ياليت تساعدوني بليييز

أول شيئ مبروك التخرج والله يوفقك ويكتب لك الخير في مستقبلك،
في الوقت الحالي الطريقة الي قلت عليها غير مناسبة من أجل الالتحاق بالبعثة في نيوزلندا، السبب أنك لازم تحصل على الموافقة المسبقة من الوزارة للدراسة على الحساب الخاص، وما تقدر تحصل عليها الا ومعك فيزا دراسية وقبول جامعي وتحضر ملتقى الدراسين على حسابهم الخاص في الوزارة،
لذلك أنصحك أولا الحصول على القبول الجامعي بالتقديم اونلاين عبر مواقع الجامعات، ثانيا الحصول على قبول معهد لغة لمدة 5-6 أشهر والدفع لهم كامل المدة، ثم التقديم على الفيزا عن طريق الهجرة النيوزلندية في دبي، وبعد ذلك تحصل على موافقة الوزارة وتحضر ملتقى الدارسين على حسابهم الخاص، ثم تسافر ان شاء الله وبعد 4 أشهر تختبر ايلتس وتحصل على درجة 4 وقتها بيكون ابامكانك التقديم على طلب الالحاق بالبعثه
بالتوفيق

بسالك يا علي اول شي يا مرحبا والله. كيف الالتحاق الحين يقلون انه أسهل من امريكا. وبسالك عن الطب كيف النظام. وهل يقبلون الادبي ولا لازم علمي هل لازم نسبة معينة هل الدراسة انجليزي. هل يقبلون الثانوي اليلي هل كل الأعمار ولا فيه عمر محدد. النظام الدراسة هناك العموم والطب خاص

شروط الالتحاق أعتقد بأنها نفسها سواء في أمريكا أو نيوزلندا وكلها ترجع للوزارة في الأخير
الطب لاينصح فيه في نيوزلندا لأنه لايوجد الا جامعتين وعدد المقاعد للطلاب الأجانب محدود جدا بعد منافسة سنتين دراسية!
اذا درست أدبي في الثانوي لازم تدرس تخصص أدبي في البكالوريوس والا ماراح تعترف الوزارة بشهادتك ولا الحاقك بالبعثة، ارجع الى شروط معادلة الشهادات في موقع الوزارة
بالنسبة للجامعات ما عندهم مشكلة ابد بعمرك ولا نظام دراستك ليلي أو نهاري ما يفرق معهم، الي يفرق طبعا المعدل لكل كلية عندهم شروط من أجل القبولات، أما الالحاق بالبعثه لازم تتأكد من الملحقية عن مسألة العمر لأن الشروط تتغير من فترة وفترة، في ناس أعرفهم التحقوا بكالوريوس وأعمارهم أكثر من 35 لكن شروط الوزارة تتغير بين فترة وفترة لكن شخصيا ما أعتقد بأن العمر راح يكون شرط يقف في وجهك اذا كانت أوراقك كاملة

المشكلة يا علي. ان موضوع المعادلة فيه مشكلة كبيرة الكل يفتي فيه حتى طلب الدراسة الكل يفتي فيه مثلا المعادلة بالوزارة ردو والي رد يقول هاذي مشكلة في الطلاب أنهم يفكرون احنا ما نعادل شهادة الادبية اذا كان البكالريوس علمي وقال احنا نعادل كل الشهادات ويقول نطلب شهادة الثانوي علشان نتأكد اهو يوم طلع معه ثانوي ولا كفاءة او اشياء ثانية بس نتأكد والناس تفكر ان يطلبونه علشان يشفون هل متدد لتخصصه ولا لا بعدين الكلام هاذا تغير من نفس الوزارة مع واحد ثاني يقول لا ما يصير لأنهم حاطين طلب الدراسة والموافقة علشان السبب ان الناس تروح وترجع ولا تعادل الشهادة. وفيه بالملحقية الي بره يقلون بعضهم تقدر من أوله ليش تروح بتخصص ادبي ثم تغير اذا جيت انت تقدر تجيب تخصص علمي وانت هنا وتقبل بالطلب الدراسة والموافقة وكل شي تمام وبعضهم يقول تعيد الثانوي وبعضهم ما تقدر مثل كلامك. المفوضوع كله مفبرك