الدراسة في نيوزيلاند......... مساعدة من ذوي الخبرة

هلا وغلا اخوي ..

انا لو مكانك يا حاختار نيلسون أو نايبير !! لأنها اشمس مدينتين في نيوزلندا + انها تعتبر مدن متوسطة الحجم وسياحية ..!

لكن اذا حتستحمل البرد كوينز تاون خيار جداً جداً جيد !! لكن المشكلة في البرد فيها في الفترة اللي انت جاي فيها ..

مثل ما قالك اخوي علي ع المدن الثانية ، روتوروا ماوريز ، بالمسترن سعوديين ، واناكا حلوووووووووووة !!! لكن أصغر شي في الحياة هههههههههههههههههههه كلها ربع شارع

انا رحت اغلب المدن اللي ذكرتها لكن حقيقي اللي عشقتهم ( كوينزتاون - نيلسون - نايبير ) ..

لكن خلي ببالك بالنسبة للطقس في نيوزلندا ما تقدر تتنبأ فيه !! ممكن تكون المدينة مشهورة بالبرد مثلاً ويكون فيها اسبوعين دافية أو عادية في عز البرد !!

اما بالنسبة لموضوع المصروف كالتالي :

الجوال = 20 دولار في الشهر .
المواصلت = 150 دولار في الشهر <--- هذا الحد الاعلى لهم غالباً فلو اخترت المدينة تكون صغيرة ممكن تكون ارخص
غداك = 300 دولار في الشهر .

المجموع = 470 دولار شهرياً ( لكن من غير خرجات وروحات وجيات وسينما ) ..

اخوي انا جالس اتدرب مع مكتب قبولات هنا في نيوزلندا !!

بعض المعاهد اللي ذكرتها ( البحيرات الجنوبية - انقلش سكول - كامبل ) ممكن اجيبلك منهم عروض وتخفيض بحكم انه هنا المكاتب ترسل طلاب للمعاهد

والمعاهد دايماً تسوي عروض لهم ..!

إذا حاب انت فقط قرر أي مدينة تبغى تروحها ! وبعدها أي معهد تبغى تروحه .. وخليني اسألك اذا اقدر اجيبلك تخفيض في المعهد أو لأ. .

ميزة المكاتب هنا انها ما تاخذ ولا ريال من الطالب !! كل الخدمات مجانية !!

ربي يوفقك ويكتبلك اللي فيه الخير

نايبر جميلة و هادئة و بسيطة والمعهد الشهير فيها هو معهد New Horizon . أصبح الآن تابع لـ Auckland English Academy والتسجيل فيه عن طريقهم
وعلى حسب شرح الموظف عندهم إنهم يأمنون لك المواصلات من أوكلاند إلى نايبير إذا أخذت عندهم العرض (6 أسابيع أو أكثر في نايبير و 6 أسابيع أو أكثر في أوكلاند)
نصيحة، إذا كنت ناوي تدرس جنيرال إنجليش + آيلتس، خلي الجنيرال في نايبر والآيلتس في أوكلاند إنجليش أكاديمي لأن المدرسين فيه لهم خبرة أقل شي 12 سنة بالتدريس بالإضافة إلى كونهم أوربيين + عندهم ماجستير + طريقة تدريسهم جميلة جدا + اختبار الآيلتس المجاني في المعهد.
حاول تقدم بنفسك لأن جماعتنا اللي قدموا بنفسهم من غير مكتب حصلوا على خصومات أكثر.

الف شكر للاخوان ... بصراحه طلعت بفكره جيده عن الموضوع والبركه فيكم ..... اشكر الجميع على تفاعلهم ..
بس يبدو لي الحين اللي مطروح:
1- نايبير نيوهورازن
2-نيلسون
3-روتورا

ياليت اللي عنده تفضيل لاحد المعاهد هذي يقول لي .......مع العلم انني ابحث عن معهد يكون صارم في التدريس ...مع اني حاليا افضل روتورا...... لان تصنيفها ممتاز في اغلب العناصر .. بعدها نيوهورايزن بس ذكر انه عدد مدرسين نيوهورايزن 4 وقت كامل و 4 اداريين اتوقع.. نيلسون بصراحه مالقيت تقرير يعطي صوره واضحة عنها