اشكر اخي ali anter ومحمد اكرم على سرعة تجاوبهم

لاشكر على واجب والي نقوم به شيئ لايذكر هو مجرد اجابة على استفسارات وتوجيه للطلاب الجدد،
على العموم بالنسبة للخطوط أنصحك بالسنغافورية أفضل من الماليزية ولا تحتاج فيزا، ايضا الاماراتية أفضل أو بمستوى السنغافورية لكن تحتاج الى فيزا ترانزيت أو سياحة في استراليا، بالنسبة لي خياري المفضل هي الخطوط السنغافورية لروعة المطار في وقت التوقف وامكانية حجز فندق فيه للراحة بعد رحلة طويلة
المسافة بين مطار اوكلاند وهاميلتون حدود ساعة ونصف بالسيارة، لذلك عندك أحد خيارين أما حجز باص عن طريق أحد الشركات الي تنقل من مطار اوكلاند الى هاميلتون وهو الخيار الأفضل خصوصا اذا كان وزن الشنطة الي معك 30 كيلو وما تبي تركب طائرة محلية من اوكلاند الى هاميلتون والي بيجبرونك أن الشنطة مايزيد وزنها عن 23 كيلو
الطيران من اوكلاند الى هاميلتون حوالي ربع ساعة لكن على الأرجح راح تنتظر مدة في مطار اوكلاند قد تصل الى 4 أو 5 ساعات لحين موعد رحلتك، اذا كنت مبتعث والوزارة تعطيك تذكرة تقدر تاخذ حجز الى هاميلتون شاملة الرحلة المحلية، القيمة للشخص يمكن حدود 75 دولار اذا فيه مشاركة لكن بيكون فيه عرض اذا أكثر من شخص

Airport Shuttle service from Auckland to Hamilton :: Home
هذا موقع شركة جيدة لكن لازم تحجز بالموقع بدري وتعلمهم بموعد وصولك الى اوكلاند وتطلب منهم أن السيارة تكون خاصة لك ولعائلتك فقط، السعر راح يكون أقل لو كان فيه ركاب آخرين لكن علشان الخصوصية يفضل تطلب خاص

بالنسبة للملحقية التعامل معهم الكتروني وما تحتاج تروح لهم ابدا، فتح الحساب بسيط اذا وصلت الى هاميلتون ان شاء الله وطلعت بطاقة طالب من الجامعة تروح الى بنك ANZ أو ASB وكلهم موجودين داخل مبنى جامعة وايكاتو، أو اذا كنت في كلية الوينتك فهي في وسط السيتي وفيه فروع للبنوك هناك وبيساعدونك المعهد أكيد على تخليص هالأمور فلا تشيل همها
الملحقية راح تطلب منك صور الشهادات، الجواز، الفيزا، ختم الدخول الى نيوزلندا وخطاب من المعهد أنك بدأت الدراسة وطبعا راح تعطيهم بيانات حسابك البنكي علشان تبدأ البعثة والصرف ان شاء الله
وبالتوفيق

اهلاً وسهلاً اخوي ويعطيك العافية على الكلام الحلو اللي بدر منك ومثل ما قال اخونا علي نحن بس بنقدم ردود لا اكثر

وبالنسبة لموضوع اسئلتك اخويا علي ما قصر

اذا احتجت شي نحن دايماً بين يدك

تحياتي

بارك الله فيكم جميعاً .. يعلم الله تثلجون الصدر بوقفاتكم معنا

طيب لو حجز عن طريق الخطوط السنغافوريه هل يؤمن لنا فندق خصوصاً اذا تأخر الاصلاع الى اوكلاند؟
طبعاً انا وزوجتي وطفل ... واذا حبيت اخذ سياره خاصه لنا فقط من مطار اوكلاند الى هاميلتون بكم تكون تقريباً سعرها ؟

وماهو افضل بنك لسرعة نزول المكافأة؟
وهل يتم صرف لنا مساعده او بدلات لحظة وصولنا؟(حسب ماسمعت) لإن وصولنا بإذن الله راح يكون في ١٠ جولاي وموعد الدراسه ١٤ جولاي ...
اذا اخذت معي قهوه وطحنتها كيف اضع عليها ستيكر تاريخ بداية ونهايه من وين اسويها ؟

لاتلوموني لان والله ماني عارف شي لحد الآن وتشتت ذهني ..
شكراً سلفاً


( تمت المشاركة باستخدام تطبيق مبتعث )

الأمور بسيطة ان شاء الله،
بالنسبة للخطوط السنغافورية على الأرجح راح يكون فيه ترانزيت في مطار سنغافوره، ممكن 5 أو 6 ساعات، الخطوط ما توفر لك فندق كالسابق لكن المطار فيه فندق في كل صالة من الصالات الثلاث وتقدر تحجز فيه بحدود 70 دولار عن كل 6 ساعات، المهم احجز بدري على الاقل قبل اسبوعين علشان تضمن الغرفه، تقدر تحجز من موقعهم على هالرابط بس طبعا بعد ما تحصل على التذكرة، ويفضل تختار الصالة الي بتقلع منها من سنغافوره الى اوكلاند
https://www.harilelahospitality.com/...servation.html
بخصوص الباص اذا خاص ممكن يكون سعره بحدود 150 دولار أكثر أو أقل شوي بس راسلهم بدري علشان تعرف التسعيرة وتحجز تضمن السيارة
القهوة عندك المحلات مثل الرفاعي وغيرهم يعطونك ستيكر عليه تاريخ الصلاحية ويغلفونها لك بطريقتهم الي تسمح لك أنك تسافر فيها لأي مكان
بالنسبة للبنك، أسرع بنك هو ASB المكافأة تنزل مباشرة لأن حساب الملحقية عليه، وباقي البنوك تنزل بليلتها يعني مافي فرق كبير بالتوقيت، بنك ANZ جيد ايضا ومنتشر بشكل أكبر، بالنسبة للمكافأة أتوقع تبدا من موعد بداية الدراسة لكن تاكد من الملحقية، على العموم راح تعطيهم ورقة الدخول وورقة مباشرة الدراسة علشان فتح الملف وهم بيعطونك الخبر، على الارجح شهرك الاول راح ينزل فيه نص مكافأة
توصل بالسلامة