وعليكم السلام ورحمة الله وبركاته اخوي ..
هلا وغلا فيك في نيوزلندا وبإذن الله ربي يكتبلك الخير في الطلعة ..
بالنسبة لأفضل المدن في نيوزلندا ، نيوزلندا تتكون من جزيرتين ( الجزيرة الشمالية - الجزيرة الجنوبية ) الجزيرة الشمالية فيها 70% من عدد سكان نيوزلندا والباقي في الجزيرة الجنوبية .
ميزة الجزيرة الشمالية من ناحية الجو انه ادفى من الجزيرة الجنوبية اما ميزة الجزيرة الجنوبية فانه الطبيعة فيها ساحرة جداً جداً جداً .
اهم مدن الجزيرة الشمالية : أوكلاند - ولينقتون - هاملتون - نايبير - روتوروا - تورونقا .
أهم مدن الجزيرة الجنوبية : نيلسون - كوينز تاون - دنيدن - كرايستشيرش .
ما اتوقع في احد يقدر يقولك ايش افضل مدينة بالنسبة لك انت يبغالك تقول انت ايش تحب عشان نقدر نحدد لك ايش المدينة المناسبة ؟ يعني لو انت انسان اجتماعي وتحب تخرج كثير وما تنام بدري
فما اتوقع مدينة صغيرة تنفع لك ،، اما اذا انت انسان تحب الطبيعة وجاي عشان تروق وتعيش مع عالم رايقة وهادئة فممكن مدينة صغيرة تنفع لك .
المعاهد اغلب اللي في موقع الملحقية جيدة لكن يبغالك انت تحدد ايش المدينة اللي حاب تدرس فيها ( او المنطقة ) + الميزانية وبعدها ممكن تسألني واشوفلك ايش المعاهد اللي في المنطقة واللي تكون جيدة
اما بالنسبة للعوائل فالمعهد ينسق لك العوائل وما هي صعبة ابداً لكن يبغالك تضبط كل امورك من بدري عشان يلاقوا العائلة اللي على مواصفاتك ، واغلب العوائل النيوزلندية حبوبة وطيبة وفاهمين انه الطالب جاي يتعلم وبالعكس يحاولوا يتساعدوا معاه كثير .
اما بالنسبة للتكاليف فأنا حاط موضوع ممكن يفيدك كثير وهذا رابطه :
http://www.mbt3th.us/vb/forum122/thread371552.html
عموماً إذا عندك اي استفسار او سؤال فانا في الخدمة
تحياتي
August 23rd, 2013, 05:23 AM
السلام عليكمبودي ادرس ثلاث شهور في نيوزلندا وحبيت استشيركم
وش افضل المدن في نيوزلندا لدراسة اللغة ؟؟ والتمشية في نفس الوقت
وش افضل المعاهد لتعليم اللغة العام وليس الاكاديمك ؟
هل العوائل صعب الحصول عليها في نيوزلندا ام سهل ؟
كم تكلفة الكورس لمدة 3 شهور ؟