ياشباب ألحقوني تكفون الفزعه&&&&&&&&&&&

ياشباب تكفون أبي أحد يرد علي

اخوي انا ما اقدر أأكدلك .. لن هذا الي اعرفه انا

لازم تكون معك تأشيرة دراسه .. واذا بتروح بدون تأشيره ثلاث اشهر وراح تتقشع من البلد او انك تخرج وترجع مره ثانيه .. بس الملحقيه ماتقبلك الا لمن يكون عندك تأشيره

ما أأكدلك كلامي بس هذا الي اعرفه وسمعته من الشباب

بالتوفيق ..

والله كلام اخوي استاذ ملبورن فيه شيء من الصحة و اعتقد والله اعلم انه لازم تراسل الجامعة اول شيء وهي تحددلك معهد اللغة او انه تختار معهد بس الجامعة تكون راضية عنه و لمن يجيك قبول المعهد تروح تطلع الفيزا و بعدها تروح هناك وتدرس اللغة و اعتقد انه كمان تدرس اول سنة في الجامعة كمان على حسابك وتجيب فوق الجيد علشان تنضم لللبعثة

ياشباب المشكله المكتب يقولي يمديك تروح ثلاث أشهر وتمدد إلى أن تجيك البعثه وإذا جتك كمل أجرائتك من هناك

شكراً لمن رد
وأوريد ردود أخرى جزاكم الله خير

ملاحظة رحلتي قربت

طبعا للحصول على فيزه تحتاج الى ضمان مالي وكشف حساب بنكي لمدة 6 شهور او ان يكون هناك شخص سيساعدك

وطبعا اول ماتوصل لابد ان تسوي الفحص الطبي وتكمل الاجراءات حتى تحصل على الفيزه الدراسيه
طبعا الدراسه في نفس معهد الجامعه يسهل عليك بعض الاجراءات ام هل لابد ان تدرس بنفس المعهد فلا طبعا

لان الجامعه تضع عدة خيارات في قبولها للغه الانجليزيه

اما الموافقه على الابتعاث فاحيانا تتاخر في الحصول على الموافقه واحيانا تطول لكن حط في بالك من 7 شهور الى سنتين انت وحظك حتى تكتمل الشروط وعادة طلاب الدراسات العليا وضعهم افضل بالحصول على الموافقه وبشكل اسرع

وبالتوفيق

نعم اخوي لا تروح الا تأشيرتك معك

لا يصير لك مثل ما حصل لي ،

رحت بدون فيزا ومن نيوزيلندا قدمت عليها وعطوني اياها ولكن متى بعد 3 شهور ومن تاريخ الدخول الى نيوزيلندا

ثانيا الملحقية ماراح تعترف بدراستك الا اذا كان معك تأشيرة وماراح يفتحون لك ملف

حتى لو ارسلت لهم قبول الجامعة ((( خذ كلامي من واقع تجربة )))

واحد مجرب نصيحة لوجة الله لا تروح الا تأشيرتك معك

الا في حالة واحدة

اذا كنت ناوي تدرس لغة فقط

الله يوفقك ان شاء الله


وعلى فكرة كلام خويك 200 %

عشان الملحقية تحسب لك المدة اللي انت تدرستها

وش لك بدوخة الراس والمطالبات مع الملحقية




اما يكون المعهد تابع للجامعة مو شرط الا في حالتبن :


الاول :: معترف فيه بالملحقية

الثاني :: معهد متخصص ومتمكن في تعليم اللغة

ولو تبي نصيحتي خذ معهد الجامعة احس لك
لعدة اسباب

1- معترف فيه عن الملحقية ووزارة التعليم

2- احتمال نظام جامعة اوكلاند ( معهدهم ) نفس نظام جامعة كانتربري ماتحتاج ايلتس اذا خلصت المستوى الثالث

3- معترف عند الجامعة

4- قريب من الجامعة

5- متوفر فيه السكن بسهولة وبمكان امن ومنطقة تعليمية بعكس المعاهد الثانية


تحياتي لك




غريب ولكن

والله انا من تجربتي في امريكا فيه شباب كثير نقعوها = تورطوا

وانزنقوا ماديا ً الى درجة لا يعلمها الا الله

جاي على حسابه وعلى اساس بينضم للبعثة بكل سهولة ولكن بعضهم جلس سنة عشان ينضم لها بعد شيل وحط مع الملحقية

ونصيحة من لا تطلع من السعودية الا وامورك كلها تمام

واللخبطة بتجيب لك لخبطة اكثر لذلك رتب نفسك وطلع فيزا وضبط امورك واول ما توصل راسل الملحقية وعسى ربي يوفقك

اخوك عززيز