ارجو المساعده

تنبيه: هذا الموضوع قديم. تم طرحه قبل 5802 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

complex
مبتعث جديد New Member

غير معرف
complex , ذكر. مبتعث جديد New Member. , تخصصى student , بجامعة auckland
auckland

student

ذكر
auckland, auckland

غير معرف

Jun 2008
المزيدl
June 5th, 2008, 06:19 PM
June 5th, 2008, 06:19 PM
السلام عليكم ورحمة الله وبركاته

انا اليوم وصلني القبول من جامعة اوكلاند

ابغى اعرف ايش الخطوات الي لازم اسويها

هل اروح الرياض للوزاره واعلمهم بوصول القبول لانو انا الي جبت القبول مو الوزاره
او لازم اروح السفاره عشان الفيزا

وهل الفيزا تاخذ وقت طول؟

لانو باقي علي موعد الدراسه شهر فقط

وكمان كيف طريقة الحصول على الفيزا هل احتاج اجيب معايا اوراك معينه وماهي هذي الاوراق

واقدر اراسل السفاره او لازم اروح بنفسي الرياااض
وبالنسبه لزوجي هوا الي حيرافقني هوا مدرس هل وزاره التربيه والتعليم تديه اجازه ولا لازم يستقيل؟
وانا ابغي اخلي زوجي يلتحق معايا بالبعثه لنيل الماجستير سمعت انو اقدر اخلص اوراقه من هنا قبل لا نطلع ويبدأ دراسته معايا فما هي الخطوات هل لازم اعبي استماره؟

من جد احس اني متلخبطه لانو مابقي شي علي الدراسه وسمعت انو الفيزا تاخد وقت

ولكم جزيييييييييل الشكر
اختي الكريمة انا الي اعرفة ان بعد القبول راح تطول الشغلة شوي موشوي كثير بس توكل على الله وابدا

اولا : لازم يكون عندك خطاب البصمات وهو الي استلمتيه في الملتقى طبعا من موظفي الوزارة
ثم تطلع الجنائية وتسوي بصمات انت والمرافق

ثانيا:لازم اترجم اوراقك المطلوبة مثل بطاقة الاحوال والعائلة -الوثيقة اذا كانت بالعربي -كشف الدرجات كلم مكتب الاستشارات الدولية وهم يقولولك الاوراق المطلوبة +صور الجواز وصور شخصية المهم كلمهم.طبعا انت والمرافق بالنسبة للصور والبطاقات

ثالثا:بعد تجميع الاوراق المطلوبة تسلمها المكتب وتعبي عندهم اوراق ثم يرسلونها للسفارة على اساس تجيك الفيزا وبعد الفيزا

رابعا: تطلع الرياض وتصدر قرار الابتعاث وامر الاركاب وتتوكل على الله.

اتمنى اني مااكون قصرت معاك واذا في شي ناقص اتمنى من الاخوان تكملتة فقط اريد منك الدعاء لي ولجميع اهلي .
اه يادماغي
June 6th, 2008, 04:28 PM
7 "
 المشاركة الأصلية كتبت بواسطة complex

السلام عليكم ورحمة الله وبركاته

وعليكم السلام ورحمة الله وبركاته

انا اليوم وصلني القبول من جامعة اوكلاند

مبروك ما شاء الله والحمد لله هذي اول واسهل خطوة للابتعاث

ابغى اعرف ايش الخطوات الي لازم اسويها

الخطوات اللي لازم تسوينها انك تاخذين الفيزا الان وبعدها تطلعين للوزارة وتاخذين قرار ابتعاث وامر اركاب ثم الى نيوزلندا مباشرة

هل اروح الرياض للوزاره واعلمهم بوصول القبول لانو انا الي جبت القبول مو الوزاره
او لازم اروح السفاره عشان الفيزا

لازم تروحين للوزارة عشان تاخذين ضمان مالي للسفارة النيوزلندية في باكوك عشان يعطوك الفيزا والوزارة ما يعطونك قرار الابتعاث وامر الاركاب الا بعد ما تجيبين الفيزا والقبول مع بعض والفيزا تطلعينها من مركز الهجرة النيوزلندية في بانكوك لان الاسيويين كلهم ياخذون الفيز من هناك والسفارة في الرياض ما تعطى فيزا ابدا ً

وهل الفيزا تاخذ وقت طول؟

الفيزا انتي وازعاجك او بالاصح انتي وكمال اوراقك اذا اوراقك كاملة ووضعك وزوجك في السليم وكل معلوماتكم ممتازة جدا ً راح تاخذ اقل من شهر بشرط انك ترسلينها مع مكتب ممتاز مثل مكتب AAET في الرياض وانتي تكلمينم ويتعاطفون معك ويطلعون لك الفيزا في اقل من شهر ابن عمي طلع فيزته في ثلاث اسابيع ولكنه راسلهم بنفسه

لانو باقي علي موعد الدراسه شهر فقط

مو مشكلة ان شاء الله تتسهل وانا اخوك بس لازم تشتغلين بسرررعة وتكملين الاوراق المطلوبة عشان الفيزا من كشف طبي الى بصمة امنية الى ترجمات الخ... << بسردها لك تحت والله يعيينك يا رب

وكمان كيف طريقة الحصول على الفيزا هل احتاج اجيب معايا اوراك معينه وماهي هذي الاوراق

موضوعك طووويل جدا ً لان الفيزا ما تطلع من الرياض الفيزا تطلع من بانكوك مثل ما قلتلك وترسلين لهم اورراق ومتطلبات كثيرة جدا ً وبعدها يرسلون لك فيزا

واقدر اراسل السفاره او لازم اروح بنفسي الرياااض
وبالنسبه لزوجي هوا الي حيرافقني هوا مدرس هل وزاره التربيه والتعليم تديه اجازه ولا لازم يستقيل؟

وزارة التربية والتعليم تعبانة جدا ً للاسف ولو كنت مكانه قدمت استقالتي ورحت معك بلا تدريس بلا خرابيط رواتب زي الزفت ودوام نص السنة فاضي واقل من المستويات المستحقة لو مكانه الغى التدريس واطلع بعثة وارجع بماستر واتوظف بوظيفة دبل راتب المعلم خمس مرات

وانا ابغي اخلي زوجي يلتحق معايا بالبعثه لنيل الماجستير سمعت انو اقدر اخلص اوراقه من هنا قبل لا نطلع ويبدأ دراسته معايا فما هي الخطوات هل لازم اعبي استماره؟

الالتحاق بالبعثة مو صعب مرة ولكن اول شي خليه يطلع مع مرافق ويدرس لغة لان المرافق له حق يدرس اللغة وخلال دراسته للغة يقدر ينضم للبعثة

من جد احس اني متلخبطه لانو مابقي شي علي الدراسه وسمعت انو الفيزا تاخد وقت

ولكم جزيييييييييل الشكر

العفو اختي واليك متطلبات الفيزا وهي كالتالي :-

1- 3 صور شخصية لك ولزوجك ملونة حجم "4*6"

2- جواز سفر ساري المفعول ( يفضل ان تكون صلاحيته 4 سنين) وجوازات السفر القديمة ان وجدت. << المفضل تكون كذا صلاحيته لان الفيزا بتطلع بمدة الجواز فيصير عندك فيزا 4 سنين.

3- صورة بطاقة العائلة "مترجمة",

4- صورة من شهادة الميلاد "مترجمة". في حالة عدم توفرها تكتبن لهم خطاب وتعلمينهم عشان ما ياخرون فيزتك ويكون عندهم خبر انها مو موجودة.

5- شهادة البصمة الامنية السعودية "مترجمة". وتاخذين ورقة من الوزارة وتروحين للشرطة الجنائية وشغلتها تاخذ من يومين الى 3 ايام. والشرطة الجنائية موقعها خلف المحكمة الكبرى في الرياض وباقي المدن ما اعرف

6- نتائج الفحص الطبي من حد الاطباء المعتمدين من السفارة ويكون خلال الاشهر الثلاثة الاخيرة وفيه مركز الدكتور سليمان الحبيب وكذا مركز ما اعرفها موجودة بالمنتدى لو بحثتي

7- شيك مصدق من احد البنوك المحلية بمبلغ 175$ دولار امريكي ويحط باسم New Zealand Immigration Service.

8- توقيع نموذج التعريف العائلي وهو عباره عن كل المعلومات عن اهلك مثل ارقام جوازاتهم عناوينهم وظائفهم (( معلومات شاملة عن عائلتك وتحصلين النموذج عند المكتب اللي بتفوضينه يراسلك عشان يجيب لك الفيزا.

9- وصف التاريخ الوظيفي ان وجد لك ولزوجك .

10- وصف التاريخ التعليمي من ثانوية وما بعدها لك ولزوجك

11- خطاب القبول من الجامعة النيوزلندية موجود معك الحمد لله

12- خطاب الضمان المالي من الوزارة.

13- توقيع نموذج طلب التاشيرة << النموذج برضو بيكون موجود في المكتب اللي بيجيب لك القبول.

الله يسهل عليك ويعيينك اختي واتمني اكون افدتك ولو بالقليل

تقبلي مروري
Azozy1
June 6th, 2008, 06:47 PM
7 "
شكرا اخوي عزووزي كفيت ووفيت

ربنا يجعلها في ميزان حسناتك

ان شالله بكره رايحه الريااض واكمل اوراقي
complex
June 6th, 2008, 08:19 PM
7 "
مشكوره اه يادماغي

طيب لو ابغى انا بنفسي اجيب الفيزا ممكن تدوني ايميل مركز الهجره في بانكوك؟؟؟

لانو اسرع من المكاتب علي ما اعتقد
complex
June 6th, 2008, 08:33 PM
7 "