استفسارعن مدة دراسة الماجستير في نيوزلندا

في جميع التخصصات مدة دراسة الماجستير للطلبة السعوديين 3 سنوات قد تزيد لكن لاتقل اي ان اقلها 3 سنوات وانا اواصل تعليمي العالي في نفس تخصصي ومع ذلك مدة دراستي 3 سنوات + سنه لغه بينما في بريطانيا الماجستير سنه وفي امريكا سنتين .نصيحتي لك ان تستخير اذا كان بالك طويل شرفنا واذا كنت بتختصر على نفسك رح بريطانيا , اثناء ما احنا نكع في الماستر انت تحصل على الدكتوراه واحنا لسا في الماستر واستخر الله .عموما جامعنك من اسهل الجامعات في نيوزلندا وفيها سلاسه وهي حديثه كانت كلية وتحولت جامعة منذ 5 سنوات فقط ومدينتك راح تكون اوكلاند وهي مكتضه بالسعوديين من شباب وعوايل والله يوفقك يارباختك

يعطيك العافية اختي نجمة الفجر على النصيحة بس عندي سؤال ثاني حسب خبرتكم هل استطيع ادرس لغة في اوكلاند واحول بعدها الى اي دولة ولا لازم استمر في نيوزلاندا وشكرا

هلا بك وهلا بالرفحاوية كلهم.

اللي أعرفه ان مدة الماستر في نيوزلندا طويلة ثلاث سنوات تقريباً أغلب التخصصات.
أما بالنسبة للتحويل من نيوزلندا انصحك انك تحول قبل اللغة يعني قبل لا تروح
بما انك حجزت وخلصت الله يعينك . تحاول تحول بعد ما تاخذ اللغة . وتجيب لهم سبب مقنع للتحويل..
أنا عن نفسي حولت من نيوزلندا إلى استراليا من البداية .قدمت معروض على إدارة الابتعاث وسويت شوي زحمة وحولوني . وانا الحين باستراليا. سنة لغة وسنة ماستر تقنية معلومات واتصالات.

هذا اللي أعرفه ....وحياك الله.

هلابك اكثر يارفحاوي ويعطيك العافية على الافادة يعني افهم ان دراسة الماجستير في استراليا سنة بدون لغة جميع التخصصات ولا لا

على حسب الجامعات . يعني فيه بعض الجامعات سنة أو سنة ونص أو سنتين
أعلى شي سنتين على عكس نيوزلندا 3سنوات .
أنا في جامعة ولونجونج تخصص ماستر تقنية معلومات واتصالات (سنة )
وفيه واحد من الشباب بنفس الجامعة تخصص ماستر علوم حاسب (سنة )
وفيه واحد ثاني بنفس الجامعة تخصص ماستر في التعليم (سنة)
كل الشباب اللي أعرفهم بنفس الجامعة بمختلف التخصصات سنة وحدة فقط.

المهم إنك في الماستر تدرس تخصصك فقط ... يعني ما يدرسونك مواد تأهيلية مثل نيوزلندا .

لكن انت ادخل على مواقع الجامعات وشف التخصصات .... لكن زي ما قلت لك أغلب التخصصات الماستر من سنة إلى سنة ونص. من غير اللغة...
وبالتوفيق ....

شكرا لك رفحاوي على النشاط وبارك الله فيك وكثر من امثالك

لا ما فيه إحراج.

الطريقة يا طويل العمر رحت لإدارة الابتعاث بالرياض وأخذت معاي القبول اللي جاني من نيوزلندا
وقدمت معروض لـ د- الموسى. ذكرت فيه طول مدة الدراسة في نيوزلندا وأن نيوزلندا يطالبون طلاب الماستر بدبلوم تأهيلي للماستر ومن الكلام هذا .......
بعد اسبوع تم عرض المعروض على لجنة الابتعاث وتم الرفض.
بعدها قدمت معروض ثاني لـ د- ماجد الحربي مدير البرنامج وسلمته المعروض بنفسي وحاولت معاه لين وافق. و بنفس اليوم أعطاني ضمان مالي عشان أجيب قبول من استراليا على حساب الادارة
بعد مدة وصلني القبول . قدمت القبول على ادارة الابتعاث مرة ثانية مع صورة للمعروض وأخذت الضمان المالي باسم الجامعة عشان الفيزة .
بعدها بـ 13 يوم وصلت الفيزة . وانتهت مسألة التحويل.
وفيه اثنين من زملائي حولوا بنفس الطريقة . أهم شي سلم معروضك بنفسك للحربي .
وربي يوفقك ان شاء الله.

تسلم الرفحاوي على التوضيح

وعسى الله يكتب لك الأجر والمثوبة