LinkBack URL
About LinkBacks
جزاك الله خير
ابغى اسالك
طب ايش الاجراءات كامله وكم بتاخد وقت
يعني يوم الثلاثاء بناخد ورقه البصمات والادله الجنائيه
ولو رحت سويتها الاربعاء الصباح
متى بنستلمها
وكيف وضع المحرم
هل يجي معايا ولا لا
وطبعا لازم يعمل نفس الاجراءات
بس من فين بنجيب الاراق هل هم بيوفروها لنا
وشكرا
7 " ابغى اسالك
طب ايش الاجراءات كامله وكم بتاخد وقت
يعني يوم الثلاثاء بناخد ورقه البصمات والادله الجنائيه
ولو رحت سويتها الاربعاء الصباح
متى بنستلمها
وكيف وضع المحرم
هل يجي معايا ولا لا
وطبعا لازم يعمل نفس الاجراءات
بس من فين بنجيب الاراق هل هم بيوفروها لنا
وشكرا
January 3rd, 2008, 02:32 PM
بصراحه أنا حاب يستفيد جميع الأخوه في جميع مناطق المملكة من التجربة اللي صارت لنا في الملتقى الأول اللي أقيم في الرياض
طبعاً لطلاب نيوزيلاندا فقط
يوم الثلاثاء 22/12/1428هـ
وصلت لموقع الفندق الساعة (2:00) الظهر ، طبعاً الموعد المحدد لتسجيل طلاب نيوزيلاندا هو من الساعة (2:00) إلى الساعه (3:00) .
وبعد السؤال عن البوابه المخصصه للرجال ، وبعد ماضعت شوي ، وعلى ما لقيت لي موقف ، دخلت الساعه (2:30) ، توجهت إلى المسؤول عن تسجيل طلاب نيوزيلاندا ، وبعد السلام والتحية استفسر عن اسمي وبطاقة أحوالي ، عطاني بطاقة مبتعث ، البطاقة مكتوب فيها الأسم و الدوله و رقم القاعة و رقم الترشيح و فيها (كود) عشان الحضور .
بعد ما صلينا العصر ، توجهنا للقاعه ، وكل واحد قبل ما يدخل يمرر البطاقة على جهاز الباكورد عشان يثبت حضوره ، حضر طلاب نيوزيلاندا فقط ، من الساعة (3:30) إلى الساعة (4:30) ألقى فيها واحد ما أتذكر أسمع محاظرة عن نيوزيلاندا وموقعها وخصائصها المناخية وطبيعة الساكن والمدن المهمة والجامعات ، يعني لمحة سريعة عن نيوزيلاندا ، وبدأ عقبها باستقبال أسئلة الطلاب والطلابات ، طبعاً الطالبات مرتبطات معانا صوتياً ، يعني نسمع أسئلتهم ويسمعون أسئلتنا .
بعد ما انتهت المحاظرة الساعة (4:30) ، قالوا أطلعوا وسووا خروج ، وادخلوا مره ثانيه أنتم ومجموعة من الطلاب ، طلعنا وسوينا خروج عن طريق الجهاز . وبعد ما فضت القاعة دخلونا من جديد حنا ومجموعة من الطلاب لدول ( ماليزيا - كوريا - سنغافوره - اليابان - الصين - وطبعاً نيوزيلاندا ) .
بدأت المحاظره الثانية من الساعة (4:35) إلى (5:30) كان المحاظرين فيها من لجنة القبول ، وعلى رأسهم الدكتور الحربي مدير اللجنة . قاموا يتكلمون عن القبول والدول اللي حصلوا فيها على قبول للطلاب وبعض الاشتراطات الخاصة بالسفارات وكيفة إصدار قرار الابتعاث . وأشاروا إلى أن فيه قبول من نيوزيلاندا لجميع الطلاب ، لكن السفارة رفضت تسليمه للوزارة لين ما يكمل الطلاب جميع المتطلبات الخاصة بالتأشيره ، وأكد الدكتور الحربي إلى أنه سيتم توزيع خطابات موجهة إلى السفارة لاستلام القبول ( هذا نص كلامه ) يعني أنه خطاب موجه للسفاره .
وبدأوا باستقبال أسئلة الطلاب والطلاب اللي ما جاوبوا عليها بالشكل الكافي . وانتهت المحاظرة الساعة (5:30) .
رحنا نصلي المغرب
بدأت المحاظرة الثالثة من الساعة (6:00) وحتى الساعة (7:00) ، جانا في هالمحاظره الملحق الثقافي في استراليا ، وكل شوي يقول للمسؤولين : شغلوا لنا الإنترنت بأوري الشباب موقع الملحقية ، وقام يعلمنا وش اختصاصات الملحقية ، وقام يهدد ويتوعد
وبدأوا في استقبال أسئلة الطلاب والطلابات اللي ماجاوبوا على نصفها ، والنصف الباقي تصريف وتسليك وإلا يقولون : هذا مو اختصاصنا اسألوا الإخوان في القبول ، إسألوا الإخوان في الوزارة .
صلينا العشاء
ورحنا للقاعة (أ) عشان نستلم الخطابات الموجهة للسفارة النيوزيلندية ، وبعد الوقوف والإنتظار جانا الدكتور الموسى ، وقام يهدد ويتوعد أنه بعد ثلاث شهور اللي ما يسافر بتلغى يعثته وبيحطون من الاحتياط مكانه ، ولن تقبل الوزارة أي أعذار وأنهم متعاونين مع الخدمة المدنية وأنه لا يحق للموظف السفر على حساب التعليم العالي ، المهم أن الرجال قام يخوفنا .
عاد بدأو يتوزيع استمارات تعهد على طلاب نيوزيلاندا يقر بموجبه الطالب بأنه وخلال أسبوع من تاريخ التوقيع على الإقرار يبدأ الطالب في إجراءات استخراج تأشيرة السفر ، ووزعوا على الطلاب الخطاب الموجه للأدلة الجنائية بخصوص البصمات اللي تطلبها السفارة .
- سألت أحد المشرفين على الملتقى عن موضوع قبول الجامعات و الخطاب الموجه للسفارة ، فقال لي أن الطالب يأخذ خطاب الأدلة الجنائية ويوديه لهم ، ومنها يطمر يسوي فحص طبي ، وياخذ جميع هذه الأوراق للسفاره وبيستلم القبول مع التأشيره .
واحد ثاني قالي أنك تاخذ الخطاب الصادر من الأدلة الجنائية للسفارة ، والسفارة تعطيك القبول ، وبعدها تبدأ في إجراءات استخراج البعثه .
واحد ثالث قال لي كل هالكلام غلط . خذ خطاب الأدله و وده للسفاره وهم يتولون الباقي .
- للأسف أغلب طلاب نيوزيلاندا ما يعرفون وش السالفة ، ولم يتم توضيح الأمر من قبل المسؤولين .
- كثير من استفسارات الطلاب والطالبات لم يتم الإجابة عليها بالشكل المرضي .
يوم الأربعاء 23/12/1428هـ
دخلنا المحاظرة الأولى بعد ما سوينا دخول من الجهاز في الساعة (3:30) بعد صلاة العصر ، جانا فيها الدكتور بن وهاس ، رجل جداً لطيف واسلوبه ممتع ورائع ، وتحس أنه يتكلم من قلب ومنصح للطلاب .
المهم أعطانا محاظره عن المشاكل اللي يواجهها المبتعث ، والتغلب على التصرفات السيئة ، وما ينتج عن الغربة ، وأهداف الطالب المبتعث . وفي نهاية المحاظرة أعطانا الرجل بريده الإلكتروني وقال إذا عندكم أي مشاكل أو أي استفسارات اسئلوني ، وبدأ باستقبال أسئلة الطلاب والطالبات . وانتهت المحاظرة الساعة (4:30) .
طلعونا من القاعة وسوينا خروج ، وشوي دخلنا مره ثانيه ، وبدأت المحاظرة الثانية الساعة (4:35) ، جانا واحد فيها قام يتكلم عن التعليم الذاتي ، وتطوير النفس ، والإنصهار في المجتمع ، وكيفية مشاركة الآخرين . طبعاً المحاظر كان لطيف جداً ومتفاعل مع الطلاب . بعد انتهاء المحاظره اتسقبل اسئلة الطلاب والطالبات . وانتهت المحاظرة الساعة (5:30) .
طلعنا نصلي المغرب .
بدأت المحاظرة الثالثة من لاساعة (6:00) وجانا فيها الشيخ / ..... الشثري ، تحدث الله يجزاه خير عن أخلاق المسلم ومعاملة الأجانب ، وأن المسلم يعكس صورة عن الإسلام والوطن في بلاد الغرب ، واكتساب الأخلاق الحميدة ونبذ الأخلاق المشينة . ونصح بكتاب ( أسئلة للمبتعثين ومن في حكمهم ) جمع معالي الدكتور أبالخيل مدير جامعة الإمام محمد بن سعود ، وهو عبارة عن أسئلة سألها مجموعة من الطلاب المبتعثين في سنوات سابقة للشيخ ابن عثيمين والشيخ الفوزان .
الله يجزاه خير كانت محاظرته شيقة ورائعة . وبعدها بدأ باستقبال أسئلة الطلاب والطالبات . وركز على أهمية الكتاب اللي ذكرناه . وانتهت المحاظره الساعة (7:00) .
طلعنا نصلي العشاء
ورجعنا للمحاظره الرابعة اللي بدأت الساعة (7:30) ، قالوا لنا أن معالي الدكتور أبالخيل مدير جامعة الإمام محمد بن سعود بيلقي محاظرة ، المهم أننا ما شفنا أحد ، وقعدت أنا وواحد نسولف برا القاعة ، شوي ونسمع صوت واحد يتكلم يقول أدخلوا المحاظرة يا شباب . اكتشفنا أن الدكتور كان في قاعة ثانية أعتقد أنها قاعة طلاب استراليا وكان الصوت منقول لنا .
كانت محاظرة الدكتور رائعة ، وكان فيها يحث المبتعثين على العلم والتعلم . وبدأ باستقبال أسئلة الطلاب والطالبات . وانتهت المحاظرة الساعة (8:30) .
وأشوف زحمه بعد المحاظرة خارج القاعات ، تخبرون اللقافة عاد ، المهم اكتشفنا أن التعليم العالي بصراحة ما قصر حط للمبتعثين عشى ، عاد أنا انحشت ولا تعشيت
* ملاحظات عامة من وجهة نظري :
- وقت المحاظرات غير كافي .
- شح المعلومات المقدمة من المسؤولين .
- التناقض في بعض إجابات المسؤولين . واحد يقول لك فيه قبول والثاني يقول مافيه قبول .
* ملاحظات لإخواني المبتعثين :
- الملتقى فيه فائدة كبيرة ، أهم شي التركيز أثناء المحاظرات .
- إذا عندكم أي استفسار ، ولو بسيط أو تافه ، اسأل ولا تستحي سواء للمحاظر او المشرفين أو حتى الطلاب .
- إذا ما أحد جاوب اطمروا للمسؤولين الكبار واسألوهم .
أخواني اخواتي
هذي فرصه جابها الله لنا ، ولانزم نستثمرها على الوجه الصحيح ، ولازم ما تروح علينا
تأكدوا أن كل واحد من المبتعثين في راسه مليون سؤال وسؤال . أولهم أنا . حاولوا ما تطلعون من هالملتقيات إلاَّ وأنتم لاقين إجابات لهذي الأسئلة .
أسأل الله العلي العظيم أن يوفقنا وإياكم لكل ما فيه خير.
http://www.ksastudents.com/vb/t22129.html
ل
لآنه وبصراحه مافي ولا أحد تكلم عن ملتقى طلاب نيوزلندا في مبتعث