الرجاء الدخول للضروره القصوى

واللهي أنا مثلك علمي علمك
مقبولة حديثا ورايحة في دوخة أسئلة واستفسارات
وتعليمنا العالي حايس عشاننا ولا هو داري عن تساؤلاتنا
ياريت أحد يفيدنا بالخطوات الأولى

أخوي أول شي مبروك عليك الابتعاث والله يوفقك بدراستك ان شاء الله ..

برأيي الخطوة الأولى الي تسويها أنك تحضر قبول جامعي لأن ممكن ياخذ وقت من شهر الى شهرين في بعض الجامعات لدراسة طلبك ..

أول شي ابحث عن التخصص الذي ستدرسه بأي الجامعات موجود .. وتذكر أن عدد جامعات نيوزلندا 8 جامعات .. اثنتين منها موقوف الابتعاث لها ..

وبعد ما تعرف بأي الجامعات موجود تخصصك حاول تقدم بكل الجامعات المتاحة لكي لاتخسر وقت .. ولديك عدة طرق للتقديم منها المكاتب ومنها بعض الأعضاء هنا جزاهم الله خير متكفلين بالتقديم لأخوانهم المبتعثين .. مثل العضو خيالي نجد و اسحاق ..

وبعد القبول فكر بالفيزا .. ولا يمنع أنك تجهز كامل أوراقك من فحص طبي و بصمات و بقية طلبات الفيزا خلال فترة انتظارك للقبول الجامعي ..

والله يوفقك ان شاء الله ..

أنا أعرف ان الوزارة راح تبعث بطلب القبول للجامعات
ولا لازم احنا كمان نراسل الجامعات المعتمدة الأخرى ؟؟

السلام عليكم
الله يوفقكم ويسهل اموركم يارب
انا من رايي تدور احد هنا يجيب لك قبول اسرع لك وبعدين تبدا باجراءات الفيزا
بالنسبه للفحص انتبهوا ترا له مده معينه لان بنتي سوينا لها فحص ثاني ماقبلوا الفحص القديم عشان كذا تاكدوا من مدته

أخواني و اخواتي أشكر كل من شرفني بالرد على إستفسارتي


و بالنسبه للقبول أخاف نجيب قبول و ما يقبلوه بالتعليم العالي

و بالنسبه للفحص ماهي العيادات و المراكز المعتمده للفحص في المنطقه الشرقيه

وكم مدة الفحص و بعدين ينتهي

و لكم خالص الود

يعني لازم نراسلهم بالبريد .. الله يعيننا يا رب

أبو وليد

أنا قرأت أن أهم شي قبول المعهد والجامعة عشان تسرع من فترة الابتعاث
بس المعهد أهم لدراسة اللغة .. من ثم ممكن تبحث عن الجامعة من هناك
ثم لازم تشوف الجامعات المعتمدة من الوزارة من خلال موقع الوزارة نفسه
وهذه الجامعات هي لي راح تراسلها مو غيرها
ولازم تراسل الجامعة إلي فيها تخصصك مو أي جامعة !!
ثم لو جبت القبول من الجامعات الـ 8 صدقني بإذن الله ما راح يرفضو
لأنك كدا سهلت العملية عليهم وقصرت الطريق لنفسك ..

وبالنسبة لمدة الفحص ما عندي علم بالمنطقة الشرقية
لكن اكيد مستشفى حكومي هي المعترف بها
ولما تروح المستشفى راح تسأل هناك عن المدة وحيقولو لك المدة الزمنية الطبية المعروفة

لا تخاف ويسرها تتيسر .. وهونها وتهون بإذن الله


سلامي

شهد القلوب

السلام عليكم
بالنسبه للمستوصفات المعتمده تقدر تدق على السفاره النيوزلنديه بالرياض وتسالهم لانه يمكن يوكن فيه تغيرر
بس اللي اعرفه انه مستشفى اسطون بالمنطقه الشرقيه معتمد للفحص عند الدكتور الربيش تدق وتاخذ موعد علشان يجهزون اوراقك وتاخذ معك صور شمسيه لك هم راح يقولون لك اذا دقيت
وانصحك نصيحه خل احد يجيب لك قبول من هنا اسرع لك واريح لان زوجي جاب قبول عن طريق مكتب وتخيل جلس ثلاث شهور ينتظرهم مع انه نسبته زينه
اما بالنسبه لمدة الفحص مااقدر اقولك كم بالضبط بس انت الحين ابدا بالقبول بعدين شوف اجراءات الفيزا دق على السفاره وخذ كل المعلومات اريح لك وااكد لك
الله يوفقكم
استغفر الله العظيم

مشكورين جميعآ و الله يجعله في موازين أعمالكم يارب