بعض الطلبة يجون للدولة من غير تسجيل بالمعهد و ينزلون في فندق و من ثم يبدؤون بالبحث عن عوائل عن طريق الأصدقاء والمعارف أو عن طريق النت.
الموقع الأكثر شهرة للبحث عن الهوم ستاي هو Trade me
في أحد الأجوبة المطروحة على سؤال أحد الإخوة الباحثين عن سكن هوم ستاي، تم ذكر مكتب "لاوند" على أساس ان عنده اتفاقية مع شركة بحث سكن عوائل دولية.
بالنسبة لي ما جربت ولا عندي أي معلومات عن المكتب. لكن بإمكانك البحث عن طريق النت.
يوجد مكاتب أخرى بنيوزيلند تستطيع توفير سكن مع عائلة للطالب بغض النظر عن المعهد أو الجامعة المسجل بها.
أتمنى من الأخوة اللي لهم معرفة بذي المكاتب انهم يشاركون بآراءهم و خبرتهم.
يفضل إن كان لك معارف في نيوزيلند وفي المدينة اللي ناوي تنزل فيها، إنهم يروحون السكن و يتأكدون منه قبل وصولك.
حاول التواصل مع مدام علا لأن لها خبرة أكثر في ذي الأمور و باذن الله بتفيدك أكثر مني.
سامحنا على التقصير
و تقبل تحياتي

والله جد اجز عن شكرك
كفييت ووفيت وماجا منك قصور