Student visa

اختي سواء مبتعثه او على حسابك
تعالي نيوزلندا وطلعي الفيزا
حسن وسرع لك من السعودية بطول وسالفتهم سالفه
بصمات وتحلليل طبي وكشف كامل
وتروح للدبي وياعالم متى راح ترجع لك الفيزا
نصحيتي قصي التكت وتعالي هنى وطلعيها من هني نيوزلندا


بس فيه ميزة اذا سويتها بالسعودية المزية ان الفيزا تكون الفيزا ساريه المفعول يعني من سنتين وفووووق ويعتمد على الشهادة البنكيه او الرصيد الحساب

عندي نقطه ممكن الاخ نيوزلاندي نسي يضيفها انه اذا تم استخراج فيزا من دبي لازم تكون الدراسه في نفس المعهد المسجل بالفيزا واذا تم تغير المعهد او الجامعه لازم تتغير الفيزا .. يعني التعب بيروح عالفاضي ..

انا مو فارقه معايا لانو عندي قبول الجامعه في جامعة اوكلاند للماجستير
وتبدا الدراسه بداية ٢٠١٣

وعشان ابدا الدراسه في الجامعه لازم اكون مطلعه الفيزا فلازم اطلعها من السعوديه لانو ماعندي وقت اطلعها هناك

غير في كلا الحالات حتى هناك يطلبو البصمات فبدل مااروح واروح الشرطه وياخدو البصمات وارسلها السعوديه
اسوي البصمات من هنا واخلص احسن بدل ماارسلها من هناك يسير حتى لو قررت اعمل الفيزا هناك الاوراق كلها جاهزه وموجوده

فانا كل شي جاهز عندي بس البصمات دي اللي باقيالي

الله يوفقك وييسرلك امورك يااارب ويسهلك المااستر

اختي انتي حتبدئي دراسة ماستر ع طوول ؟

لو ايوة يسير تعااالي هنا وبعدها سوي ع تقديم فيزا وانتي في نيوزلندا

والطلبات سهاالة واسرع

بدال تروحي الريااض والى دبي وشغلانة

انا قدمت عليها اليوم كلها كم صفحه ساعدني فيها مدير المعهد ودفعت 240 وانتهي الموضوع سعرها الاساسي220 بس 20 دولار عشان الارسال وكذا
ونا انصحك من هنا راح تاخذ من اسبوعين الي شهر وهي عندك لا بصمات وكشف كلام فاضي

اخوي احمد ايوه انا راح ابدا دراسة الماجستير على طول ان شاءالله لانو مااحتاج اللغه الحمدلله

شكلو اخرتها راح اقدم في نيوزيلندا وان شاءالله مايورطوني وياخرولي الدراسه

اخويا المايسترو المعهد يطلعلك الفيزا لمدة دراستك في المعهد وماتاخد اسبوعين الا هيا عندك
بس لو تبغا تطلعها اكتر من سنه (بالنسبهللجامعه) يحتاج الكشف الطبي والبصمات حتى لو طلعتها من نيوزيلندا

والله ما اعرف كيف حتطلعيها من السعودية .. بس اتوقع مكاتب الادلة الجنائية هي اللي حتفيدك في الموضوع دا ..

إذا انتي في جده انا فاكر في الهنداوية في شارع التلفزيون عند الدفاع المدني بعد كبري كيلو 2 " اللي ينطنط " في مكتب هناك ..

بس مو متأكد والله ..

عموماً انا حابدأ اسوي موضوع البصمات من هنا بكرة .. فافيدك كيف حاسويها دعواتك بس ..

يا رب ييسرلك أمرك ويوفقك

اجل انصحك تعااالي نيوزلندا قبل موعد الدراسة بفترة بسيطة حق اسبوعين وتواصلي مع الجامعة
وترا عادي اذا اعطيتي الجامعة الجواز وبديتي دراسة والفيزا لسى ما وصلت

بس المهم ان امورك والطلبات اللي يبغوها تكون كاملة
وكل الطلبات باذن الله سهلة وتقدري تسويها في نيوزلندا صحيح انها حتكون اغلى من انك تسويها السعودية بس انا احسها اريح للقلب وأئمن في القبول

وبالتوفييق لك اختي والله يسرلك امورك

مشكووور ياليت تعملنا ابديت ايش سار معاك

- - - مشاركة محدثة - - -

طيب مررره حلو انا برضو باراسل الجامعه واتاكد اذا عادي بالطريقه دي

والمصاريف مافرقت هناك اغلى في النهايه الملحقيه بتدفع هههههههههههه

مشكور اخ احمد ع المساعده