الأعضاء الإشتراك و التسجيل

الملتقيات
ADs

انصدمت في السفاره النيوزلنديه

انصدمت في السفاره النيوزلنديه


NOTICE

تنبيه: هذا الموضوع قديم. تم طرحه قبل 5896 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية abu-abeed
    abu-abeed

    مبتعث مستجد Freshman Member

    abu-abeed نيوزيلندا

    abu-abeed , ذكر. مبتعث مستجد Freshman Member. من البرتغال , مبتعث فى نيوزيلندا , تخصصى طالب ماجستير , بجامعة لينكون
    • لينكون
    • طالب ماجستير
    • ذكر
    • كرايست شيرش, الجزيرة الجنوبية
    • البرتغال
    • Jan 2008
    المزيدl

    February 6th, 2008, 10:05 PM

    اليوم اتجهت للرياض: من اجل استلام خطاب القبول من الجامعه .
    وعند وصولي للرياض ( واخوكم طبعا دجه ما يعرف راسه من رجليه )
    قلت ياولد مالك الا تتصل على السفاره


    واتصلت عليهم وردت علي الموظفه المصريه0: (طبعا غنيه عن التعريف ، بل صارت اشهر من نار على علم )
    أخوكم :السلام عليكم . وعليكم السلام.
    سالتها عن موقع السفاره . وقامت تشرح لي (ياحليها تعرف توصف )


    المهم يوم جيت حي السفارات .
    وأخذ الجوال : :واتصل على الاخت . ( اعرف اني مصختها) بس اللقافه .
    اختي انا عند مدخل السفارات وين السفاره النيوزلنديه بالضبط .
    وقامت تشرح (وانا اقولها ايه وبعدين على بالها فاهم ما درت انها تنفخ في قربه مشقوقه )
    في الاخير قالت انها مقابل السفاره المصريه (أقول في خاطري الاخت معجبه بسفارة بلدها :
    المهم قعدت احوس شوي : :.وما فيه فايده .
    وارجع واتصل مره ثانيه (ادري تقولون ملقوف )
    ويوم ردت حسيت انها يوم عرفت انه انا (الي مزعجها بكثرة الاسئله ) تغير صوتها .
    قلت ياولد الاخت بدت تزعل ::،ذبها في شحم وافلح. واقوم واغير السالفه على طول (لا لا اخيرا حصلتها ،وبيني وبينكم لاحصلتها ولاني حولها ، بس الخوف وما يسوي )
    بعد كم لفه وكم تدويره اخيرا حصلتها .
    واصفط السياره . والبس الغتره والعقال وشوي عطر (من شافني قال بيدخل على السفير )
    وادخل على السفاره لين حصلت الموظف .
    واعطيه رقم الطلب .
    ويسلمني الاوراق .واقعد اقلب الصفحات صفحه صفحه (اخوكم دخل معهد كم اسبوع صدق نفسه بيعرف يقرا الخطاب )
    واطالع الموظف وقلت وش في الخطاب قبول معهد او معهد وجامعه .
    قال الموظف :هذا قبول معهد تبع جامعة لينكون ، ولما تروح هناك تحدد التخصص للماستر .
    والله واحس اني انصدمت .
    طول الطريق: : افكر كم سنه راح يعطوني 3 او 4 .
    وجت المصيبه انها بس معهد .
    وقمت افكر اروح للبعثه يعني (طقها ولحقها )
    او اجلس ووظيفه التدريس بتجي ان شاء الله .

    اعرف اني طولت السالفه وهي قصيره .
    بس والله من الزهق والصدمه .
    ياليت اذا فيه احد كلية معلمين .ورايح ماستر حاسب .
    يخبرني كم مدة الماستر الي عطوه .
  2. السلام عليكم ورحمه الله وبركاته

    هلا يا حلو.....................

    انا معاك على نيوزلندا. هم قالولك قبول المعهد هذا تابع للجامعة . بعد ما تخلص تروح على جامعة اللى انتى تابع لها.
    وبعد كذا تبدا دبلوم سنة
    و الماستر سنتين

    جامعة AUT

    وسلامتك...
    7 "
  3. والله ياخوي ابو عبيد اشوف ان حظك زين لانك لين رحت هناك اخترت الجامعه اللي تبي والمكان اللي تبي والتخصص اللي تبي تراها يخوووووووووووووك فرصه ما تتعوض
    بعدين وش تبي بالتدريس
    يجيك ورع صغير ومسوي عربجي يرفع لك الضغط
    وتخيل نفسك قاعد في غرفة المدرسين بعد كم سنه من التدريس
    وتقول للزملا ء والله انا قبل كم سنه جاتني بعثه والله ياليتني رحت وانفكيت من الهم والطفش والبزارين
    لا واذا جاك مدير يرفع ضغطك اعوذبالله
    والا اذا رموك في التعيين في اقصى الشمااااااااال والا في اقصى الجنووووب
    في قريه لاخدمات ولا شي وخط جلد وسيارتك تنعدم لا وتبات بالمدرسه يمكن مافيه سكن اجار
    بعدين اول ماتبدا راتبك حيكون متعاقد اربعة الاف ريال او اقل ويتعدل في ثلاث سنين لين يوصل سته او سبع الاف بس
    بينما في البعثه انت الان تاخذ حدود السبعه الاف وخمس ميه وخلال ثلاث سنوات وانت راجع

    سلام
    7 "
  4. السلام عليكم ورحمة الله وبركاتة
    كيف تعرف انها اربع سنوات
    1- A course of English language for of 33 weeks.
    كورس اللغة سنة
    2-the graduate Diploma in Business for of one year.
    دبلوم سنة في البزنس
    3-the master of Business (marketing) dgree for of 2 years.
    ماستر البزنس سنتين.

    AUT
    وسلامتكم....
    7 "
  5. المشاركة الأصلية كتبت بواسطة famous
    السلام عليكم ورحمه الله وبركاته

    هلا يا حلو.....................

    انا معاك على نيوزلندا. هم قالولك قبول المعهد هذا تابع للجامعة . بعد ما تخلص تروح على جامعة اللى انتى تابع لها.
    وبعد كذا تبدا دبلوم سنة
    و الماستر سنتين

    جامعة AUT

    وسلامتك...
    يعطيك العافيه . وشكرا على المرور.
    المشاركة الأصلية كتبت بواسطة سكرية
    ياخوي والله زوجي نفس قصتك 100 ب100
    حتى سالفة توصيف مثلابضبظ
    بس والله انا مثلك ونقهرت منه كلامه لان اغلب الاخوان هنا حددمدة دراستهم؟؟؟؟؟؟؟؟؟؟؟

    علما انا زوجي خريج جامعة الامام محمد بن سعود
    مثل ما قالوا الاخوان ،انه افضل قبول معهد فقط . رب ضارة نافعه .

    المشاركة الأصلية كتبت بواسطة هاملتون
    انا مثلك من كلية المعليمن وعطوني قبول اربع سنوات في جامعة وايكاتو
    يعطيك العافيه وشكرا على المرور .
    المشاركة الأصلية كتبت بواسطة اوسطرالي عداً ونقداً
    والله ياخوي ابو عبيد اشوف ان حظك زين لانك لين رحت هناك اخترت الجامعه اللي تبي والمكان اللي تبي والتخصص اللي تبي تراها يخوووووووووووووك فرصه ما تتعوض
    بعدين وش تبي بالتدريس
    يجيك ورع صغير ومسوي عربجي يرفع لك الضغط
    وتخيل نفسك قاعد في غرفة المدرسين بعد كم سنه من التدريس
    وتقول للزملا ء والله انا قبل كم سنه جاتني بعثه والله ياليتني رحت وانفكيت من الهم والطفش والبزارين
    لا واذا جاك مدير يرفع ضغطك اعوذبالله
    والا اذا رموك في التعيين في اقصى الشمااااااااال والا في اقصى الجنووووب
    في قريه لاخدمات ولا شي وخط جلد وسيارتك تنعدم لا وتبات بالمدرسه يمكن مافيه سكن اجار
    بعدين اول ماتبدا راتبك حيكون متعاقد اربعة الاف ريال او اقل ويتعدل في ثلاث سنين لين يوصل سته او سبع الاف بس
    بينما في البعثه انت الان تاخذ حدود السبعه الاف وخمس ميه وخلال ثلاث سنوات وانت راجع

    سلام
    مشكور أخوي على النصيحه .وبصراحه معك حق في الي قلته .وان شاء الله اعقلها وتوكل .
    المشاركة الأصلية كتبت بواسطة نمنم تورنتو
    الله يسهلك امرك وجميع المسلمين ...............

    اخوكم
    النمنم
    مشكور على الدعاء وربي يوفق الجميع .
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.