مهم جدا وعاجل

ما اعتقد أن الأدب الأنقليزي من المجالات المعتمدة في ابتعاث خادم الحرمين الشريفين

السلام عليكم

التكاليف بتكون بحدود 44300 ريال لانه حقيقة بيكون فيه 3 تذاكر طيران وهذي لحالها ثلث المبلغ بالاضفه الي انه حساباتي كانت علي سكن في شقة مكونه من غرفتين وصاله مفروشه .

عموما الموضوع يحتاج الكثير من المعلومات وانا حسبت بناء علي المعطيات في الموضوع حيث انني حسبت سعر التذكرة للطفل كطفل اصغر من 5 سنوات .

عموما هذا السعر تقريبي وليس حقيقي لاني حاسبها بسعر صرف اليوم وهذه الحسبه شامله .

تذاكر السفرر
السكن
رسوم الدراسة
مصرف يومي بـ 50 دولار نيوزلندي ( بما انكم عائلة فبتكون جيدة نوعا ما اذا ما فيه خرجات)

واخيرا بالنسبة للادب الانجليزي ليس مدرج ولكن يمكنك احضار قبول في التخصصات الاخري ولكن سوف تصبح مدة دراسة الماجستير 4 سنوات

عموما تنقصنا المعطيات والحساب المذكور قد يكون قليل او مبالغ فيه لنقص المعطيات


وبالتوفيق

مشكور اخواني على الرد انا انشالله ناوية ادرس ماجستير بس مو في الادب الانجليزي في اي تخصص قوي ومطلوب زي التجارة الالكترونية ويمكن مادرس ماجستير في نيوزلند بس انا حابة الحين اخد دورات عشان المحادثة لاني زي ما قلت من قبل انا خجولة في التحدث بس الكتابة الحمدلله كويسة طيب شنو افضل التحق بمعهد خاص او مهعد تبع جامعة وشنو احسن معهد في كرايست ممكن استفيد منه وعلى فكرة ابني عمره خمس سنوات هل سعر تدكرته اقل بكثير او نفس سعر تدكرتنا وكم تتراوح اسعار تداكرهم في موسم الصيف وهل 45 الف ممكن تكفيناوانا حابة اسكن مع عائلة عشان استفيد لان فترة وجودي هناك ماراح تتعدى شهرين وانا بس راح ادرس زي ماقلت يعني زوجي وولدي مرافقين بس فحابة اطور لغتي ومشكور اخواني وعارفة طولت بس اللي يعرف يفيدني

معقولة ماحد يعرف عن افضل المعاهد في كرايست واي افضل الخاصة او العامة

سلام انا رايح لمعهد اسمه GEOS ولله ما دري عن المعهد كويس و بطال لكن في نظريه في راسي قليل فيه السعودين وبنت خالي انقبلة في البعثه وتخصصها ادب انجليزي

هناك معهد في اوكلاند رائع جدا وقد اقتنعت به بعد بحث طويل وصل الى اني راسلت احد الشباب اليه ووافاني بكل المعلومات المهمه ، مقر مناسب وسعر مناسب ونظام تدريس رائع .. يعني كل اللي يبحث عنه الدارس .. طبعا هذا مجرد راي .. وموقعهم www.ef.com
اما بخصوص التكاليف فهي التالي :
1- 21 الف شامله السكن مع عائلة .. وبما انك مع زوجك وطفلك فاتوقع ان الامر راح يختلف عليك شوي .. يعني راح تنقص الـ 21 وتصير 18 الف وراح يزيد عليك السكن لانك بتاخذي شقة تكفيكم ولايمكن ان تسكنوا مع عائلة كاسره داخل اسره .. واسعار الشقق لااعلمها
2- تكاليف المعيشه زي ماقال الاخ في حدود 50 الى 70 دولار نيوزلندي يعني في سعر اليوم 132 الى 185 ريال شهري في حدود 5000 ريال
3- تكاليف طيران حسب الخطوط اللى بتسافري عليها وافضل الخطوط هي السنغافورية والماليزية
4- هناك تكاليف عفش زائد وانتبهوا منها يعني حاولي تتقدي بالوزن المسموح للشخص 25 كيلو بالاضافة الى 7 كيلو مع الشخص داخل الطياره لانو في ناس دفعت 6000 ريال بسبب الزيادة واذا كلان لابد من وجود زيادة فانصح شحنها عن طريق البريد فوزن 45 كيلو واقل تكلف 600 ريال فقط
هذا ماااذكره بخصوص التكاليف .. وانتي امسكي الة الحاسبة وضربي الارقام حسب ايام الدارسة .
وربي يوفقك

مشكور اخواني وماقصرتو والله يوفقنا انشالله جميعا

السلام عليكم

اولا : التذاكر تختلف من فتره لفترة وكل ما كان الحجز بفترة كل ما كان سعر التذاكر اقل واسعار التذاكر تتراوح من 5700 الي 8600 ريال بحسب الخطوط وايضا قرب موعد الحجز فامر التذاكر امر متحرك غير خاضع لاي حسابات .
وبالنسبه للطفل فانا لست متاكد هل من عمره 5 سنوات تحسب نصف تذكرة او لا لان ما اعرفه هو اقل من 3 سنوات .
بالنسبة للسكن عند عائلة فايضا هنا ما اعرفه ان السعر للفرد البالغ الواحد هو من 160 الي 220 دولار حسب السكن وموقعه والطفل حقيقة لا اعلم كيف سيحسب ولكن بيني وبينك اعتقد انها سوف يكون السعر مقارب لنفس سعر الشقه لانه لن تنزل الاسعار عن 380 في احسن الاحوال اسبوعيا

وبالنسية للمعاهد فاقولها صراحة جميغ المعاهد تودي نفس الاداء والفاصل في الموضوع هو الجهد والبعد عن التحدث بالعربيه والاسعار للفل تايم تتراوح من 280 الي 380 دولار للاسبوع

ونصيحة اذا عزمت القدوم الي هنا ابدئي بفتح ملف طالب علي حسابه الخاص في الوزارة والبدء في طلبات الالحاق خلال الشهرين التي سوف تكون علي حسابك

وبالتوفيق

مشكور اخوي اوكلاند يعني من رايك اني اسكن مع عائلة او شقة لاني حابة استفيد من فترة وجودي معاهم بس محتارة اما بالنسبة للخطوط فراح نحجز على السنغافورية انشالله وانا راح اجي مع بداية الصيف الجاي اما بالنسبة للمعاهد فمرة اسمع ان الخاص كويس ومرة اسمع ان المعهد لما يكون تبع جامعة يكون افض خصوصا اني متخرجة ادب انجليزي وحابة بس اطور لغتي محادثة وانشالله نهاية جمادى الثاني راح اسافر لان ظروفي ماتسمح اجي قبل كدا بس انا استفسرلاني محتارة بين نيوزلند وكندا فحابة اعرف ظروف الدولتين عشان اقررومشكوررررررررر على النصيحة