ما أفضل شركات البريد للإرسال إلى نيوزلندا ؟

والله يالغالي أنا أرسلت بعض الأوراق و المستندات هناك عن طريق DHLأخذوا 250 ريال و وصلت بعد أربع أو خمس أيام ..بالتوفيق ..

اذا كنت بتشحن اكل ما الك الا الشحن العادي

عندك مكتب الطيار والخطوط الامراتيه مكتب كانوا في المنطقه الشرقيه

سعر الكيلوا من 12 الى 14 ريال لكن اقل شيء تدفع قيمة 45 كيلوا

وبنسبه للاكل مافي مشكله اذا كان التغليف تجاري وعليه تاريخ الصلاحيه لكن بتدفع نوع الضريبه
في نيوزلندا

اذا ماكنت حاب تدفع خذ الاكل معاك في الطياره واشحن الملابس وغيره

طبعا الشحن يوصل خلال اسبوع الى اسبوعين ويكون للمطار فقط

هلافيك عزيزي ..

حسب خبرة الشباب البريد السعودي هو الأفضل !! من ناحية السعر وجودة التوصيل

في شباب اختاروا شركات ثانية مشهور مثل DHL والفيديكس ولكن تأخرت وصارت
معاهم شوية افلااام مع الجمارك .. فلازم تاخذ معك شخص خبرة ..

التمر يسمحون فيه .. وبرضه القهوة المطحونة .. أهم شي تحرص على تغليفها وانهم
مايرسلون اي مواد غير معروفة "مرة حلتيتة" تخبر الوالدة اللي يحفظها ماتقتنع بالأدوية
وهم مايتعرفون عليها .. هع هع هع

تحياتي

الأخ الكريم على عبدالله شاكر ومقدر لك تجاوبك ..

==

الأخ الكريم أوكلاند شاكر لك ومقدر تجاوبك واسهابك في الشرح والتوضيح .. ولكني عندي سؤالين كم الضريبة التي سيأخ\ها النيوزلنديين مقابل الأكل .. ؟
وأين مكان البريد السعودي في الرياض ..


==
الاخ الكريم palmy boy
شكرا على تجاوبك . على سالفة الحلتيتة أجل بفقده هناك خخخخخ
شكرا جزيلا وماقصرت


وجزاكم الله خيرا واللي عنده مشاركة ومعلومة جديدة يتحفنا بها مشكورا مأجورا

الضريبه 70 دولار على كل شنطه اذا ماكنت غلطانه

والبريد السعودي ما عندي خلفيه عنه وما ادري ايش ايش المقصود فيه

عن نفسي انصحك بالبيد السعوي سوا كان ممتاز او عادي
صديقتي طلبيت اغراض من السعوديه تمر وقهوه وترامس شاي وفناجيل شاي وقهوه وعبياة وبعض الاشياء وصلت لبيته عند الباب بعد 10 ايام مدون والله مايفتح الكرتون على ترتيب اهله انا شفته بعيني بس بصراحه مدري كم اخذو عليهم بسعوديه تعرف الاهل الله يطول بعمارهم مايعلمون السعر

اما انا قلت ا ابغا شي مجرب وشحنت تمر وقهوه وهيل ومبخره عن طريق فرناس مدري له فروع او لا بالقصيم الكيلو ب10 وصله الى المطاروبعدين دقو علينا راح يجيبهن زوجي وتعال شف التفتيش وخذو الهيل يقولون فيه حشرات ودفع زوجي ضريبه للجمارك 150 الى 200 دوالار لانه كل مازاد الغرض زادت الفلوس

هذي تجريبتي ولكم الخيار

شكرا عذب التعاليل على طرح الموضوع

أرجو من اهل الخبرة افادتنا اكثر بخصوص الجمارك ... وبشكل أوسع

الى تسل عن الجمارك الجمارك هنا مدري وشلون ؟؟؟؟؟
يعني الدعوه حظوظ او تختلف من شخص الاشخص من رجال الجمارك يعني اتوقع احد مره شديد وحد عادي يتساهل في بعض الاشياء وانا طبعا اتكلم عن مطار كريست شيبرش
يعني عن نفسي اول ماجيت هنا كنت جايبه معي مره وحلتيت ورشاد ومحلب علشان ولدي يعني علاجات شعبيه خخخخخخخ وبخور معي بنفس المطار ودخلوهن عادي بدون اي تفتيش او سالو عنهن او اي شي الامر عادي شافوهن كما انهم شافوا ملابس ؟؟؟؟؟؟؟؟؟؟؟
بعد اسبوعين تقريبا جت وحده من زميلاتنا وتقول انهم اخذو منها العلاجات الشعبيه وبعض الاشياء مثل العسل والتمر الطازج ؟؟؟؟؟؟؟؟؟؟مدري ايش الحكمه

مثال اخر اول ماوصلت كنت شاحنه اغراضي مع شركة الفرناس وفيها هيل وقهوه ’’’’’’’’’’’’’’’’’’’الخ
المهم كل شي دخلوه طبعا مع دفع ظريبه بحدود 200 دوالار
بعد 3 شهور طلبت من اهلي يرسلون قهوه وهيل وتمر مع نفس الشركه لكن للاسف اخذو الهيل وقالوا مايدخل ممنوع وصادروه؟ واي حاجه سوال احنا بالخدمه

السلام عليكم
فعلا مثل ماقالت الاخت سكريه الدعوى عندنا حظوظ او حسب مزاج الموظف
بالنسبه لنا شحنا عن طريق الامراتيه رخيص.والبريد السعودي يقولون زين بعد بس ماجربناه بالنسبه للجمارك سمعت انه فيه مكاتب تخلص لك اغراضك بس مدري شلون الطريقه بصراحه لكن ترا المساله موب بالتعقيد اللي انت متصور يعني تاخذ وقت يقولون لك تعال بكرا خذه بس عادي