اسئله اللي له خبره

السلام عليكم و رحمة الله و بركاته

تكلفة الدراسة في معهد لمدة ستة أشهر (رسوم التسجيل + رسوم المعهد الاسبوعية+ الكتب) + الهوم ستاي + المواصلات (في الباص حوالي 130$ نيوزيلندي بالشهر) + تذاكر الرحلة + مصرف يومي (حوالي عشرة دولارات باليوم)
= مابين 50 ألف ريال إلى 55
إذا بغيت تجلس أكثر من ثلاثة أشهر عليك استخراج فيزة طالب.
تقدر تجي نيوزيلند وتاخذ من المطار فيزة لمدة ثلاثة أشهر، و بعدها، ويفضل من أول أسبوع، بعد ما تفتح حساب بنكي، تبدأ بمعاملة فيزة الطالب لمدة ستة أشهر
لاجل تطلع لك فيزة الطالب لمدة ثلاثة أشهر، عليك إن تثبت إن في حسابك البنكي ألف دولار عن كل شهر. (فقط كضمان) و تقدر بعد كذا تسحبها

القبول في المعهد ماهو صعب. المعاهد تستقبل الطلبة فورا. و يتم تسجيلهم رسميا بعد دفع مبلغ التسجيل (حوالي 200 دولار نيوزيلندي غير مستردة) و دفع رسوم المعهد (مابين 280 إلى 350 دولار نيوزيلندي بالأسبوع)
بعد ما تختار المدينة اللي ناوي تنزل فيها و المعهد، بيطلب منك المعهد إرسال نسخة من جواز سفرك عبر الإيميل
بيرسل لك المعهد نموذج عبر الإيميل وعليك تعبئته (عادة المعاهد يكون فيها شخص يتكلم عربي و احتمال يتصل عليك و يتفاهم معك)
بعد تعبئة النموذج و إرساله عن طريق البريد الإلكتروني عليك إرسال رسوم التسجيل و عمل نسخة تثبت إنك أرسلتها للمعهد و ترسلها لهم عبر الإيميل.
بمجرد وصول المال إليهم بتكون مسجل عندهم.
حاول البحث عن معهد يوفر لك المواصلات من و إلى المطار والاستقبال من المطار (عادة يرسلون شخص يعرف يتكلم عربي ) و يوفر لك سكن مع أسرة
بما إنك بتدرس لمدة ستة أشهر، فاطلب من المعهد يعطيك خصم.

بالنسبة للمدن الريفية و المعاهد اللي فيها، البعض يفضلها لقلة العرب فيها و لأنك بتضطر تتحدث انجليزي، والبعض يقول انها هادئة جدا و مملة ومافيها فعاليات و نشاطات تخليك تتحدث مع الآخرين.
كل إنسان له رأيه ووجهة نظره.
أما بالنسبة للمعاهد اللي فيها، فإن شاء الله تكون قوية.
المعاهد بشكل عام في نيوزيلند ممتازة. وعليك بعد ما تشوفلك معهد انك تسأل عنه سواء من طرفك أو تسأل في المنتدى عن المعهد لاجل تتأكد منه و إن شاء الله الاخوان بيفيدوك فيه.

إذا سكنت عند عائلة، فمن اليوم الثاني بياخذونك و يعلمونك كيف تستخدم وسائل المواصلات لاجل تروح لمعهدك. و بيكونون معك أول و ثاني يوم وبعدها بيخلونك تدبر أمورك بنفسك لاجل تستخدم لغتك و تقويها.

نظام المعهد:
دوام كامل من 9 لين 3 العصر
أو جزئي من 9 لين 12 الظهر - أو من 1 لين 3 العصر
الانجليزي على مراحل:
عام = للمبتدئين عامة أو للتحدث و تقوية اللغة بشكل عام
فيه عدة مستويات: من تعليم A-B لين التحدث
بيسوون لك اختبار أول ما تجي و بيحددون مستواك

النوع الثاني من الانجليزي هو نظام الآيلتس: عادة للتأهيل من أجل دخول الجامعة أو تحتاجه في وظيفة.
يعني مستواه عالي و عليك تجتاج مرحلة معينة من مراحل العام (الجنيرال) ومن ثم تدخل بالآيلتس.

إذا وصلت المطار بيكون واحد مستقبلك. عنده صورتك اللي أرسلتها عن طريق الجواز و يكون كاتب في لوحة صغيرة اسمك و اسم المعهد (بالعربي)

Besht Auckland يعطيك الف عافيه مشكوره

بس عندي سوال عن الجو الحين برد ولا معتدل

والطلاب اللي يجون هل يرجعون متعلمين ولا فيه مايطلعون بنتيجه

الجو معتدل ولكن تجي فيه ايام حارة و و ليالي باردة.
بما إنك ناوي تجلس ستة أشهر، فمن الأفضل تجيب معك ملابس شتاء كثيرة.
يفترض ان فصل الصيف بدأ أو على الأبواب، لكن الجو ما زال بارد و درجة الحرارة 22 كحد أقصى بالنهار لكن شمسهم حامية.
بعض الأيام تجي باردة و درجة الحرارة 17 نهارا و بالليل تصبح أبرد .

شتاهم بارد، و درجة الحرارة تنزل إلى 7 درجات في النهار.
المطر صيف و شتا.
في الصيف، يوم واحد على الأقل في الإسبوع يجي مطر قوي.
جيب معك كوت مطر .

بالنسبة للطلاب، بشكل عام يرجعون ومعهم لغة. و تختلف قوة لغتهم حسب جديتهم في الدراسة.
البعض منهم يقضيها لعب و نزهات. بالتأكيد بيرجع حاله حال اللي درس معهد لمدة شهر في ديرته، وكل اللي استفاده انه غير جو.