ابي قبول جامعه في نيوزيلندا بأسرع وقت ..ممكن تساعدوني

كم معدلك ووش تخصصك، التقديم اونلاين هو الاضمن والاسهل وكل الي عليك ترفعين اوراقك على جهازك وباقي الامور سهلة ان شاء الله

الله يعافيك . طيب كيف الطريقه مااعرف


( تمت المشاركة باستخدام تطبيق مبتعث )

هلا وغلا اخوي ..

مثل ما قال اخونا علي اعطينا التفاصيل حقتك عشان نفيدك ..

يعني انت من اي جامعة متخرج وايش تخصصك وايش التخصص اللي حاب تقدم فيه وكم معدلك وهل عندك خبرة او لا في نفس التخصص ؟

وهل انت في السعودية او في نيوزلندا وحاب تقدم التحاق بالبعثة ..

يعني معلومات عشان نقدر ندلك من خلالها كيف تسوي ..

تحياتي

مرحبا

انا قسمي لغه انجليزيه ومعلم وحاب اقدم على برنامج خطة الابتعاث
كل الشروط الحمدالله مناسبه الا القبول الجامعي
اخاف يتاخر ووقت التقديم يخلص ب ٥/١٧
وابي قبول قبل هالفتره . تقدر تساعدني بقبول جامعه واكون شاكر لكم




( تمت المشاركة باستخدام تطبيق مبتعث )

يخلص ب ٧/١٥
عفواً غلطت بالتاريخ


( تمت المشاركة باستخدام تطبيق مبتعث )

هلا اخوي،
التاريخ الي ذكرته هجري أو ميلادي، اذا ميلادي بيكون عندك وقت ان شاء الله بس اذا هجري الوقت ضيق جدا وصعب تحصل قبول في اسبوع
بالنسبة للقبول هل تقدر تدرس لغة قبل التخصص او مشترط عليك قبول غير مشروط بمرحلة اللغة؟
على العموم انصحك بجامعة وايكاتو وجامعة AUT اسهل الجامعات في القبول وأسرعهم وممكن يسقطون عنك شرط اللغة اذا كانت دراسة البكالوريوس انجليزي والتقديم اونلاين عبر مواقعهم وبامكانك الاعتماد على نفسك أسرع وافضل من المكاتب خصوصا أن تخصصك انجليزي واكيد بتعرف تقدم

لاالتاريخ هجري
والقبول ابيه غير مشروط
ع العموم الله يعافيك اخوي ويجزاك خير
ماقصرت


( تمت المشاركة باستخدام تطبيق مبتعث )

اهلاً وسهلاً أخوي

محد يقدر يجيب لك قبول في اسبوع المووضوع شبه مستحيل ..

اذا جيت هنا خلاص ممكن تطلع قبول في 3 او اربعة اسابيع اقل من كذا انسى

تحياتي

عذرا ع تطفلي

لكن اود ان اعرف ماهو برنامج خطة الابتعاث بارك الله فيك وما. شروطه ؟
ةهل هو نفس برنامج خادم الحرمين للابتعاث !


اسسستغفرالله العظيم
اسسستغفرالله العظيم
اسسستغفرالله العظيم