مساعدة منكم في استفسارات بسيطه عن سفري لنيوزلندا

وعليكم السلام،
توصل بالسلامة ان شاء الله واختيارك للخطوط السنغافورية ممتاز جدا يريحك من عناء التقديم على فيزا وفي نفس الوقت الخطوط رائعة والمطار أروع
بالنسبة للشنط من الرياض تقولهم أنك تبي تستلمها في اوكلاند وما راح تاخذها الا اذا وصلت اوكلاند، وراح بيكون بامكانك تاخذ شنطة يد بحدود 7 كيلو مع شنطة اللاب توب
بالنسبة للفلوس اذا كنت دفعت للمعهد والسكن حاول تاخذ معك 1000 دولار أمريكي علشان تمشي أمورك في مطار سنغافوره واذا وصلت نيوزلندا حولها الى دولار نيوزلندي وراح تكفي معك بحدود أسبوع، باقي المبلغ أنصحك تخلي أحد من الأهل يحوله لك اذا وصلت وفتحت حساب في بنك،
فتح حساب في بنك أفضل لك وبيوفر عليك مبالغ التحويل، ايضا نادر تحصل أحد يتعامل بالكاش هنا، حتى في البقالات الصغيرة تشتري عن طريق البطاقة
مدة 3 شهور من غير السكن والرسوم الدراسية بيكفيك 5000 دولار نيوزلندي كحد أقصى وربما أقل من ذلك ان ما كنت تصرف كثير، وما انصحك تسحب من حسابك السعودي لأن فيه رسوم على كل عملية
في سنغافوره بيقبلون الدولار الأمريكي، وفيه مراكز تحويل عملات وتقدر تحول الريالات الي معك الى دولار سنغافوري، لكن الأفضل أنك تحول الريالات في المطار بالسعودية الى دولارات أمريكية
بالنسبة لمطار سنغافوره فهو يتكون من 3 صالات رئيسية وبينهم قطارات، تأكد من صالة الوصول وصالة الاقلاع على التذكرة، ايضا تقدر اذا كان الترانزيت أكثر من 6 ساعات أنك تحجز في فندق المطار وأنصحك بهالشي، مدة 6 ساعات تقريبا بحدود 75 دولار أمريكي، علشان ترتاح بعد عناء الرحلة الأولى، بس اذا كنت راغب في هالشي لازم تحجز عن طريق موقع الفندق قبل السفر بمدة كافية
بخصوص الغربة فهو شي طبيعي لكن ان شاء الله في المعهد تحصل طلاب سعوديين ويساعدونك في البداية على التأقلم مع الدولة والأمور المهمة مثل فتح حساب في بنك، الحصول على بطاقة باص وجوال وغيرها، والشباب ما يقصرون ابد مع الطلاب الجدد
توصل بالسلامة