السفر والدراسة عن طريق مكاتب .......؟ثم الانظمام للبعثه

مرحبا اختي زيتونه

بحسب المعلومات اللي جمعتها من النت والشباب اللي راحو

فأن الملحقيه ممكن تضمك اذا رحتي هناك لكن بما انك جايه من مكتب

فاتمنى الاعضاء يفيدونك .

بس عندي استفسار .. وش اسم المكتب اللي بتروحين عن طريقه وفي اي مدينه يقع ؟
واكون لكي من الشاكرين وربي ييسر امرنا وامرك

إذا انت ماستر إحتمال تنفع (صديقي ماستر وانضم للبعثه قبل شهر) ولكن لا توجد ضمانات واحسن شي الاتصال على مسؤول إلحاق الطلاب على حسابهم الخاص في المحلقيه الثقافية في استراليا والاستفسار منه مسبقاً .. كما انصحك على اقل تقدير وقبل السفر ان تأخذي اذن بالدراسه على الحساب الخاص من وزارة التعليم العالي وهو إجراء لا يأخذ وقت منهم.

وهذا رابط للرقم الهاتف .. الاخ حموده الاحمر
http://www.sacm.org.au/Default.aspx?p=2&m=5

المبلغ معقول جداً وممتاز.

الملحقيه مالها علاقه فيك اذا انت جايه عن طريق مكتب ولا من نفسك .. مادام إنك جايه على حسابك ماراح تفرق معاهم ولا راح يسؤلونك وشلون جيتي.

بحسب معرفتي ان جميع التخصصات مطروحه ولكن يعتمد على موافقة وزارة التعليم العالي عند وصول المعامله لهم.

هذا رابط يخص شروط إلحاق الطلاب الدارسين على حسابهم الخاص
http://www.sacm.org.au/Default.aspx?p=2&m=21

وهذا من موقع الوزاره نفسها
http://www.mohe.gov.sa/Arabic/Schola.../Pages/q5.aspx

تحياتي

نفس وضعي .. عن طريق مكتب ثم من هناك يتم الحصول على قبول من اي جامعه معتمده ويتم اضافتك عن طريق الملحقية .. وخاصة ان الدارسة ماستر فهي اسهل من بكلوريوس لقلة الدارسين مقارنه بالشهاده الجامعية .. ولكن لابد ان تجهزي كل اوراقك يعني الشهادة تكون مترجمه ومصدقه بالاضافة الى الحرص على ان يكون المعهد معتمد لدى الجامعات لتسهيل القبول ولاتنسي شهادة بنكية بالحساب البنكي وفيه حركة اخر 3 اشهر او 6 اشهر ... بقية الشروط سهله وميسره
وبالتوفيق يارب

مكتب العمودي للدراسه بالخارج في جدة بس رخيص مره اتوقع انه معهد اطفال اللي بيرسلني عليه بس بروح المكتب واتاكد منهم يعني الوظع في نيوزيلاند زي كندا؟ سهل وممكن يكون في سنة اللغه مو بعدها ؟ لانهم يحطون شروط بس يطلعون اقاربي ولا شرط فيهم منطبق وينظمون للبعثه استغربت معناها شكلي ما اعتمد على الموقع بل اعتمد على الواقع

والعامودي وارسلك لمعهد اي اف والا معهد اكسبلنت ؟ لانو ماعندهم غير هالمعهدين وبكل الحالات هم معاهد راقيه وقوية بس عسى ماتصادفي عرب كثير .. وحتى لو صادفتي المفروض يكون لك برنامج خاص قوي يخليك تركزي في دراستك

لا لما رحت للعامودي طلع ماعنده سالفه لانه يقول المعاهد اللي بيرسلني عليها معاهد خاصه وماراح يجيب لي قبول وانا بجي على عماي ما اعرف كيف اجيب قبول من الجامعات انا ابغى مكتب اعطيه كل اللي يبغى بس يخليني اروح هناك كل شي جاهز انا بس ادرس ماعندي استعداد اروح والف لف نيوزيلاند بابوي وهو صحته على قده

بس لحظه كنت بسالكم الدراسه بنيوزيلاند اقرب لبريطانيا ولا اقرب لكندا؟
لان انا سمعت ان بريطانيا الدراسه فيها معقده ولغتها مو هينه ونظامهم معكر شوي اما كندا وامريكا دراستهم سهله ومو معقده هل هذا الكلام صحيح؟
عموما في جميع الاحوال انا رايحه ادرس مو العب يعني اكيد بشد حيلي بس اخاف اشد حيلي واقطع نفسي مذاكره ويقولون لا ماجبتي الدرجه المطلوبه وتكون 98 % وانا اكون جايبه 95 % قهر صح؟ يعني كلوا ممتاز بس يمكن يسووون فيها إنا

نسيت اقولكم اني لقيت هنا بالموقع اسم مكتب مختص بنيوزيلاند وشكله يفهمممممممممممممممم مزبوط وقالي احنا كمان راح نساعدك في مكتبنا هناك للانظمام للبعثه تمام؟مع اني كنت اتمنى كندا بس خيره اني توجهت لنيوزيلاند ولا حفت اقدامي ادور مكتب لكندا ما لقيت ابدا ولا اقدر اروح على عماي
بس الحين باقي اروح ادور على افضل المدن النيوزلانديه واللي فيها شويت عرب عشان يتسلى الوالد بايووووووووووو ادري بتقولون ياكثر كلامك

^
^
ما أنصحك فيه أبد

إذا كنتِ تقصدين اللي حاط أعلانه هنا في هالقسم

شيكي ع الخاص

حددي باي مدينة انتي في عندي مجموعه مكاتب بتجيب لك القبول خلال فترة وجيزة جدا .. وباسعار ممتازة ولافيها تعقيد كثير ..
عموما ربي يوفقك وبخصوص لغة انيوزلاندا فهي على النظام البريطاني نظرا للاستعمار الذي اقامته بريطانيا على نيوزلاندا ... يعني اللغة بتكون على اصولها وكل شي بتوفيق الله
تحياتي