دوره لمدة شهرين في نيوزيلندا .. انا داخلن على الله ثم عليكم .

وعليكم السلام ورحمة الله وبركاته ,,

بصراحة قرار جريء وان شاء الله ربنا يوفقك فيه ويباركلك فيه وييسرلك الخير وين ما كان ..

بالنسبة لأسئلتك والتكاليف أنا عندي موضوع في نفس القسم موضح فيه جميييع المصاريف اللي تحتاجها في نيوزلندا اتمنى تطلع عليه

السكن غالباً يطلع عليك ما بين 220 دولار نيوزلندي إلى 250 دولار نيوزلندي في الاسبوع ..

المعاهد برضوا تختلف في معاهد بـ 450 وفي معاهد بـ 200 دولار اسبوعيا .. كل ما كان المعهد رخيص اعرف انه ما فيه نشاطات والصينيين مليانين فيه ..!!

طبعاً يبغالك برضوا مواصلات 35 دولار في الاسبوع ( أكثر شي ) وجوال قول 5 دولار في الاسبوع ومثلاً غدوات 70 دولار .. ( بحكم انه العشا والفطور في العائلة ) ..

لو افترضنا انه العائلة 240 مثلاً والمعهد 350 دولار اسبوعياً يطلع المجموع في الاسبوع الواحد تقريباً 700 دولار نيوزلندي = 2240 ريال سعودي ( العملة = 3.2 تقريباً ) ..

المعاهد الجيدة غالباً تلاقيها في هذا الموقع ( مع تحفظي على بعض المعاهد اللي مليانة سعوديين او تدريسهم ضعيف )

English New Zealand schools, English, NZ, ESOL | English New Zealand

اما بالنسبة لطريقة الدفع فغالباً تحولهم المبلغ اللي ناوي تجلس فيه .. حوالة من السعودية

عشان يستقبلوك في المطار + يحجزولك العائلة

عموماً اي خدمة او مساعدة راسلني على ايميلي

m.akram@conectadonz.com

وربي يوفقك ويكتبلك الخير

بالتوفيق إن شاءالله
وقرار من وحهة نظري صائب جدا
وربنا يكتب لك الخير

اعتقد أن الأخ محمد مااقصر
تواصل معاه فأكيد إن شاءالله يرتب لك كل شيء
ولو إني أفضل أنك تسجل بمعهد بقرية صغيرة بحكم يكون العرب قليل فيها جدا