ماهي اكثر الاستفسارات تداولاً ؟

هلا والله بالغالي دائما سباق في عمل الخير الله يجزاك الجنه ويعطيك على قد نيتك
والله الشخص يعجز عن شكرك ومواضيعك تساعد الطلاب الي في نيوزلندا والي نآوي يجي


متـــــــــآبع الموضوع (:

ما شاء الله عليك .. فعلا مبدع بصراحه و انا اتصفح قسم نيوزلند تقريبا اغلب المواضيع ما تخلو من لمساتك و مساعدتك ..
الله يجعله في ميزان حسناتك ..
انا ابغى اعرف مدى سهولة او صعوبة الانضمام في نيوزلندا .

شكراً لمرورك عبد الله .. لسا محد اداني استفسارات جديدة للآن كلها تدور في نفس الدائرة

اذا جا شي ببالك بالله حطه على طول هنا يصير نجمع اكبر عدد من الاستفسارات وممكن نخصص موضوع لكل واحد فيها

اكرر شكري ع مرورك يا غالي

هلا وغلا اختي ، بالنسبة لموضوع الانضمام في نيوزلندا ميزته انه ( واضح ) جداً ..

يعني تمشي في الخطوات حقت الانضمام وتنضمي على طول للبعثة ( بإذن الله ) ..

الخطوات كالتالي :-

1) تفتحي ملف دارس على الحساب الخاص .

2) تجلسي في نيوزلندا مدة 4 أشهر .

3) تجيبي 4 من 9 في اختبار الايلتس .

4) حضورك ومواظبتك كويسة ..

من يوم ما تحققي الشروط اللي فوق ، على طول يرسلوا ملفك على الوزارة بإذن الله ..

طبعاً الشروط واضحة جداً .. في ناس يعتبروها سهلة جداً وفي ناس يعتبروها مستحيلة .. انا في وجهة نظري اللي ( عنده رغبة حقيقة ) الانضمام ما ياخذ 5 أشهر بالكثير

وفي كثير ناس انضموا للبعثة في فترة 5 شهور وانا منهم والحمد لله ..

عموماً اذا عندك اي استفسار انا حاضر

ربي يكتبلك الخير وين ما كان

اخي INVESTOR ،،

انت في هذا القسم كما الشجرة الطيبة اما ان يستظل بظلها او بثمرها وكلا الامرين خير
ومن لايشكر الناس لا يشكره الله ، حقيقة انا اغبطك بصراحة على حبك للخير ومساعدتك لاخوانك بالرد على استفساراتهم وتساؤلاتهم .. وربما لا نملك لك الا الدعاء الصادق . بان يوفقك الله ويحفظك وان يعيدك سالما غانا الى بلدك واهلك .

السلام عليكم ورحمة الله

بما ان الموضوع اكثر الاسئله نداولاا حبيت اطرح بعض الاسئله وان شاء الله نستفيد منها جميعاا

السؤال الاول : المساجد كم مسجد في اوكلاند وهل هي بعيده او في نصف المدينه !!

السؤال الثاني : مطاعم الحلال هل هي بكثره وكيف الاكل جيد ولا مشي حالك (:

السؤال الثالث : صالونات الحلاقه لاني اطلعت على مواضيع قديمه في هذا القسم وسمعت ان لازم الشخص يحلق بنفسه معقوله مافيه صالونات حلاقه !!

وان شاء الله اذا جاء في بالي اسئله برجع لهنا

كل الشكر لك ياخوي INVESTOR

السلام عليكم ..

اخوي انا عندي كم استفسار .. وهذا يوزري في الاسكايب ..

ياريت تضيفني .. mohammed_a.alshehri

الله يجزيك الجنة ..

شكراً على كلامك الطيب .. دليل على طيبتك ..

الله يرفع مقامك ويوفقك في الدنيا والآخرة

حبيب قلبي عبد الله .. وعليكم السلام ورحمة الله وبركاته ..

اسألة جداً جيدة حقيقي فرحت لأنها اسئلة جديدة اول مره تمر علي

بالنسبة للمساجد طبعاً في عدد جيد من المساجد ( فوق 15 تقريباً ) ..

مع وجود غرف مصليات في المعاهد والجامعات طبعاً ..

هذا رابط فيه عناوين وارقام اغلب المساجد اللي في نيوزلندا ..

Welcome to the Federation of Islamic Associations of New Zealand


بالنسبة لموضوع الاكل الحلال .. اللي اعرفه انه 80 في المية من اللحم هنا حلال .. بحكم انه نيوزلندا شغلهم ذبح ..

هذه معلومة قالها لي واحد نيوزلندي ..

هذا رابط الصفحة اللي يوضح المحلات اللي ماخذه الشهادات اللي معتمد انه اكلها حلال

Welcome to the Federation of Islamic Associations of New Zealand

بالنسبة لصالونات الحلاقة .. ( الشعر ما عندك مشكلة ) لكن الذقن تحلقه لك مكينة ما عندهم موس ( في بعض الحلاقين لكن ما اعرفهم بصراحة ) ..

افضل لك تجيب معاك مكينة حلاقة وتزبط شغلك بنفسك

شكراً جداً على مرورك والله اسعدتني