ضروري البصمه الجنائيه

نفس السؤال ننتظر من يفيدنا

آهلين وسهلين اخوي ..

حقيقي اسلوبك في طرح الاسئلة ما هو جيد ..!! ياخي بدل ما تجلس تلعب في حسبة المنتدى وتقلبه فوق تحت روح منتدى الدارسين على حسابهم الخاص

تلاقي فيه اغلب الأجوبة ..!! ومنها تستفيد .. اما انك بس تسأل وتبغى المعلومة تجي لحدك صدقني ما حتمشي في نيوزلندا يا رجل وترجع من ثاني اسبوع ..

انا باتكلم معاك لأني شايف الوضع .. ترى النظام هنا تعليم ذاتي !! ترى هنا مو السعودية كل واحد يجي يطبطب عليك ويقولك يللا يا شاطر انا احط النقاط وانت حبر عليها ..!!

كان ممكن تسوي بحث صغير عن نيوزلندا وتنزله على مقاطع في موضوع واحد يصير الكل يستفيد وانت تزيد عدد مشاركاتك

عموماً انا ما اقول غير الله يهديك وتكون جاد أكثر ومستوعب انه عشان تجي نيوزلندا لازم تدفع فلوس .. والفلوس دي مررررررررررره مو قليلة !!

فعشان تكون جيتك لنيوزلندا استثمار لك وتجيك البعثة خليك جاد اكثر ..

اما بالنسبة لسؤالك .. اذا انت جاي من غير فيزا ياخي اول شي تعال هنا وبعدين نقولك كيف تسوي البصمة .!!!!!!

ياخي ايش تبغاني اقولك ؟ البصمة يا سيدي تحجز موعد في قسم الشرطة هنا جوا اوكلاند .. وياخذوا بصماتك ويعطوك هيّ في ورقة

وبعدها تروح السفارة يا غالي وياخذوها منك وتجيك البصمات بعد شهرين ..

مافي اي اجراءات ومافي اي طلبات !!! يعني بصراحة سؤال مو محله ..

واذا قصدك من السعودية ياخي روح اي مباحث جنائية يسوولك هي ..

ولا تجي تسأل هنا من وين اسويها في مدينتي .. ترى هذا مو المنتدى المناسب اللي حيجاوبك عليه ..

انزل اي قسم شرطة جنبك او اذا مافيك حيل اتصل عليهم واسأألهم ..!!

فكر في كيف انك تتعلم اكثر عن نظام الالتحاق وكيف تتعلم انجليزي قبل لا تجي نيوزلندا عشان تجي وانت على علم شوية ...!!

عموماً اذا تسأل بنفس طريقة اسئلتك ابشرك محد حيجاوبك ..

الله يوفقك ويهديك وييسرلك أمرك يا رب

ياخي انت ليه معصب ؟ خلي صدرك واسع ورحب
بالنسبه اني ابحث عن المعلومه ترى والله دورتها كثير ولا ماجيت سئلت هنا وترى المنتدى حطوه للاخذ والعطا مكتوب اسئله واستفسارات واذا ماتبغى تجاوب ياخي محد غاصبك وترى مو انا الوحيد الي سئل فتح عينك شوي تلقى عضو ثاني يستفسر عن نفس الموضوع

- - - مشاركة محدثة - - -

والله يوفق الجميع انشاء الله

هلا اخوي انصحك تسوي البصمة والفحص الطبي في السعودية لانة من شروط حصولك على فيزا الطالب
البصمة تقدر تسويها في السعودية في نفس اليوم وبعض الاحيان تاخذ اسبوع بينما هنا تاخذ لك ٣ شهور وزيادة لان السفارة ترسلها للسعودية وبعدين ترجع لك
انا سويتها العام في نيوزلندا شهر ٧ ورجعت السعودية شهر ١٠ولما جيت السنة هذي نيوزلند اطلبوها مني ولما كلمت القنصلية عشان يعطوني اياها قالوا خلاص مدتها انتهت ماتنفع لان مدتها ٦ شهور
سوي من جديد بصمة وارسليها لنا وحنا بنرسلها للسعودية وانتظرني والحين الله ييسرها ويعقلها علينا

كلامك صح .. اللي كان معصبني شوي انه انت حاط 4 مواضيع جديدة كل موضوع سؤال ..

وكل موضوع ما فيه اي معلومات ممكن نحاول نرد عليك فيها ..

عموماً انا غلطان واسف عشان عصبت عليك ..

وانا اللي عيني مقفولة ومحد غاصبني انه اساعد احد ..

اعتذر .. انت صح وطريقتك صح ..

الله يوفقك وييسرلك وينجحك في دراستك يا رب ويرزقك بأجوبة لكل اسئلتك