الأعضاء الإشتراك و التسجيل

الملتقيات
ADs

استفسار بالنسبه للوزن وكيف أشحن أغراض الى هناك؟

استفسار بالنسبه للوزن وكيف أشحن أغراض الى هناك؟


NOTICE

تنبيه: هذا الموضوع قديم. تم طرحه قبل 3855 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية صابرينه
    صابرينه

    مبتعث جديد New Member

    صابرينه نيوزيلندا

    صابرينه , أنثى. مبتعث جديد New Member. من السعودية , مبتعث فى نيوزيلندا , تخصصى قانون , بجامعة باقي
    • باقي
    • قانون
    • أنثى
    • لم تحدد, مادري
    • السعودية
    • Sep 2011
    المزيدl

    September 8th, 2013, 12:58 PM

    بسم الله الرحمن الرحيم
    السلام عليكم ورحمة الله وبركاته
    أتمنى ان الجميع بخير
    مثل ماهو واضح بالعنوان أبي أستفسر عن ثلاث شغلات اﻷولى بسافر بإذن الله الى ولنجتون عن طريق الخطوط السنغافورية لكن المشكله المسموح للشخص فقط 20 كيلو وأنا عندي أغراض كثير طيب لو زاد الوزن عن كذا أبي أعرف كم الضريبه علي ﻷن من أوكلاند الى ولنجتون مسموح 30 كيلو .
    الثاني لو طلعت الضريبه مره كثيره أو أن عندي أغراض ابي اهلي يشحنونها لي مثل التمر والقهوه وغيره وش أفضل شركة شحن وبكم وفي كم توصل تقريبا
    الشغله الثالثه ودي أعرف وش اﻷشياء اللي ضروري أخذها واللي أقدر اتنازل عنها وأشتريها من هناك وتكون أسعارها معقوله خاصه الملابس الشتوييه محتاره فيها جدا لأنها تاخذ حيز ووزن .
    أخيرا أسأل الله رب العرش العظيم أن يفتح الخير في وجه من يجيب على تساؤلاتي وشكرا لكم جميعا..

    Sent from my GT-I9200 using مبتعث mobile app
  2. هلا أختي،
    الله يوفقك في رحلتك العلمية ويحقق مرادك
    بالنسبة للوزن من السعودية سواء على السنغافورية او غيرها من الخطوط مسموح لك تطلعين من المطار بشنطة 30 كيلو وشنطة يد داخل الطيارة 7 الى 10 كيلو وربما يكونون متساهلين بعد بالنسبة للوزن ويتغاضون عن كم كيلو زيادة
    المشكلة في الرحلات الداخلية في نيوزلندا بعد وصولك غير مسموح لك بأي شنطة وزنها أكثر من 23 كيلو لكن بامكانك مثلا توزيعها على شنطتين بزيادة مبلغ 15 دولار تقريبا، لكن الشنطة الواحدة لايمكن أن يكون وزنها أكبر من 23 كيلو، احيانا يتم التغاضي عن المسافرين الواصلين الى نيوزلندا لكن في اخر رحلة لي اضطريت اني افرغ بعض من اغراضي بسبب نظامهم التعقيدي، فلو قدرتي تحطين أغراضك في شنطتين بيكون أفضل
    بالنسبة للشحن أنصحك بالنسبة للأغراض الي ما تعتبر أساسية مثل التمر والقهوة أنك ترسلينها عبر البريد السعودي العادي أو الممتاز حتى لو اخذت وقت أطول لكنها تعتبر رخيصة مقارنة بباقي شركات الشحن لكنها توصلك الى باب البيت، وفي محلات عربية بكل مدينة ويبيعون تمر وقهوه وهيل وكل الاغراض، اهم شي تاخذين معك اغراض الطبخ الي تحتاجين للقهوه ابريق فناجيل دلة قدر ضغط وتاكدي من تغليفها زين علشان الرحلة طويلة
    ولا انصحك تاخذين معك أكل الا وعليه تاريخ صلاحية، اذا شريتي قهوة من اي محل خليه يختم لك عليه اسم المنتج بالانجليزي وتاريخ الانتهاء ولابد انك تذكرين ان معك اكل في ورقة الدخول الى نيوزلندا
    بالنسبة لي صرت اريح نفسي من التفتيش ولا أخذ معي أي نوع من الماكولات لان جميعها متوفر
    بالنسبة للملابس أنصحك تشترينها كلها من السعودية سواء صيفية أو شتوية، الجودة في الأسواق أفضل وأرخص من نيوزلندا بكثير، وبامكانك شحن الملابس الزايدة زي ما قلت لك عن طريق البريد السعودي
    بالتوفيق
    7 "
  3. شكرآ أخ ali_inter دائما وكالمعهود تجيب على تساؤلاتي الله يسهل امورك ويوفقك . أفدتني كثير الله لايحرمك اﻷجر والثواب .
    بس انا لمن قصيت التذكره قال لي الموظف مسموح لي 20 كيلو فقط ..وبالنسبه لﻷشياء الثانيه بشحنها زي ماوضحت لي بس عندك فكره كم تطول . يعني سبق لك وشحنت ! وعادي لو أخذ شنطتين كنت أفكر مسموح بس شنطه وحده (حلوه الزياده 15 دولار مناسبه )
    الله يعافيك شكرا جزيلا.

    Sent from my GT-I9200 using مبتعث mobile app
    7 "
  4. بالنسبة للخطوط أعتقد ما عندهم مشكلة في عدد الشنط المهم هو الوزن، تأكدي من هالنقطة بالاتصال على مكتب الخطوط السنغافورية في السعودية
    بالنسبة للوزن المسموح ففعلا بعض الخطوط ومنها السنغافورية تسمح بوزن 20 كيلو كنظام، الاماراتية مثلا تسمح ب 30 كيلو للدرجة السياحية، لكن الي أعرفه أن جميع الرحلات الدولية من مطارات السعودية تسمح ب 30 كيلو على جميع أنواع الخطوط، الصراحة ماسبق وأني أخذت أقل من 25 كيلو سواء على السنغافورية أو الاماراتية الي سافرت عليهم، لكن ايضا تعتمد على نظام المطارات نفسها
    هل المعلومة أخذتيها من موظف مكتب سياحي أو من مكتب الخطوط السنغافورية نفسها، ممكن موظف الخطوط السنغافورية يفيدك أكثر ومنها تقررين تاخذين أكثر من 20 كيلو أولا، ايضا حاولي تسالين في المطار نفسه وبيعطونك الخبر الاكيد
    بالنسبة للشحن تقريبا تاخذ شهر بالبريد العادي وحوالي 10 أيام بالبريد الممتاز، والصراحة أسعارهم معقولة جدا خصوصا اذا كانت الاغراض ملابس أو مأكولات فأنصحك فيهم للغلاء المبالغ فيه بالنسبة لباقي شركات الشحن مثل الدي اتش ال واراميكس وغيرهم، ممكن ترسلين عبر هالشركات اذا كانت الأغراض قيمة مثل أوراق رسمية
    بالتوفيق
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.