استفسار قررت الإبتعاث الى نيوزلندا .. قرب الإبتعاث والى الآن فيه اشياء اجهلها !!

مدة 6 الى 9 أشهر مدة كافية جدا للحصول على البعثة، المهم اذا كنت جاد في الابتعاث قبل السفر لازم تتبع الخطوات بشكل صحيح حتى تستطيع التقديم عند وصولك
نصيحتي لك أول خطوة هي الحصول على قبول جامعي بتخصص معترف فيه في الوزارة، ثم التسجيل في معهد لغة وتحويل مبلغ 6 أشهر للمعهد، ثم استخدام ايصال الدفع والقبول الجامعي للتقديم على فيزا دراسية عن طريق مكتب الهجرة النيوزلندية في دبي، وبعد كذا لازم تطلب موافقة الوزارة على الدراسة على الحساب الخاص، متى ما اكملت هذه الخطوات تستطيع السفر والدراسة لمدة 4 أشهر وبعدها تستطيع التقديم على البعثة بعد اختبار الايلتس والحصول على درجة 4 من 9، باذن الله مع الاجتهاد راح تقدر تحصل على الدرجة لأنها مو صعبة
بالنسبة للمعهدين ما أعرفهم لكن تأكد أن هذا المكتب ما يرسل طلاب الا لمعاهد معينة لذلك عدد السعوديين فيه كبير جدا، بامكانك الدراسة في اوكلاند كمدينة كبيرة ولكن فيه خيارات كثيرة جدا في نيوزلندا ومناسبة ايضا وأقل في المصاريف من ناحية السكن والمواصلات، وما يحتاج ابد انك تسافر عن طريق مكتب التقديم سهل جدا وفيه شباب هنا بالمنتدى يتعاملون مع معاهد وبامكانهم خدمتك
بالنسبة للغة راح تتطور ان شاء الله على قدر المجهود الي تبذله والالتزام بالحضور ومحاولة الاستفادة من كل لحظة موجود فيها هنا
بالنسبة للدراسة بالتأكيد أفضل لك هنا لأنك راح تدرسها بالانجليزي وفيه جهد كبير راح تبذله واذا تخرجت من هنا باذن الله راح تفتح لك مجالات كبيرة، منها ترقية البعثة للماجستير اذا توفقت وتحصلت على معدل جيد باذن الله
بالنسبة للمكافاه 3052 دولار استرالي تعتمد على سفر صرف الدولار الاسترالي مقابل النيوزلندي، قبل سنتين كنا نستلم حدود 4000 ولكن الآن ارتفع الدولار النيوزلندي وصرنا نستلم حدود 3400 دولار
أنصحك تقرأ مواضيع القسم لأن أغلب استفسارات الأعضاء عن الابتعاث والدراسة في نيوزلندا راح تعطيك فكرة عن طريقة الدراسة هنا
بالتوفيق

^

الله يجزاك خير ياغالي على النقاط أفدتني كثير ..

بخصوص المكتب سوى ترشيح للطلب القبول مجاني .
وطلب مني أختبار الدولة والتخصص .. أخترت نيوزلندا , لكن التخصص طلب مني وانا قلت له أبي ادرس معهد وبعدين أقرر .. هذي بتأثر على طلب البعثه على حساب الدولة ؟
واللي قريته عن المعاهد ان فيه عدد كثير من السعوديين .. انا الى الآن متحير , اذا فيه معهد جداً مناسب وقليل فيه السعوديين أفيدوني ...

واذا ممكن ياغالي ترسل رقم جوالك على الخاص فيه أشياء ومحتاج معلومات منك

أنا أنصحك بالحصول على قبول جامعي قبل السفر لسببين، الأول وهو الأهم أن الوزارة حاليا طبقت نظام الموافقة على الدراسة على الحساب الخاص وذلك بشروط تحقيقها قبل السفر، بامكانك الدخول على موقع الوزارة للتحقق من الشروط الي من ضمنها وجود قبول جامعي ووجود فيزا دراسية وارفاق فحص طبي
السبب الثاني أنك بعد الوصول ما تضمن متى يجيك القبول الجامعي، قد يتأخر وتضيع عليك فرصة التقديم، وممكن ترفع طلبك ويرفض بسبب عدم الاعتراف بالتخصص وأعرف أشخاص كثيرين ضاعت عليهم البعثة في أوقات سابقة بسبب تأخر حصولهم على قبول جامعي، وفيه أشخاص اضطروا يمددون فترة طوية، أنت هنا تحمي نفسك بتطبيق الشروط بالشكل الصحيح
بالنسبة للمكتب الي تتعامل معه فأعرف أنهم ياخذون مبلغ بحدود 1500 ريال للتقديم على الجامعة وأنا أنصحك تقدم بنفسك عبر مواقع الجامعات، أسهل وأسرع ومجاني وتقدر تتابع بنفسك طلبك، اذا قررت وش التخصص الي بتدرسه وحبيت المساعدة اضفني بالسكايب على ali-nz1 وان شاء الله أساعدك على خطوات التقديم على الجامعات،
الجامعات تفضل الطالب الي يقدم بنفسه لأن المكاتب تأخذ نسبة من الجامعة عن كل فصل يدرس فيه الطالب لذلك اذا قدمت بنفسك راح تزيد فرصة حصولك على قبول، من واقع تجربة!
ملاحظة بالنسبة للطب وبعض التخصصات الطبية صعب جدا الحصول على قبول فيها في نيوزلندا وأغلبها تدرس سنتين ويكون في منافسة ويتم تصفية أغلب الطلاب لذلك الملحقية تطلب من الطلاب اختيار دولة أخرى لدراسة الطب، لذلك اذا كان خيارك الطب فأنصحك باختيار مكان ثاني غير نيوزلندا

بالنسبة للغة فالموضوع بسيط جدا والقبول تقدر تاخذه بيوم واحد من أي معهد تبي في أي مدينة تبي، اوكلاند حلوة علشان الجو فيها معتدل ومدينة كبيرة فيها ثلث سكان الدولة وفيها مطاعم وكافيهات وأسواق متنوعة، بالنسبة لتكدس الطلبة فيها طبيعي لوجود معاهد وجامعات كثيرة لكن بامكانك الاختلاط بالأجانب فيها بسهولة من خلال المعهد وتقدر تبتعد عن العرب بارادتك
ويلنقتون العاصمة وثاني أكبر مدينة خيار جيد للعيش في نيوزلندا وفيها أكثر من معهد، في عندك مدن صغيرة سياحية مثل نيلسون أو كوينز تاون في الجزيرة الجنوبية كلها ممكن تعيش فيها ونسبة العرب أقل بكثير لعدم وجود جامعات فيها
أنصحك تسجل في معهد لمدة 6 أشهر فقط علشان تقدر تطلع الفيزا ولسبب أنك بامكانك التقديم على البعثة بعد 4 أشهر من الدراسة لذلك ممكن توفر على نفسك مبلغ 3 أشهر اذا قدرت تحصل على البعثة قبل نهاية الـ 6 أشهر

ربي يخليك ..

المعاهد انا اجهل الأفضل والأنسب والسعر واذا التقديم أنت تسويه لي تسوي خير والله يوفقك
وايضاً المكتب مجاني لكن ما أدري اي منها الأنسب
انا أكيد أبي الأفضل , بالنسبة للتخصص انا الى الآن مآفيه ببالي اي تخصص بس انا الآن ادري في الكلية الصحية العامة والمعلوماتية في البكيرية
سنة تحضيرية والى الأن ماخصتها راح ترم وباقي ترم , اذا هناك فيه تخصص اداري تبع الصحة ممتاز اما اذا فيه تخصصات ممتازة مو مشكلة اتخصصها المهم تكون
وظائف ادارية او قانونية , بعيد عن الأرقام والحسابات ..

بخصوص المدن انا مدينة متوفر فيها أغلب الأشياء والمهم أقدر اختلط مع الناس وقليل فيها السعوديين .

وياغالي السكاي بي ما أستخدمة اذا نتواصل على الواتس أب , او BLACKBERRY

اهلاً وسهلاً يا غالي ..

بصراحة اخونا علي ما قصر وبالعكس افادك كثير ما شاء الله عليه ..

اول شي قبل ما ابدأ في الرد انصحك تقرأ هذا الموضوع اللي انا كاتبه حيفيدك كثير جداً في موضوع الالتحاق بالبعثة اللي انت ناوي تسويه وانا مفصل فيه كل شي بالتفصيل الممل :

http://www.mbt3th.us/vb/forum122/thr...l#.Uss4ttIW03A

لو ما اتبعت الطرق هذه في الغالب البعثة ممكن ما تجيك او تتأخر عليك .. انا جيت نيوزلندا على حسابي قبل سنتين والحمد لله جاتني البعثة واموري في السليم ..

بالنسبة للمعهدين اللي ذكرتها بصراحة انا ما انصح فيها لعدة نواحي ،، اول شي غالية ،، غير كدا اغلبها صينيين لأنها معاهد تتعامل معاها الجامعات بحيث انه الطالب يدرس فترة معينة ويعدي مستويات معينة

وبعدها يدخل الجامعة ( طبعاً في فترة الدراسة على الحساب الخاص ما يهم المعهد المهم هو انك تجيب 4 في الايلتس وتجلس اقل شي 4 إلى 5 أشهر ) ..

يعني لو انا كنت مكانك اول شي اسويه اني اختبر واجرب اختبار الايلتس في السعودية وبعدها اشوف كم نتيجتي لو جبت الـ 4 خير وبركة لو ما جبتها اسم انه عرفت وين مستوايا قبل لا اجي نيوزلندا ..

حط ببالك انه لازم تحدد انت متى ناوي تجي وايش التخصص اللي انت حاب تدرسه وكم ميزانيتك ؟

المعاهد والجامعات قبولها جداً سهل عن طريق مواقعهم ولو حاب انا اقدملك من عندي ما عندي مشاكل وطبعاً ببلاش ،،

هذا ايميلي راسلني لو احتجت مساعدة في حاجة

m.akram@conectadonz.com

اما انه المكتب يقدم لك ع الجامعة برسوم حقيقي مالها داعي ولو انت حاب تجي شهرين بعدين تكمل موضوع البعثة مره ما انصحك لأنه هالشهرين ما حتنحسب لك وحتجلس في حدود 8 اشهر عشان تجيك

انا بصراحة مبسوط في البعثة وانصح اي احد يجي نيوزلندا عشان موضوع الراتب .. الحمد لله الراتب مغطي وزيادة والعالم هنا طيبة وودودين معانا جداً ..

الله يوفقك واذا احتجت شي انا والشباب ما بنقصر ..

انا ميزانيتي بحدود 40 الى 50 ألف ..
وانا أجهل هذي الأشياء والحمدلله الله جابك ومتحاج مساعدتك .

لا ننحرم من مساعدتكم والله يوفقكم دنيا وآخرة ..
وتسلم ياغالي ويسعدني ويشرفني التواصل معك ولا يهون أخوي علي بإنتظار رده.

تقدر تراسلني على الواتس اب 0064210726215
بالنسبة للمعاهد وقبولاتها وأسعارها أعتقد الأخ INVESTOR أفضل مني لأنه درس فيها قريب ويتعامل معهم وماشاء الله أتوقع جاب قبولات لطلاب كثير في المنتدى
اذا تبي مساعدة في تعبئة الابليكيشن للجامعات أبساعدك ان شاء الله، بالنسبة للتخصص لازم أنت تختار شخصيا عن قناعة الي يناسبك وترتاح بدراسته ولاتخلي أحد يختار لكن لأن في الأخير أنت الي بتدرس
بالنسبة للميزانية للأمانة ما أتوقع أنها تكفي دراسة 6 أشهر اذا قلنا التذكرة فقط راح تكلفك بحدود 7500 ريال، أتوقع بتحتاج أكثر من 60 ألف ريال يمكن توصل الى 70 ألف لمدة 6 أشهر،
المشكلة بأن سعر الدولار مرتفع جدا حاليا تقريبا أكثر من 3 ريال، قبل 5 سنوات تقريبا نزل سعر الدولار النيوزلندي الى 1.90 بذاك الوقت كان من الممكن 50 ألف تكفيك مع التذكرة وبكل ارتياح لكن الآن لا للأسف

ربي يخليكم ..

بخصوص التخصص فيه مثل قسمي ؟ يعني في ادارة المستشفيات ؟
وبخصوص الميزانية , يعني مو ممكن الـ 40 الف تكفي الى الإنظمام للبعثة
وانا بحثت في المواقع حصلت تذكرة بـ 5000 على الإمارتيه بدون المرور على استراليا ..

لكن إيش افضل المدن والمعاهد ؟

وانا افكر بالإبتعاث بعد الترم بإذن الله .. يعني تقريباً بشهر 7

هلا وغلا اخوي ..

بالنسبة للتخصص حقك بصراحة ما لقيت عنه معلومات كثير في نيوزلندا ..

ممكن في البداية تجيب تخصص ادارة عادي وبعدين بعد ما تنضم للبعثة تحول تخصص لو لقيت التخصص المناسب لك انت واللي يعجبك ..

وكلامك صحيح في نقطة انه الخطوط الاماراتية مسوية عروض قوية وحلوة الحين توصل لحد 5 الاف ريال سعودي !! لكن حط ببالك وخليها كلمة ..

( جميع الرحلات القادمة إلى نيوزلندا تمر باستراليا ولازم تطلع يا فيزة عبور او فيزا سياحية استرالية عشان تطلع الطيارة )

كل كل كل الرحلات تمر ولما تجي تحجز يقولك في الموقع انه حنمر ع استراليا ودايم شيك على نقاط التوقف حتلاقي فيها ..

اذا ميزانيتك 40 الف ممكن تكفيك في حالة واحدة انك تجيب الايلتس من السعودية 4 في الاختبار الجينيرال وبعدها تجي نيوزلندا ارخص معهد بس عشان تكمل 4 أشهر

وتقدم على البعثة ..

تحياتي