يا طلاب otago عزمت عليكم أن تدخلوا

هلا أبوي

أأمر و أنا في الخدمة و اللي أقدر عليه را أجاوبك

بالمناسبة ترا تخصصي ماهو طبي و لا أعرف شي بالطب

بس بأدرس في جامعة أوتاقو أو بالاخص للحين بأدرس في معهد اللغة التابع لجامعة أوتاجو

بسامووو عزيزي

انت احسن انسان واحد بالدنيا كلها

شوف يا ابني

انا رحت مكتب وقلت له جبولي طب أسنان من تحت الأرض في نيوزلند

جاب لي قبول فنديشن

وبعده شي اسمه بكالريوس علوم صحيه

كيف يعني بكلاريوس علوم صحيه

انا ابي طب أسنان

كلمت المكتب قال لي انت اذا جبت معدل كويس تختار التخصص الي تبيه طب طب أسنان صيدله

قلت يعني ايش بكالريوس علوم صحيه قال هنا انت تختار تخصصك على حسب معدلك

الكلام ما خش راسي

فا حبيت اسأل عن نظام الجامعه في قبول طب أسنان وكيف طريقته

اقدر احطلكم اوراق القبول بس اخاف تشوفون اسمي وبعدين ينسرق

ها

مين يقدر

هلا أخوي مهندس

شوف أنا مادري ايش الموضوع تبع الطب بالذات انو قبولي ماستر في المحاسبة يعني اختلاف في التخصص و المرحلة

لكن لي صاحب عزيز معايا في مرحلة اللغة الآن و عنده قبول طب بشري .. يقول :

أول شي دراسة في معهد اللغة لين تقدر تجيب في اختبار الايلس 5.5 من 9

بعد كدا يقبلوك انك تدخل سنة اسمها الفاونديشن بعد ما تخلص السنة دي في اختبار طبي

والمقاعد محدودة اذا قدرت تعديه و جبت درجة عالية راح تدخل الجامعة( طب) و اذا ما قدرت تعديه يحولوك لآي تخصص طبي آخر زي الصيدلة و المعامل بس مو طب بشري

بالنسبة لطب الأسنان والله العظيم ماعندي خبر .. ومادري اذا كانت عليها منافسة و اختبارات و لا لأ.

بس على العموم اذا تخصصك طبي لازم لازم تدرس سنة الفاونديشن بعد اللغة و قبل الجامعة

وبالنسبة لقبول العلوم الصحية نعم صحيح التخصصات الطبية داخلة كلها تقريباً تحت قسم اسمو

Health Sciences

و التخصصات اللي مدرجة تحتها زي :

PHARMACY - PHYSIOTHERAPY - MEDICINE - DENTISTRY

و حابب أضيفلك معلومة :

جامعة أوتاقو هيا احسن جامعة بالنسبة للطب و التخصصات الطبية في نيوزلندا و لها سمعة عالمية في هذا المجال.

بالتوفيق

اتصلت على الجامعه
وكان الإتصال طويل تقريبا ثلث ساعه

أحد يقدر يعلمني كم التكلفه بالدقيقه تورطت

المهم

كلمتهم

واخذت كل المعلومات

وبصراحه معلومات مختلفه جداً جدً جداً عن الكلام الي ينقال في المنتدى بخصوص الطب

بس أشوف وش يصير معي

وراح احكيك القصه الي صارت لي بساموووووو عزيزي

الله يوفقك يا شيخ دنيا وآخره

ويزوجك بنت ولا كل البنات تخدمك وتأكلك وتغسلك وما تقول لك لأ

واا

لي عوده

عدنا


بساموووووووو عزيزي

تقدر تعلمني عن نظام الدراسه باللغه الإنقليزيه في جامعة اوتاقو يعني كيف مستوى التدريس عندهم

وكيف وضعك معاهم

الله يجزاك خير

فا

راح احكيكم قصتي عن قبول طب أسنان بجامعة اوتاقو مع المكتب الي جاب لي قبول عشان لحد ياكل المطب الي انا اكلته

للي مهتمين يعني

طبعا بساموووو انا انتظر تعلمني عن دراسة اللغه

والي يقرا موضوعي هذا ياخذ الأبلكيشن هديه مني لكم حق 2009
في موضوع جديد

كتبت الموضوع ساعه كامل كيف طريقة جلب القبول من الجامعه وارفقت الأبلكيشن

وفي النهايه سويت معاينه وطلع لي DATABASE EROR

وكل حروفي الذهبيه راحت في مهب الريح

انا لله وانا اليه راجعون

مافي ابلكيشن بطلت

هلا والله بالمهندس وطبيب الأسنان

شوف بالنسبة للتكلفة ما عندي خبر بس اعتقد انها ماراح تتجاوز 2.5 ريال/دقيقة


وبالنسبة لدراسة اللغة

من رأي الشخصي انو المعهد بيسوي كل شي عشان يعلمنا

والمدرسين اللي فيه على مستوى عالي

و الباقي نسوي اللي علينا

من السعودية وانا عندي اقتناع كامل انو الانجليزي و معاهد الانجليزي عليها دور صغير و هوا انها توريك الطريق فقط و انتا بعد كدا تمشي عليه
يعني الدور الأكبر.. عليك تذاكر اول بأول و تحفظ كلمات

نرجع لموضوعنا

المعهد من رأيي الشخصي ممتاز جداً جداً .. بس مشكلته الوحيدة عن بعض الطلاب كثرة الطلاب السعوديين فيه

انا بالنسبة ليا ابداً ما اشوفها مشكلة لانو داخل الكلاس الجميع بيتكلم انجليزي

فقط يمكن خلال فترة البريك الواحد بيتكلم عربي وهادي ماعتقد انها مشكلة

وعلى فكرة . المعهد تبع الجامعة هوا الاغلى على على مستوى اسعار المعاهد الثانية


بالنسبة لنظام اللغة في المعهد :

المعهد فيه 6 مستويات ..

1/ begginer

2/ Elementry

3/ Pre-Intermediate

4/ Intermediate

5/ Upper-Intermediate

6/ Advance

لازم تجيب 6 من 9 في اختبار الايلس عشان تدخل سنة الفاونديشن

أو اذا تخصصك ما يحتاج فاونديشن

لك طريقتين عشان تدخل الجامعة

يا انك تدخل اختبار الايلس و تجيب 6 أو تدخل برنامج اسمو انجلش فور اوتاجو English for otago و تنجح فيه ومدة البرنامج 3 شهور و قبله ممكن تدخل كورس يأهلك انك تدخل البرنامج و مدته 10 اسابيع

كل المستويات 3 كلاسات في اليوم

خلال المستويات الاربع الأولى راح يدرسوك كلاسات اسمها General English

و المستويان الخامس و السادس يدرسوك كلاسين General English بالاضافة الى كلاس ايلس كل يوم

الاهم من كل شي انك تجتاز اختبار الايلس اذا تحتاج سنة الفاونديشن

يعني اذا كنت في المستوى الرابع و دخلت اختبار الايلس و جبت 6 فانت مخير انك تكمل المستويان الباقيين او تبدأ الفاونديشن على حسب رغبتك

اما اذا ماكنت تحتاج فاونديشن فانت مخير يا تجتاز الايلس أو تاخد برنامج English for otago زي ماذكرت في الاول

أتمنى أكون أفدتك

وبالمناسبة تراني متزوج و زوجتي معايا هنا .. فا اذا ناوي اني انضرب اليوم او يرتكب (( بضم الياء)) فيا جريمة عيد دعائك في المشاركة السابقة!!!!!!! >>>> أمزح

مادريت انك متزوج يا أخي الله يوفقكم ان شاء الله دنيا وآخره

وييسر لكم كل عسير

ياخي ليش مافي بني ادميين زيك في 2008

حمستني بسامووو عزيزي للدراسه

بس 6 من 9 شوي نجيب ابوها

6 من 9

الله يستر

يالله هانت هانت

عشان خاطرك بساموو حبيبي

راح احط الأبلكيشن مره ثانيه واكتب موضوع جديد في وورد

كنت بعاقبهم بس عشان خاطرك سامحتهم

نصيحه لحد يكتب في المنتدى موضوع جديد راح يروح عليه في لمح البصر

شكرا لك عزيزي بسامووو 2008

هلا أخوي المهندس

ماسويت الا الواجب ياسيدي

و أي خدمة أنا جاهز وفي أي وقت

ودعائك لنا جميعاً اننا نعدي الاختبارات

بالتوفيق