مساعدة عندي أستفسار بخصوص الكشف الطبي

تغيرت المتطلبات عن السابق
حاليا اذا بتقيم أكثر من سنة في نيوزلندا مطلوب منك فحص أشعة للصدر فقط، واذا أقل من سنة غير مطلوب منك أي فحص طبي باستثناء في حال أنك ذكرت بأنك تعاني من أي مرض لاسمح الله ربما يطلبون منك فحص صدر أو فحص كامل
علمني مدة دراستك وضمانك المالي وأعلمك وش الي يناسبك، بالنسبة للفحص لازم تلتزم بالمستشفيات الي محددينها لك

الله يجزاك خير اخوي ماقصرت على تجاوبك معي جعله في ميزان حسناتك انا دراستي ماجستير سنتين في جامعة ماسي مبتعث عن طريق الوزارة ضمان مالي من عندهم ودي أعرف أذا انت سويت أشعة صدر بالرياض وين سويت هالموضوع لأن أمس رحت للمستشفى سليمان الحبيب بالعليا سألتهم بخصوص أشعة الصدر قالوا لا لاززم فحص طبي طبعا ماحصلت الدكتور حصلت ممرضه فلبينيه تشتغل معه وقالت لي هالكلام .

أكيد بيقولون لك كذا علشان تسوي الفحص الطبي الشامل وياخذون الدراهم
هالمعلومة أنا متأكد قاريها في موقع الهجرة النيوزلندية مكتب دبي، وهذا الاجراء الي أنا سويته مع التقديم، للأسف موقعهم على الانترنت سيئ جدا هاليومين ويعلق يفتح دقيقه ويقفل أسبوع وما قدرت اجيب لك الرابط
عموما أرسل لي ايميلك وأنا ابرسل لك الابليكيشن الجديد لأني متأكد ماقدرت تحمله بسبب سوء موقعهم، وفيه وانت تعبيه راح يوضح لك وش الفحص الطبي المطلوب منك،
ممكن يطلبون منك فحص طبي شامل في حال لاسمح الله تبين بأشعة الصدر وجود مرض أو شي أو أنت كتبت في الابليكيشن أنك تعاني من مشكلة معينة، غير كذا أشعة الصدر كافية للتقديم

انصحك بمستشفى الورود بالعليا، كل الاوراق من عندهم وأهم يعبونها طبعا أشعة صدر وفحص سريري

( تمت المشاركة باستخدام تطبيق مبتعث )