استفسار هل اقدر ان انظم الى البعثه في نيوزلندا في مده قصيره

حبيبي بالنسبة للإنضمام في نيوزلندا

على حسب ما سمعنا انه لازم تجيب 4 في الآيلتس وتجلس أقل شي اربعة شهور في نيوزلندا

بالنسبة للآيلتس 4 في الاكاديمك مو الجنرال ..

طبعاً اذا ما كانت عندك معلومات عن الآيلتس ادخل النت وسوي سيرش .. ممكن تدخل اي معهد في السعودية شهر يديك فكرة عنه ويقيم مستواك

في ناس يقولوا 4 صعبة وفي ناس يقولوا 4 سهلة ..

كلها على حسب الطالب وكيف اجتهاده ..

بالنسبة لكلامك على امريكا او كندا او اي محل ثاني ..

صدقني لو انت خايف من الغطرسة حتلاقيها في كل مكان حتى في نيوزلندا ..

عندي فوق 40 واحد من اصحابي في امريكا وللحين ما سمعت شي لكن اللي انا متأكد منه .

اللي يخاف من شي حيلاقيه .. قول بسم الله وصدقني ما في غطرسة ولا شي في اي مكان

العالم كلها طيبه ومبسوطة والحمد لله واصلاً مافي اي سبب انه احد يشوف نفسه على احد

الله يوفقك وييسرلك أمر في أي مكان كان ..

مثل ماقالك انفيستور ولو تقدر تجيب الايلس انشاء الله بعد اربع اشهر من تواجدك وانتظامك بالدراسه تنظم والله اعلم

..

بالتوفيق لك

شوف ياولد الحلال 4 قي الايلتس ليست سهلة بل صعبة جدا جدا وتحتاج الي سنة زمان لتحصل علي 4 درجات من اول اختبار

فلا تستمع لاي واحد يهون عليك اختبار الايلتس

فيه جد فيه كفاح فيه صبر تصرف علي نفسك 12 شهر تقريبا بمشيئة الله تنصم

وكل اختبار ايلتس بدراهم وتكلفته قرابة 350 دولار نيوزلندي وهو شهري

كلامي للشغل النظامي , اما فلان يعرف فلان وحيكلمه حتي يزحلق فلان في البعثة فهذه امور خارجة عن السيطرة عليها

والمفروض ان النظام يطبّق علي الجميع دون تفريق .

حبيبي غريب في الدنيا ..

بالنسبة لاختبار الايلتس ..

الجامعات تطلب تقريباً 6 ونص لدخول الجامعة والدراسة فيها ..

الوزارة تعطي للمبتعث سنة عشان يجيب 6 ونص ..

الاختبار مكون من 4 اجزاء رئيسية ، قراءة ـ كتابة ـ استماع ـ محادثة .

دائماً نحن السعوديين نجيب في الاستماع والمحادثة فوق الـ 4 .. لأننا ما شاء الله نتفرج افلام ونحب نهرج ..

اما بالنسبة للقراءة والكتابة فنحن فيها تعبانين ..

فغالباً اشوف انه اذا الواحد ركز على القراءة والكتابة في خلال 4 إلى 6 شهور يجيب درجة 4 واكثر .

انا حالياً جالس ادرس آيلتس .. وبصراحة اذا الواحد يروح الكلاس ويذاكر ساعتين في اليوم انا اقول يبغاله في حدود 6 شهور بالكثير ويجيب الدرجة

المطلوبة ان شاء الله ..

هذا رأيي بس تبغى الصراحة ,, نحن ما اتعودنا نذاكر ساعتين في اليوم ، بس لو نذاكر ساعتين والله يهون علينا الاختبار ..

على العموم احترم رأيك ويعطيك العافية وبالتوفيق ..

كلام جميل
والايلتس ليس سهلا ابدا
وان ذاكر الطالب العربي 6 ساعات يوميا انا اتحداه يحصل علي 6.5 درجات لمدة سنة
وهنا استثني بعض الطلبة الذين يذهبون مع اهاليهم في الاجازات الي اوروبا ويدرسوا ابنائهم في المعاهد الاوربية

وللعلم الايلتس لايحتاج الي المذاكرة يوميا ولكن يحتاج الي سرعة البديهة وهي تختلف من انسان لاخر

والله يا غريب في الدنيا انك غريب ..

تظل عندك وجهة نظر واحترمها ..

ياخي انا في نيوزلندا ادرس في كلاس ايلتس ليّ شهر وعندي مدرسة تدرسني خاص وكثير مدرسين يقولوا الكلام اللي انا قلته ..

انا ما جبته من راسي انا جالس ادرس آيلتس ..

واصلاً المعاهد تحضير الايلتس حقهم 6 شهور تقريباً عشان الواحد يجيب 5 في الايلتس .. ياخي خلينا نقول انه الايلتس صعب ..

تبغى الطالب السعودي يجلس سنة ونص عشان يدخل الجامعة ؟ مع العلم انه البعثة كلها 5 سنوات ؟ ويبقاله اربعة سنوات ..

سيبك من موضوع الشحاتة والتمديد والله يرضى عليكم مددولي .. لا ياخي ترى الموضوع بس اجتهاد ..

ومعلومتك انه الايلتس ما يحتاج مذاكرة يومياً بس سرعة بديهة ..

ياخي لو جبت اكثر انسان بديهي في العالم حلو ؟ اللي يسموه الفتييييييييك على قولهم .. اللي جينس يشحته عشان يدخل موسوعته بس مو قادر يوصل لسرعة بديته ..

واديته سؤال وما فهمه كويس عشان ما يعرف الكلمات وما يعرف يعبر , باركلي على سرعة البديهة وانت ما تعرف تكتب غير 12 كلمة .. بس

انا لما اقول مذاكرة قصدي الواحد يسويله دفتر يكتب فيها الكلمات الجديدة اللي بالانقلش ويكتب معناها بالعربي والمرادفات حقتها بالانقلش ..

ويذاكر القواعد ويقرأ مقالات للايلتس خصيصاً ويترجمها ويعرف كيف يحط الفواصل في الكتابة .. وكيف يقدر يتعامل مع اسئلة الايلتس من غير اي

توتر او عصبية .. وبالنسبة للمحادثة والاستماع فهي مره سهلة والله .. انا في المستوى الثاني وجبت فيها 5 ونص ..

وكثير مدرسين هنا مبسوطين من السعوديين في التحدث والاستماع لكن يشتكوا في القراءة والكتابة عشان ما يذاكروا ..

طبعاً انا ما ابغى الناس تحسب انه الايلتس سهل مرره لدرجة انه اللي متخرج من الثانوية عندنا بيجيب 4 والدنيا فلة وحلوة ..

انا اقول المجتهد اللي يدرس ويذاكر ما يحتاجله اكثر من 6 شهور عشان يجيب 4 في الايلتس ..

على العموم اذا عندك طريقة او عندك نصائح بالنسبة للايلتس او خبرة في موضوع الايلتس او اي واحد اداك فكرة سلبية عن الايلتس ممكن تطرحها في موضوع

والناس تتناقش فيه .. لكن مو كويس تقول صعب والسلام ..

العالم يبغالها ناس توعيها مو تخوفها ..

ممكن مسألة أنت شفتها صعبة في الايلتس يجي واحد من الشباب يقولك طريقة سهلة فيها او حل اسهل له ..

اتمنى انه ربنا يوفقنا في جميع اختباراتنا ويسهل علينا امورنا ..

بالتوفيق