في أي جامعة تنصحوني لماستر مالية أو محاسبة؟!

السلام عليكم و رحمة الله و بركاته
انا ناوية اقدم هذي السنة ان شاء الله ابتعاث لاستراليا
ماستر محاسبة أو مالية
ايش الجامعات اللي تنصحوني فيها؟
ياريت تكون المنطقة هادئة و مناسبة للدراسة و الجامعة مو صعبة في التقديم و الدراسة .. لانو كثير خوفوني من الدراسة بأستراليا و يقولو انها مرا صعبة و صراحة مرا شلت هم
وشي ثاني .. كيف الدولة من ناحية الغلا لاني برضو سمعت انو المكافأة ما تكفي و في مبتعثين يضطرو يطلبوا من اهاليهم !؟
ياريت أحد يجاوبني لاني بجد تعبت من كلام الناس
و حبيت اسمع منكم قبل ما راسي يشيب

السلام عليكم و رحمة الله و بركاته
انا ناوية اقدم هذي السنة ان شاء الله ابتعاث لنيوزيلندا
ماستر محاسبة أو مالية
ايش الجامعات اللي تنصحوني فيها؟
ياريت تكون المنطقة هادئة و مناسبة للدراسة و الجامعة مو صعبة في التقديم و الدراسة .. لانو كثير خوفوني من الدراسة بنيوزيلندا و يقولو انها مرا صعبة و صراحة مرا شلت هم
وشي ثاني .. كيف الدولة من ناحية الغلا لاني برضو سمعت انو المكافأة ما تكفي و في مبتعثين يضطرو يطلبوا من اهاليهم !؟
ياريت أحد يجاوبني لاني بجد تعبت من كلام الناس
و حبيت اسمع منكم قبل ما راسي يشيب

وعليكم السلام ..

بالنسبة للجامعات دا رابط الجامعات اللي معتمدة من الوزارة ..

http://www.sacm.org.nz/about-newzeland/education-system/universities

بالنسبة للتقديم مره سهل بالنسبة لكل الجامعات إذا كنت مستوفية الشروط طبعاً ..

المكافأة تكفي بزياااادة لا تشيلي هم .. بس السؤال انت مبتعثة ولا على حسابك ؟ لو مبتعثة حتنبسطي لو على حسابك ..

البلد تعتبر زي بريطانيا ..

والمبتعثين مره مبسوطين هنا والحمد لله

بالنسبة للدراسة ،، انا اتوقع الدراسة هنا حتكون اصعب من السعودية بحكم اللغة ..

ولكن والله لو مجتهدة مرره سهالة .. والعالم مبسوطة والدنيا حلوة ..

بالتوفيق

وعليكم السلام ورحمة الله
انا ما ابغى اخوفك من كندا ولكن الحقيقة تقول مدام التخصص دا داخل ضمن التخصصات الادارية فمطلوب في كندا اختبار اسمو الجيمات واغلب اللي في كندا يا غير تخصصو لتخصص اداري لا يتطلب جيمات مثل حكايتي او غير الدولة فانا انصحك تغيري الدولة لاستراليا او بريطانيا . بس اذا مصرة لكندا عندك خيارين يا تغيري التخصص لتخصص اداري بدون جيمات او تختبري الجيمات هوة مهو مستحيل بس لازم تكوني بلبل انقلش وكويسة في الرياضيات لأنها اسئلة اكثرها الغاز رياضية ويبالها فترة تحضير كبيرة
اما بالنسبة للمكافئة سيبيكي من كلام الناس في كندا الحمد لله كافية هية في امريكا يبالهم تزويد مكافئة
ممكن اللي بيقلك مهي مكفيتني يكون عايش في شقة بالفين دولار وفي الداون تاون وعندو اطفال وبيوديهم حضانة والحضانة مكلفة كمان
بالتوفيق انشاء الله

هل تعلم كم مدة الدراسة للماستر

اعتقد طويلة جدا ممكن ثلاث سنوات انتبة لهالنقطة

يعطيك ألف عافية
والله صراحة انا كنت حاطة ببالي 3 دول .. كندا و استراليا و نيوزيلندا
و محتارة في أي دولة اروح !
بس مدام كده الوضع يعني اكنسل كندا من بالي .. و افكر باستراليا او نيوزيلندا ^^
مشكور .. والله ما قصرت ياعسل

عليكم السلام ..
الجامعات كثيره واذا على جامعه في منطقه كويسه ممكن تكون جامعه ماسي فرع اوكلاند" North shore "
" يوجد لها فرع في بالمسترنورث "
بالنسبه للمحاسبه انا ادرسها وفيه طلاب كثير معايا مابين محاسبه وماليه والدراسه ماهي اي كلام فيها لانها كرف ولازم لها مجهود ..

الماستر ماني متأكد بس كأني سمعت يحتاج 3 سنوات لانهم يطلبون حاجه زي الدبلوم مدتها سنه قبل الماستر الفعلي .. بس بأستراليا بعض الجامعات مايحتاج غير سنتين للماستر

المكافأه تكفي وزياده والحمدلله يارب 3700$ للطالب
وللعائله " المتزوجين " ياخذون 5700$ والعمله احياننا توصل فوق وهذا لصالحنا


والي يقول ان المكافأه ماتكفي لازم يتأكد من جيبه يمكن مخروق :$

ان شاء الله بأقدم ابتعاث .. و يارب انقبل .. دعواتك ^^
بالنسبة للغة بأخذ لغة قبل الجامعة لانو لغتي موش ولا بد .. تمشي حالي بس
بس انا مو مرا دافورة في الدراسة .. بس مستوايا الحمد لله طيب


مشكور على افادتي..
بس حابة اسأل عن المعيشة في البلد ؟
كيف وضعهم في السكن و الاكل و الملابس !! من ناحية الجودة و الاسعار؟

- - - مشاركة محدثة - - -

باللللللللله ؟!!
انا قرأت هذي المعلومة قبل كده في المنتدى
بس ما كنت متأكدة من صحتها
هوا اللي اعرفو الماستر عادة .. سنة لغة و سنتين بالكثير الماستر
بس 3 سنين كثير :S !!

اولك اول شي بالنسبة للمنطقتين اللي قلت عليها
هل هيا مدن صغيرة و هادية .. يعني جوها ملائم للدارسة او لا ؟

ثاني شي انا متخرجة بكالوريوس احصاء يعني ما عندي اساس محاسبة ولا مالية ابدن و هذا شي مرا قالقني !
طيب بالنسبة ل ال 3 سنين هذي .. معاها اللغة ولا بدون اللغة ؟! :S

و على قولتك استراليا .. انا بأفكر فيها برضو و بأسأل و اشوف ايش يقولولي ^^


و مرااااااا طمنتني على المكافأة .. ربي يسعدك ^^